Përfitimet shëndetësore të frutave janë të njohura. Hulumtimet kanë treguar se ngrënia e shtatë porcioneve me fruta dhe perime në ditë zvogëlon rrezikun e vdekjes së hershme nga çdo shkak deri në 42%, ndërsa një studim tjetër ka treguar se ngrënia e njëqind gramë fruta dhe perime në ditë zvogëlon rrezikun e vdekjes me 20%.

fruta

Megjithatë, çfarë duhet të kemi parasysh kur bëhet fjalë për të ngrënë fruta?

  1. Shmangni pirjen e ujit menjëherë pas:

Ndërsa shumica e frutave kanë një përmbajtje të lartë uji dhe konsiderohen të shkëlqyera për detoksifikim, pirja e ujit menjëherë pas mund të prishë procesin e tretjes, duke e ngadalësuar atë dhe ndoshta duke shkaktuar aciditet. Ekspertët shpjegojnë se kur trupi ynë merr shumë ujë, veshkat mund të mos punojnë aq mirë, gjë që mund të shkaktojë nauze dhe dhimbje koke. Është mirë të prisni të paktën një orë pasi të keni ngrënë fruta përpara se të pini ujë.

  1. Shmangni ngrënien e frutave të prera që janë ruajtur për periudha të gjata kohore:

Kur nuk kemi kohë, shpesh i përgatisim ushqimet paraprakisht, duke përfshirë frutat. Megjithatë, lënia e frutave të prera për një kohë të gjatë çon në oksidim, gjë që redukton ndjeshëm përmbajtjen e tyre ushqyese. Përveç kësaj, ata kanë tendencë të humbasin shijen e tyre. Është më mirë të lani dhe konsumoni të gjithë frutat.

  1. Kufizoni lëngjet:

Lëngu i frutave të freskëta është një zgjedhje e shëndetshme, por lëngu humbet shumë lëndë ushqyese në krahasim me frutat e plota. Kjo nuk do të thotë se nuk mund të shijojmë lëngun e frutave të freskët të preferuar, por duhet të ketë një ekuilibër mes konsumimit të frutave të plota dhe lëngjeve në mënyrë që të mos humbasim lëndët ushqyese.

Duket se Maget Gueje po luan javët e fundit te Partizani, ku është prej tri vitesh, por në sezonin e fundit e ka çuar performancën e tij në një tjetër nivel.

Maget

Për 21-vjeçarin kanë shfaqur interes disa klube, teksa “Panorama Sport” mëson se së fundmi në skenë kanë hyrë edhe gjigantët grekë të Panathinaikos. Senegalezi është titullar fiks dhe pikë kyçe e formacionit në këtë sezon dhe si i tillë talenti i tij ka bërë jehonë në klube të rëndësishme jashtë vendit, që e shohin Kategorinë Superiore si një “market” për blerjen e lojtarëve. Drejtues të lartë të Panathinaikos e kanë pëlqyer Magetin dhe nëpërmjet kontakteve të tyre në vendin tonë kanë pyetur për të ditur më shumë rreth të dhënave të tij, personalitetit dhe situatës kontraktuale me Partizanin.

Pritet që në vijim të nisin edhe kontaktet e para mes klubeve, me Partizanin, që është i hapur për oferta në këtë verë. Burime për gazetën bëjnë me dije se një skaut grek ka qenë në stadium në ndeshjen kundër Dinamos, ku ka ndjekur Magetin, por edhe ndonjë element tjetër që mund të spikasë. Mesfushori në të shkuarën është ndjekur edhe nga klubi turk i Sivasporit. Gjithashtu, ka kontakte të vazhdueshme mes Partizanit dhe kroatëve të Osijek, ku trajner është Zoran Zekiç.

Ky i fundit e ka stërvitur Magetin dhe ka besim të plotë se senegalezi mund të ndihmojë ekipin, por edhe në të ardhmen mund të shitet për një shifër të lartë në klube të rëndësishme. Sa i përket financave dhe prestigjit, mund të themi se Panathinaikos është më lart sesa të interesuarit e tjerë që janë zbuluar deri më tani. Grekët blenë Enis Çokajn për rreth 1.2 milionë euro në verën e vitit 2022. Maget numëron 40 paraqitje në këtë sezon me një kontribut prej 6 golash dhe 2 asistesh. Senegalezi ka grumbulluar 3053 minuta në total. Faktori “X” i tij mund të quhet fakti se luan në çdo pozicion të mesfushës me të njëjtin nivel.

PANORAMASPORT.AL

Mainzi në Gjermani, por edhe skuadra të tjera kanë vënë në shënjestër talente të ekipit të Tiranës. Skuadra, në fund të sezonit mund të ketë një tjetër “eksod” lojtarësh.

jaku

Bëhet fjalë për mesfushorin Jordi Jaku. Prej kohësh presidenti Refik Halili ka deklaruar se ka një ofertë prej 200 mijë eurosh, por klubi mendon që ta zhvillojë futbollistin.

“Panorama Sport” ka zbuluar se ka qenë klubi i Mainzit në Bundesligën gjermane ai që e ka kërkuar me ngulm lojtarin. Mirëpo, presidenti bardheblu ka dashur më shumë para.

Jaku ka qenë në fushë 9 ndeshje dhe 344 minuta në fushë.

PANORAMASPORT.AL

 

Bardhyl Çipi, një nga specialistët më me përvojë në vendin tonë në fushën e Mjekësisë Ligjore dhe Bioetikës, mësimdhënies së tyre dhe përgatitjes së ekspertëve të rinj mjeko-ligjorë. Disa nga pacientët e tij, janë: viktima që u vranë në kufi për të shpëtuar nga diktatura komuniste, por i ndihmuar nga qeni i tij besnik, për zbulimin e kufomës së tij të fshehur, gruaja e internuar që vrau veten nga dëshpërimi, qytetarët e Kosovës të vrarë nga serbët, sepse kërkonin të jetonin të lirë, për të mos u poshtëruar dhe torturuar prej tyre, banorët që kanë jetuar 1500 vjet më parë në Shqipëri, profesori i universitetit të Tiranës i grabitur dhe i vrarë, etj.

anita bitri

Një libër mbi vdekjen dhe provat shkencore për zbulimin e llojeve të ndryshme të saj: vrasje, vetëvrasje, të stimuluara dhe të detyruara nga regjimi komunist, vrasje dhe gjenocide ndaj Shqiptarëve nga fqinjët e tyre, kufoma të freskëta apo të dekompozuara dhe të skeletizuara.

Dokumentet e vdekjeve të personave të shquar; Kenedit, Linkolnit, Napolonit, Leninit, Trockit, etj., dhe ngjarje të tjera të vdekjeve të njerëzve të zakonshëm. Njohuri mbi ndryshimet që ndodhin pas vdekjes dhe ekzaminimit të kufomave në botë dhe në vendin tonë, nga pikëpamja historike, etike, mjekoligjore, juridike. Disa nga librat e tij të fundit janë; “Manuali i Mjekësisë Ligjore” (2015), “Bioethics in Albania noëadays” (2016), “Tranzicioni shqiptar në lupën e mjekësisë ligjore” (2018), “Mjekësia Ligjore Kriminalistika” (2020).

******

 Monoksidi i karbonit, gazi vdekjeprurës i kudondodhur

                   (Vdekjet e Anita Bitrit dhe katër turistëve rusë në Shqipëri)

Edhe në vendin tonë ka pasur mjaft raste vdekjesh nga oksidi i karbonit, me një pjesë të të cilave jam ndeshur edhe unë gjatë ushtrimit për një kohë shumë të gjatë, të profesionit të mjekësisë ligjore.

Por ajo që m’u kujtua në fillim ka qenë vdekja e këngëtares së njohur shqiptare, Anita Bitri, së bashku me nënën dhe vajzën e saj, më 19 tetor 2004, në Staten Island të Nju Jorkut.

Nga ekzaminimet mjeko-ligjore dhe toksikologjike, si dhe shqyrtimi i të dhënave hetimore dhe këqyrjes së vendit të ngjarjes, ajo u konsiderua si një rast i ndodhur për shkak të bllokimit të tubit të shkarkimit të monoksidit të karbonit (CO) të kaldajës së sistemit të ngrohjes, nga ana e punëtorëve gjatë ndërtimit të një ballkoni, në pjesën anësore të shtëpisë ku banonin viktimat.

Si pasojë e këtij bllokimi, ato u helmuan nga gazi vdekjeprurës i oksidit të karbonit, që kishte mbushur mjedisin e brendshëm të shtëpisë, nga bojleri që ndezi vetë viktima një natë më parë, për t’u ngrohur, sepse koha ishte ftohur shumë. Rasti u konsiderua aksidental dhe nuk u shoqërua me ndjekje penale të ndonjë personi.

Rasti i vdekjes së katër turistëve rusë në Shqipëri

Po ngjarja më e rëndë e helmimit vdekjeprurës nga monoksidi i karbonit që ka ndodhur në vendin tonë, padyshim ka qenë ajo e vdekjes së katër turistëve rusë, më datën 15 tetor 2021, në një hotel të fshatit Qerret, të rrethit të Kavajës, për të cilën, një muaj e gjysmë më vonë, në një intervistë telefonike, gjatë një emisioni televiz të gazetares së njohur Klodiana Lala, unë shpjegova aspektet mjekoligjore të këtij rasti tragjik, me katër vdekje.

Kjo bisedë televizive, ndofta e bë shkaku që më shtyu që unë t’i shqyrtoj me më shumë kujdes të gjitha rrethanat, të dhënat hetimore, toksikologjike, mjeko-ligjore të këtyre vdekjeve, të paraqitura në mediat visive dhe shtypin e vendit tonë, duke u mbështetur edhe në përvojën time dhe literaturën e pasur përkatëse.

Madje për t’i plotësuar sa më shumë këto të dhëna, unë u takova edhe me prokurorin, që më tregoi edhe dosjen penale të kësaj ҁështjeje, në lidhje me aspektet mjeko-ligjore të saj.

Sipas dosjes së prokurorisë rezulton se; më 15.10.2021, ora 22.10, është marrë njoftimi se në Qerret, Golem Kavajë, në Hotel “Gloria Palace”, në ambientet e SPA-së, janë gjendur katër persona pa shenja jete, që rezultuan të ishin të katër shtetasve rusë: dy prindër, vajza dhe dhëndëri i tyre.

Itinerari i lëvizjeve deri në vdekjen e tyre ka qenë pak a shumë ky:

Viktimat kanë qenë akomoduar në këtë hotel, që më datën 10 tetor 2021. Pas disa ditëve të qëndrimit në hotel, më 15.10.2021, kanë udhëtuar drejt Maqedonisë së Veriut dhe në orën 10.07 kanë kaluar kufirin e Qafës së Thanës; Atje ata janë ushqyer dhe po atë ditë, në orën 17.07, kanë hyrë përsëri në Shqipëri, nga pika kufitare e Tushemishtit. Janë ndalur vetëm në Librazhd, ku janë ushqyer përsëri. Në orën 20.00, janë kthyer në hotel ku kishin prenotuar ambientet e SPA-së, që një ditë më parë, dhe kanë porositur për disa ushqime, që të çoheshin në dhomat e tyre. Ata janë gjetur të vdekur në ambientet e SPA-së nga personeli i hotelit.

Pas njoftimit nga hoteli, u krye menjëherë, nga grupi hetimor, nën drejtimin e prokurorit, këqyrja e vendit të ngjarjes. Kufomat u gjetën në katin përdhe (kati 0) të godinës së hotelit, ku në anën veriore të këtij kati, ndodhet zona e pishinës së ngrohtë dhe SPA-së. Të vendosur në një ambient me përmasa 22.2 -8.4 m., në qendër të të cilit ndodhet pishina, me përmasa 11.5 x 6.5 m., me volum 60 m3 uji.

Në skajin veri perëndimor të këtij ambienti, gjendet e vendosur, sauna e cila në momentin e këqyrjes, rezulton në punë dhe në pultin e saj, lexohet shënimi elektronik 19.14 dhe temperature 63 gradë celsius. Përreth perimetrit të pishinës, gjenden të vendosura radhazi shezllone plastike, me ngjyrë të bardhë.

Në cepin veri-lindor të pishinës, pranë shezlongut të parë në radhë, përdhe, gjendet e shtrirë në mënyrë të ҁrregullt, kufoma e një shtetasi mashkull, i identifikuar më pas si ajo e shtetasit S. B.

Në anën lindore të pishinës, në mesin e gjatësisë së saj, gjenden pranë njëra-tjetrës, dy kufoma të tjera, një mashkull dhe një femër, e identifikuar si N. B. dhe N. B. dhe këto dy kufoma, të shtrira në gjendje të çrregullt. Në anën perëndimore të pishinës, në shezllongun e mesit, gjendet e shtrirë dhe pa asnjë shenjë jete, kufoma e shtetases E B.

Nga këqyrja e jashtme e kufomave, tek asnjëra prej tyre nuk u vërejtën dëmtime të jashtme trupore (shenja dhune).

Nga ambienti i vendit të ngjarjes u morën në cilësinë e provave materiale, dy telefona celularë të viktimave dhe veshjet e përdorura prej tyre. Në vijim nga uji i pishinës, u morën konform procedurave standarde, për ekzaminim të mëtejshëm laboratorik, dy kampione uji, të ndarë nga njëri-tjetri, një për ekzaminim me volum 1000 ml. dhe një për ruajtje, volum 100 ml.

Gjithashtu u morën për ekzaminim të mëtejshëm edhe dy kampionë pluhur, në dukje si klor që përdoret për dezinfektimin dhe përpunimin e ujit të pishinës; kampionët e klorit u morën të ndara në masën nga 100 ml. secila, një për analiza dhe tjetra për ruajtje. Gjithashtu nga dhomat në të cilat ishin akomoduar viktimat, u morën për ekzaminime të mëtejshme produktet ushqimore dhe mbetjet e tyre, me qëllim që ato të ekzaminoheshin.

Ditën tjetër, më 16.10.2021, u krye autopsia e katër viktimave. Në ekzaminimet mjeko-ligjore të tyre u vunë re shenjat karakteristike të vdekjeve asfiktike, si dhe ngjyra e kuqe e çelur e indeve, në të katrë viktimat. Këto të dhëna, jepen në aktet përkatëse mjeko-ligjore, të shoqëruara me analizat toksikologjike, që rezultuan që gjaku i tyre, përmbante onoksid karboni, në shifrat 75 – 80 %.

Rezultatet mjeko-ligjore të këtyre katër vdekjeve, u shpallën kur kishte kaluar më shumë se një muaj, nga ndodhja e kësaj ngjarjeje tragjike. Kështu që gjatë muajit të parë pas këtyre vdekjeve, u dyshua më shumë për një helmim nga klori, ose avujt e tij, një helmim ushqimor, apo biologjik, etj.

Mjaft kohë më pas, është kryer edhe një eksperiment hetimor në të njëjtat kushte që ka ndodhur ngjarja, për të përcaktuar, nëse CO në ajër ka ardhur si pasojë e keqfunksionimit të kaldajës në hotel dhe mungesës së sistemit siç duhet të ventilimit, apo për arsye të tjera. Nga kryerja e tij, nuk u arrit ndonjë rezultat.

Pikërisht, në intervistën e dhënë prej meje, në dhjetor të vitit 2021, unë shpjegova, midis të tjerave:

Monoksidi i karbonit (CO), i dalë në rezultatet e ekspertizës është një nga helmet më të rrezikshme dhe në momentin që ai lidhet me hemoglobinën, bëhet vdekjeprurës. Vdekja e tyre ka ndodhur për arsye se problemi në kaldaja, duhet të jetë shumë i rëndë, që vdiqën të katër bashkë. Monoksidi i karbonit është një gaz pa erë e peshë sa të ajrit dhe formohet kur ka djegie. Ai konsiderohet një nga helmet më të rrezikshme dhe më të përhapura. Ka si veti që të lidhet, me hemoglobinën e gjakut.

Në rastet kur futet monoksidi në trup, nëpërmjet frymëmarrjes, ai lidhet me hemoglobinën e rruazave të kuqe të gjakut, dhe kjo lidhje me të, është 250 herë më e fuqishme se ajo me oksigjenin. Varet nga sasia e gazit të oksidit të karbonit, në vendin ku ndodhet njeriu. Oksigjeni zëvendësohet me këtë gaz dhe shfaqen shenjat e helmimit, me dhimbje koke, marrje mendsh. Ka edhe një lloj euforie, e ngjashme me dehjen. Pastaj kalohet në fazën e dytë, ku njeriu ka pamundësi në të lëvizur, pastaj bie në koma dhe vdes.

Në rastin konkret, fakti që këta katër viktima të gjetura të vdekura në të njëjtën ambient, gjaku i të cilave përmbante CO në sasi shumë të lartë, e vërteton në mënyrë të saktë; që vdekja e tyre ka ardhur nga helmimi, me oksid karboni.

Viktimat në këto vdekje, paraqiten me një ngjyrë të të kuqe të çelur të trupit të tyre, e ngjashme me atë njeriut të gjallë, siç u gjetën edhe në këtë ngjarje.

Në momentin kur kanë hyrë punonjësit, ambienti është pastruar. Këtu është diçka që duhet parë me kujdes, fakti që këta vdiqën të katërt, tregon se mundësia për një defekt në kaldajë, të jetë shumë e madhe”.

Në të vërtetë, arsyeja kryesore, që unë po e bëj përsëri këtë analizë mjaft të hollësishme të këtij rasti, është se kjo ngjarje e rëndë vdekjeprurëse, kur ka kaluar një kohë e gjatë, vazhdon të mbetet ende e pazbuluar, në lidhje me rrethanat dhe shkakun e këtij helmimi.

Në fillim unë dua të theksoj punën e ekipit të ekspertimit të Institutit të Mjekësisë, pjesë e të cilit kam qenë edhe unë mjaft vite më parë, i cili arriti të përcaktojë me saktësi, si shkaktar të këtyre katër vdekjeve: helmimin nga CO (oksidi i karbonit).

Përveç kësaj, unë po përmend edhe të dhënat e literaturës së huaj, sipas të cilës, vdekjet nga helmimi me CO, të ndodhura në mjediset e mbyllura të pishinave dhe saunave të hoteleve, kanë ndodhur në mjaft raste në SHBA-ës, për shkak të defekteve të pajisjeve ngrohëse dhe atyre të ventilimit, të mjediseve të mbyllura të këtyre pishinave.

Por cilat janë të metat, që mund të kenë ndikuar negativisht në mos zbardhjen e plotë të kësaj ngjarjeje ,në fshatin Qerret të Kavajës?

– Së pari, për këtë rast tragjik, u mendua menjëherë në fillim, për vdekje të ndodhura kryesisht nga helmimi me klor, ose avujt e tij, helmim ushqimor, ose biologjik, etj. Kështu, me aq sa kam arritur të verifikoj, nga të dhënat e marra prej meje në Prokurorinë e Kavajës dhe atyre paraqitura në shtyp, në këqyrjen e vendit të ngjarjes, menjëherë pas ndodhjes së saj, nuk rezulton të jenë parë dhe kontrolluar instalimet, për ngrohjen e mjediseve të brendshme të pishinës dhe saunës të hotelit: kaldaja ngrohëse e instaluar përjashta hotelit, me tubacionet e saj, sistemi i ventilimit, etj.

– Së dyti, ka një vonesë të pashpjegueshme, mbi një muaj, në shpalljen e rezultateve të plota të autopsive të viktimave, që përmbajnë edhe ekzaminimet toksikologjike përkatëse, për zbulimin e shkaktarit të vërtetë të këtij helmimi të rëndë, ndërkohë që rezultatet e ekzaminimeve toksikologjike, të vdekjes të shkrimtarit Francez Emil Zola, i kryer 120 vite më parë, e kanë zbuluar dhe shpallur në shtyp këtë helmim, shumë shpejt, vetëm 2-3 ditë, pas vdekjes së tij.

Ndërsa në rastin e vdekjes së katër turistëve rusë, gjatë kësaj periudhe mbi një-mujore, u kërkua kryesisht për helmim nga klori dhe avujt tij. Më vjen keq, ta deklaroj konstatimin e këtyre të metave, që kanë ndikuar padyshim në mos zbulimin e plotë të kësaj ngjarjeje, të cilat mund të kenë ndodhur, për arsye të ndryshme.

Unë po i shpall ato, sepse ky është një rast i rëndë, me katër jetë njerëzore të humbura, për të cilat mjekësia ligjore, një shkencë e vënë në shërbim të interesit kolektiv dhe drejtësisë shoqërore, së bashku me organet përkatëse të drejtësisë, kanë detyrimin, që t’i sqarojnë këto vdekje, në të gjitha detajet e tyre. Për fat të keq, për këtë ngjarje tragjike, Prokuroria e vendit tonë, ka pezulluar hetimet e mëtejshme. Memorie.al

                                                        Nga Prof. As. Dr. Simon Gega

“Prof. Dr. Bardhyl Çipi, është ndër figurat qendrore të shkencës së Mjekësisë Ligjore, në rrugën e trashëgimisë së babait, profesorit të nderuar, Dr. Spiro Çipi”

Prof. Dr. Bardhyl Çipi, është ndër figurat qendrore të shkencës së mjekësisë ligjore. Kjo jo vetëm për faktin se është në rrugën e trashëgimisë së babait, profesorit të nderuar, Dr. Spiro Çipi, por sepse  eksperienca e gjatë për një gjysmë shekulli në këtë fushë, e ka bërë atë aq të “dashuruar” me shkaqet e “vdekjes”, sa që jemi të bindur se ai nuk ka vdekje kurrë me veprën që i lë brezave.

Tek merrja të shkruaj këto rreshta, vështirësia për të gjetur fjalët që duhen, më dukeshin shumë më të vështira se sa studimi i rasteve, që profesor Bardhyli ka bërë në gjithë jetën e tij,  për të arritur te saktësia e përfundimit të studimit. Kjo sepse, Profesor Bardhyli, ka një personalitet që të imponon respekt.

Ai është një personalitet që shëmbëllen edhe në jetën e përditshme, si një njeri i mbyllur, si një “kasafortë”, që ruan shumë sekrete brenda. Mbase edhe kjo ndodh, pasi shumë gjëra në jetë ikin me njeriun që i di dhe kjo, bëhet për të ruajtur ekuilibrat e zhvillimit dhe dinamikën e jetës.

Te profesor Bardhyli, shohim dy kontraste të kundërta, një personalitet i heshtur që lexohet me vështirësi dhe një personalitet tek i cili, gjen gjithçka që të duhet, nëse arrin ta kuptosh dhe ta lexosh jetën dhe veprimtarinë e tij. Ai është i gjithanshëm dhe i gatshëm ,për ato që di dhe bën.

Mjekësinë Ligjore, nëpërmjet profesor Bardhylit, unë e kam konceptuar krejt ndryshe nga ekspertët apo materialet që ata kanë botuar; pjese e këtij “kolazhi shkencor”, është edhe profesor Bardhyli. “Mjekësinë ligjore”, e shoh si një disiplinë shkencore, e cila materializon objektin me subjektin në përjetësi.

Në këtë kuptim Profesor Bardhyli, nëpërmjet shkrimeve të tij, publikimeve apo referimeve, orëve të leksioneve apo të diskutimeve akademike, ka sjellë në vëmendje pikërisht këtë fakt se, si është zhvilluar kjo shkencë, paralelisht me sofistikimin e krimit ndaj jetës.

Studimet e Profesor Bardhylit, të tërheqin për faktin se gjuha e përdorur në analizën e rasteve, është e thjeshtë dhe shkencore, e kuptueshme dhe përcjell në ҁdo rast, një apel të fuqishëm: “Mjetet e krimit janë të ndryshme, zhvillohen në pafundësi, por ekspertit të mjekësisë ligjore, nuk i shpëton as mënyra e as mjeti i krimit, sado e largët të jetë distanca kohore”.

Kjo flet shumë, dhe për këtë arsye, respekti për këtë personalitet të Mjekësisë Ligjore, nuk mund të jenë, as këto dy fjalë të mija, e as me mijra fjalë e, të gjithë studentëve të tij. Për të flet e do të flasë jeta dhe vepra qe i ka transmetuar, i transmeton dhe do t’u lërë brezave.

Mirënjohje pa fund, për kontributin që ai ka dhënë edhe si pedagog, në programin e studimit në Bachelor dhe Master të shkencave të së Drejtës Penale, në Kolegjin Universitar të Biznesit në Fakultetin e Drejtësisë.

Figura dhe personaliteti i tij, janë model për këdo dhe ka qenë kënaqësi e veҁantë për mua, që kisha rastin ta njihja nga afër. E vlerësoj kohën me të cilën bashkëpunuam, si një vlere e shtuar në jetën time, por veҁanërisht për kolegjin Universitar të Biznesit, ka qenë dhe do të mbetet një ndër stafet akademike elitë të tij. Memorie.al      

Policia greke ka publikuar fotot dhe detaje e organizatës kriminale përgjegjëse për vrasjen e bosit të mafias Yiannis Skaftouros në Skourta Boiotia në prill 2022, të ekzekutimin e Vassilis Roubetis dhe dhëndrit të tij, Dionysis Mouzakitis, në Korydallos në qershor 2023 dhe tentativa për vrasje një muaj më vonë në një zonë rurale në Platanodasos Svorono, Pieria, djegia e makinave në parkingun e një karburanti në Aspropyrgos që i përkiste familjes Skaftouros dhe djegia e një magazine industriale ku makineritë e lidhura me prodhimin e duhanit produktet u shkatërruan.

organizate kriminale

Mes personave që janë pjesë e bandës është dhe 26-vjeçari shqiptar, Xhonatan Pajo.

Duke paraqitur rastin në fillim të muajit janar, drejtori i Drejtorisë së Sigurisë së Atikës, gjeneral brigade Ioannis Skouras, kishte thënë se anëtarët e një organizate ndërkombëtare të përfshirë në rastet e vrasjeve, vrasjeve në tentativë dhe në rastet e shpërthimeve dhe zjarrvënieve.

Xhonatan Paja
Xhonatan Paja

Ata janë të përfshirë konkretisht,

– Në vrasjen e Yannis Skaftouros dhe plagosjen e dy të afërmve të tij, më 25 prill 2022 në Skourta Boeotia.

– Në vrasjen e Vassilis Roubetis dhe Dionysis Mouzakitis, më 07 qershor 2023 në Korydallos, të cilët u vranë teksa hynin në parkingun e një pallati.

– Në tentativën e vrasjes së një burri, më datë 03 qershor 2023 në një zonë rurale në Platanodasos Svorono, Pieria.

– Zjarrvënia e automjeteve në parkingun e një karburanti më datë 10 qershor 2023 në Aspropyrgos, ambiente të cilat i përkasin kompanive të familjes Skaftouros.

– Në zjarrvënie në një magazinë industriale më datë 16 qershor 2023, ku u asgjësuan makineritë që lidhen me prodhimin e produkteve të duhanit.

Vrasja e Skaftouros

Dy persona, pasi kishin mbuluar tiparet e fytyrës, sulmuan me armë zjarri, duke ekzekutuar Yiannis Skaftouros dhe duke plagosur dy të afërm të tij. Më pas janë arratisur me një motoçikletë të cilën e kanë braktisur dhe gjatë hetimeve është gjetur.  Në sipërfaqen e makinës u gjetën gjurmë gishtash të një anëtari të organizatës.

Pas një ecurie zhgënjyese në katër ndeshje radhazi, Partizani u kthye dhe fitoi bindshëm dy derbe radhazi kundër rivalëve historikë të Dinamos dhe Tiranës.

olsi rama

Drejtori i Përgjithshëm i klubit, Olsi Rama, në një prononcim për “Panorama Sport” shprehet se këto dy derbe i bëjnë lojtarët që të kuptojnë nivelin e vërtetë të tyre. Sipas tij, Partizani duhet të bëjë shumë kujdes në tri ndeshjet e mbetura, duke nisur nga sfida e së shtunës kundër Skënderbeut. Rama shprehet se ekipi i kuq për Magetin është një trampolinë dhe shton se senegalezi mund të largohet në këtë verë.

Partizani mori një fitore në derbi vetëm pak javë pranë “Final 4”. Përveç pikëve, sa e rëndësishme ishte kjo fitore për aspektin psikologjik të skuadrës?

Kjo është kryesorja. Të gjithë trajnerët dhe klubet mendojnë se tri pikët janë më të rëndësishme. Unë mendoj se në përgjithësi në sport e rëndësishme është ana psikologjike, që lojtarët të kuptojnë mundësitë dhe aftësitë që kanë. Edhe fitorja me Dinamon i bind lojtarët për nivelin ku janë dhe i vë në perspektivë edhe pozitën ku ata mund të arrijnë. Besoj se edhe në gati një muaj që na kanë ngelur deri te ndeshja finale, ku shpresoj që ne të jemi, ka kohë që të përmirësohen dhe të rrisin nivelin e tyre.

Luani tri ndeshjet e mbetura kundër skuadrave poshtë jush në renditje. Kundër këtyre rivalëve keni pasur vështirësi. Si e prisni mbylljen e sezonit të rregullt?

Është e çuditshme, sepse lojtarët mobilizohen më mirë në këto ndeshjet e vështira. Duhet të punojmë t’i bindim ata që të japin 120% në këto ndeshje që konsiderohen si “të lehta”. Unë nuk e kam problem asnjëherë ndeshjen me Tiranën, më së shumti kam problem për të bindur lojtarët që të japin maksimumin në ndeshjen e lehta në letër. Nuk ka ndeshje të lehta në kampionatin tonë. E keni parë edhe vetë se u eliminuam nga Kukësi, pasi e kishim mundur dy herë në mënyrë shumë bindëse. Ka një tendencë që lojtarët gabimisht të nënvlerësojnë kundërshtarin. Kështu që shpresoj që të luajnë për veten e tyre dhe të kenë fokusin te loja në radhë të parë. Nëse luajnë dhe japin maksimumin, duke bërë detyrat e trajnerit, e sigurt se rezultatet do të vijnë.

INTERVISTËN E PLOTË MUND TA LEXONI NË VERSIONIN PRINT TË GAZETËS PANORAMA SPORT

DENIS LALA-PANORAMASPORT.AL

Ansambli i Këngëve dhe Valleve Popullore solli mbrëmë në Teatrin Kombëtar të Operës, Baletit dhe Ansamblit Popullor shfaqjen “Këngët e Atdheut tim”.

Lefter Çipa koncert

Koncerti me pjesëmarrjen e një numri të madh këngëtarësh u realizua në nder të Mjeshtrit të Madh të Penës dhe Polifonisë së Jugut, Lefter Çipës, “Nderi i Kombit”. Vlerat muzikore, pjesë korale të përpunuara nga krijimtaria e mjeshtrit Çipa dhe ndërthurje e polifonisë vokale me instrumentet popullore, si dhe etydi koreografik erdhën nga orkestra, solistët, grupi vokal, grupi i valleve të AP-së, si dhe grupeve të ndryshme polifonike.

Për herë të parë erdhi në duet diva e TKOB Eva Golemi me legjendën e rokut shqiptar, Aleksandër Gjoka, në një përpunim të këngës së famshme “Tundu bejke e bardhë” nga kompozitori dhe drejtori artistik i Ansamblit Kombëtar, Sokol Marsi. Koncerti pati pjesëmarrjen e veçantë të artistit Bujar Asqeriu “Nder i Kombit”, solistëve Malvina Likaj, Aranit Hoxha, Denisa Gjezo, Mirela Aliaj, Raimond Kllogjeri, Avni Miraka; solistëve valltarë Gëzim Halili, Helga Saraçi, Marjana Shkreta, Rei Berisha, Frenki Ziaj.

Pjesëmarrës në koncert ishin edhe Irini Qirjako, Petrit Lulo, Artur Vera, Bashkim Alibali, Hatixhe Lushi, grupet polifonike të Himarës, Bënçës, Pilurit e shumë artistë të tjerë. Poeti Lefter Çipa (Pilur, 1942-2021) është autori më prodhimtar i polifonisë gjatë 40 viteve të fundit. Autor i mbi 1250 këngësh të interpretuara nga grupet e famshme polifonike, Ansamblit Shtetëror të Këngëve dhe Valleve si dhe dhjetëra ansambleve të tjera artistike. Lefter Çipa konsiderohet si autori i papërsëritshëm i këngëve të vlerës së lartë artistike dhe muzikore dhe ka qenë pjesëmarrës me krijimet e veta në Festivalet Folklorike Kombëtare të zhvilluara në Gjirokastër, Berat dhe Lezhë.

Lefter Çipa është nderuar me çmime dhe dekorata, ndër të cilat edhe me dekoratën më të lartë “Nderi i Kombit”. Lefter Çipa lindi në Pilur më 14 shkurt 1942 dhe vdiq më 18 shkurt 2021). Ai ishte poet. Është një ndër poetët më të shquar shqiptarë. Autor i 18 librave të botuar me poezi, Lefter Çipa është dekoruar “Nderi i Kombit” në 28 nëntor 2020. Konsiderohet “princi i sotëm” i polifonisë shqiptare. Autori më kreativ i polifonisë gjatë 40 viteve të fundit. Njëri prej studiuesve dhe hulumtuesve më këmbëngulës të poezisë orale popullore në trevat jugore të vendit.

Autor i mbi 1250 këngësh të interpretuara nga grupet e famshme polifonike, Ansamblit Shtetëror të Këngëve dhe Valleve si dhe dhjetëra ansambleve të tjera artistike. Lefter Çipa konsiderohet si autori i papërsëritshëm i këngëve të vlerës së lartë artistike dhe muzikore. Ky autor ka qenë pjesëmarrës me krijimet e veta në 6 Festivale Folklorike Kombëtare të zhvilluara në Gjirokastër, Berat dhe Lezhë duke qenë i lauruar në çdo Festival Kombëtar. Lefter Çipa ka botuar një numër të shumtë artikujsh për autorë dhe përfaqësues të shquar të letërsisë kombëtare shqiptare.

Ka një arkiv të pasur me dokumente që flasin për fondin autentik të vlerave polifonike shqiptare në bregdetin e Himarës dhe zonat e tjera arbërore. Shumica e personaliteteve më të shquara të kulturës, mendimit dhe kërkimit shkencor kulturologjik kanë përcjellë vlerësime dhe publikime të rralla vlerësuese për veprën, kontributin dhe vlerat shumëplanëshe të këtij autori dhe organizatori të shquar të veprimtarive polifonike dhe folklorike shqiptare në gjithë hapësirën.

Dhjetëra tekste të këtij autori janë në fondin e artë të këngës së lehtë shqiptare të kënduara nga këngëtarët më të famshëm të 100 çiteve të fundit. Lefter Çipa mbahet mend si bashkorganizatori nismëtar i trios së famshme vlonjate. Krijimtaria e tij është burimi ku ushqehen shumë prej këngëtarëve dhe kompozitorëve të sotëm modernë shqiptarë dhe ku shumica e këngëtarëve kanë preferuar që në repertorin e tyre të kenë të kryerenditur poezitë dhe lirikat befasuese të këtij autori.

Ndër librat e autorit janë “Bejkë e bardhë”, “Bilbilat e vendit tim”, “Shqipëri moj ballëhapur”, “Këngët e Ruzanës”, “Dheun tim përsipër mbaj”, “Për Kosovën prapë do të ngrihem”, “Kënga që tret lotin”, “Këngët e Akroqeranit”, “Ju dua si mallin e zemrës”, “Vij nga drita”, “Këngët e Atdheut tim” (vëllimi i parë), “Ëndrra nëpër duar”, “Njerëz me dritë” etj.. Ai është burimi ku ushqehen shumica e këngëtarëve dhe kompozitorëve të sotëm modernë shqiptarë dhe ku shumica e këngëtarëve kanë preferuar që në repertorin e tyre të kenë të kryerenditur poezitë dhe lirikat befasuese të këtij autori. Është nderuar me çmime dhe dekorata, ndër të cilat me më të lartën “Nderi i Kombit”.

U nda nga jeta më 18 shkurt 2021. Ai është burimi ku ushqehen shumica e këngëtarëve dhe kompozitorëve të sotëm modernë shqiptarë dhe ku shumica e këngëtarëve kanë preferuar që në repertorin e tyre të kenë të kryerenditur poezitë dhe lirikat befasuese të këtij autori. Është nderuar me çmime dhe dekorata, ndër të cilat me më të lartën “Nderi i Kombit”. U nda nga jeta më 18 shkurt 2021.

Më 27 prill mediat italiane bënë me dije se ‘vrasësi i liqenit’ kishte ndërruar jetë. Ai kishte qenë në agoni prej 8 vjetësh që kur u rrah brutalisht në burgun e Parmas, nga një tjetër i burgosur.

Dritan Demiraj

Dritan Demiraj, kishte marrë dënimin e përjetshëm për një nga krimet më monstruoze të ndodhura në Itali, ku aso kohe u tha se bëhej fjalë për një krim pasioni. Dy viktimat e tij ishin një shtetas italian dhe ish-bashkëshortja, nëna e fëmijëve të tij.

Shkak i krimit ishte ndarja e tyre dhe nisja e një romance të re e viktimës me shtetasin italianin. Pas vdekjes së tij, mediat italiane iu kanë rikthyer asaj ngjarjeje, por edhe sjellin fakte nga reagimet e familjarëve dhe të afërmeve të viktimave.

SHKRIMI I “CORRIERE”-S

Ishte i shtruar në gjendje vegjetative dhe nuk mbante më mend asgjë që kishte ndodhur. Dritan Demiraj, 39 vjeç, vdiq më 27 prill në spitalin e Parmës. I njohur ndryshe si “vrasësi i liqenit” në Romagna, mes 28 shkurtit dhe 1 marsit të vitit 2014, shqiptari vrau Silvio Manninan në Santarcangelo të Romagna-s.

Fillimisht e torturoi dhe e detyroi me anë të torturave që të linte takim me të fejuarën e tij Lidia Nusdorfi, ish-partnerja dhe nëna e fëmijëve të shqiptarit. Një kurth që të dilte në takim në stacionin e Mozzate, pranë Como-s, për ta vrarë me thikë. Për këto dy vrasje, Demiraj u dënua me burgim të përjetshëm. Por në 2016-n u rrah brutalisht nga një tjetër i burgosur në Parma. Demiraj pësoi dëmtime cerebrale. Nisi të sillej si fëmijë, duke humbur kujtesën. Megjithatë, pozicioni i familjarëve është i palëkundur.

“Nuk qaj për këtë vdekje”, – thotë motra e Silvio Mannina-s, Simona. “Ti në ferr, im vëlla në parajsë dhe gjithmonë në zemrën time. Të zgjuarit mëngjesin e së dielës me këtë lajm, nuk ka të paguar”, shkruajti ajo në një postim në “Facebook”.

Vrasjet e Dritan Demirajt, shqiptarit që në Romagna bënte pastiçierin e që me drejtësinë kishte disa precedentë si shpërndarës dhe sulme të ndryshme, tronditën mbarë Italinë në atë kohë. Ishin krime të urryeshme. Fillimisht u mësua vrasja e ish-partneres së tij, Lidia Nusdorfi-t. Krimi ndaj të fejuarit të saj Silvio Mannina, i cili jetonte me vështirësi në Bolonja, u zbulua më pas, në një moment të dytë.

Kufoma ishte fshehur në liqenin e Santarcangelo, sepse qëllimi i Demirajt ishte që vrasja e Lidias të dukej sikur ishte kryer nga Mannina. Ky i fundit ishte joshur me anë të mashtrimit që të shkonte në Rimini. Ndërkohë, Demiraj ishte njohur në Bingon e Ricione me Monica Sanchi, gruan e cila më pas u bë partnerja e tij. Ishte pikërisht Sanchi që e ndihmoi të dashurin e saj që të vinte në zbatim planet. E joshi Mannina-n nëpërmjet “Facebook” dhe e tërhoqi që të shkonte në Rimini.

Por në takim i dolën pastiçieri dhe daja i tij Sadik Dine, edhe ky i fundit i dënuar me burgim të përjetshëm si bashkëpunëtor. Ndërsa Monica Sanchi vdiq po në burg në 2019-n nga kanceri. Ajo ishte dënuar me 30 vjet burg.

“Nuk qaj për vdekjen e Dritan Demirajt”, vijon të përsërisë motra e Mannina-s. “Ne, familjarët u ndjemë të braktisur. Një njeri i tillë, që as njeri nuk mund të quhet, pati mundësinë që të kërkonte dëmshpërblim për sulmin që pësoi. Kurse ne jo”. Arsyen e shpjegon përfaqësuesi ligjor, Alessandro Buzzoni. “Demiraj u shpall i paaftë për të kuptuar dhe logjikuar, doli nga burgu dhe përfundoi në spital. Nuk ishte person i pasur ndaj dhe ishte e pamundur që të merrte dëmshpërblim”.

Ai që iu drejtua me kërkesë shtetit për sulmin që pësoi në burg, ishte ligjori i pastiçierit shqiptar Massimiliano Orrù. Sa i përket fundit të personave të tjerë përfshirë në këtë ngjarje ka një emërues të përbashkët: një fund i trishtë, tragjik dhe dramatik, i shënjuar nga fati.

“Sigurisht që ne mendojmë që ky proces është si jetë shënjuar nga fati”, shpjegon avokati Buzzoni. “Ata (familjarët) besojnë se Silvio Mannina e ka mësuar fatin e tyre nga lart. Është sikur drejtësia hyjnore të ketë goditur autorët e këtyre vrasjeve. Në fakt duket se u gjykuan nga lart, edhe pse duhet të kujtojmë që është e shëmtuar ta thuash apo ta mendosh dhe drejtësia hyjnore nuk duhet përmendur. E vërteta është se kjo histori u përshfaq për atë që është: një ngjarje dramatike dhe brutale”.

Sulmet me dronë kanë dëmtuar infrastrukturën energjetike në rajonet ruse gjatë natës, sipas zyrtarëve.

sulm me dron

Në Smolensk të Rusisë perëndimore, guvernatori Vasily Anokhin tha në Telegram,  dronët kishin “sulmuar” zonën.

“Armiku u përpoq të shkaktonte dëme në një objekt të infrastrukturës civile të energjisë. Nuk pati viktima. Shërbimet e urgjencës dhe të zbatimit të ligjit janë në vendngjarje,” tha ai.

Ai nuk tha se cilat objekte të veçanta ishin shënjestruar.

Diku tjetër, dronët ukrainas dëmtuan infrastrukturën energjetike dhe shkaktuan ndërprerje të energjisë në rajonin qendror Oryol të Rusisë, tha guvernatori rajonal këtë mëngjes.

Andrei Klychkov shkroi në Telegram se dëmi u shkaktua pasi njësitë e mbrojtjes ajrore kapën dronët mbi rrethet Glazunovsky dhe Sverdlovsky.

Ai nuk përmendi viktima.

Shumë sulme me dronë në muajt e fundit kanë shënjestruar rafineritë dhe depot e naftës.

NGA SHPENDI TOPOLLAJ SHPENDI TOPOLLAJ

Mesa duket, ai vendimi i OKB-së i vitit 1947, sipas të cilit Palestina do të ndahej më dysh për t’i bërë vend shtetit të Izraelit, çka pasoi me atë largimin masiv që arabët e quajtën “Al Nakba”, pra “Katastrofa” dhe vijoi me ato luftërat e njohura, nuk i dha zgjidhje një ngërçi që aktualisht ka tërhequr vëmendjen e mbarë botës. Më shtatë tetor të vitit të kaluar, terroristët e HAMAS-it (krijuar nga Shehu Ahmed Jassin qysh në vitin 1987 dhe që morën përparësi pas vitit 2006), kryen aktin e pabesë mizor ndaj qytetarëve izraelitë, duke vrarë qindra të pafajshëm dhe duke marrë me vete pengje, krim që nuk e përligj asnjë justifikim. Ata e nisën luftën, pasi siç thoshtë Tomas Mani, ikën si burracakë nga problemet e paqes. Veprimet e padrejta të tyre i dënoi i gjithë opinioni ndërkombëtar. Pas këtij akti të poshtër, patjetër që nga ana e qeverisë së Benjamin Netanyahut, pritej një reagim i menjëhershëm, ç’ka nuk vonoi.

Deri këtu askush nuk kishte arsye për ta qortuar atë për kundërpërgjigjen ushtarake, sidomos kur ai deklaronte se qëllimi ishte asgjësimi i asaj organizate kriminale. Por ngjau ajo që nuk pritej nga askush: ushtria e Izraelit u turr me gjithë egërsinë e vet mbi këdo që i dilte përpara. Kanë kaluar muaj dhe hakmarrja e tyre nuk po fashitet; ata po djegin, bombardojnë, shkatërrojnë dhe vrasin pa dallim; gra, pleq e fëmijë tërësisht të pafajshëm, shifra e të cilëve po shkon mbi 34.000, pa folur për të plagosurit, të gjymtuarit dhe të përzënët nga shtëpitë e tyre. Në atë egërsi nuk po kursehen as punonjësit e ndihmave humane të organizmave të huaja dhe po pengohet dërgimi i furnizimeve me ushqime apo medikamente mjekësore, një populli të grumbulluar në një grusht vend dhe i kërcënuar çdo ditë nga uria dhe epidemitë.

Tani kushdo që i ka sytë në ballë e konstaton lehtë se nga ana e shtetit të Izraelit janë kaluar të gjitha normat si ushtarake, ashtu edhe morale. Nga ana e tyre, vendet arabe rreth e rrotull, të zënë me sherret mes tyre, qoftë edhe për arsye fetare, ose të frikësuara nga përkrahja që i bëjnë Izraelit, SHBA-të, nuk pipëtijnë. Pasi e kanë të qartë se SHBA-të, që janë mentorët, nxitësit, përkrahësit dhe furnitorët e atij vendi, luajnë teatër, duke bërë ndonjë deklaratë për pushimin e luftimeve. Shtetet evropiane duket se nuk merakosen fare, ose nuk bien dakord për qëndrimin që duhet të mbajnë. Ata janë kthyer në spektatorë të arenës, ku përleshen njerëzit si dikur në ndeshjet argëtuese të gladiatorëve.

Për ta, rëndësi ka të mos ua prishë kush qetësinë, kurse ata kokat hëngshin. Dhe kulmi është se edhe ne shqiptarët, duke dashur të dukemi si faktor në këto zhvillime, nuk vonojmë të shpallim se jemi në mbështetje të Izraelit, pra të atyre që vrasin pa pikë mëshire mijëra dhe mijëra fëmijë. Të atyre që nuk kanë asnjë keqardhje, qoftë edhe pse i kanë provuar në kurriz pushkatimet, internimet, krematorët e miliona pararendësve të tyre nga ana e nazistëve të Hitlerit. Të atyre që krenohen me të drejtë me Ditarin e vogëlushes Anna Frank. Të atyre që nuk ulen e të diskutojnë për paqe dhe harrojnë se mbi njëzet shekuj më parë, Ciceroni mësonte se “Paqja e padrejtë është më e mirë se lufta e drejtë”. Vërtetë qeveria jonë nuk ndjen keqardhje për ata mijëra fëmijë palestinezë që ua prenë jetën ende pa e gëzuar sado pak? Apo flasin kështu pa përgjegjësi, vetëm për t’i bërë qejfin servilisht aleatit strategjik edhe kur ai gabon në politikat e tij të jashtme. Po çfarë peshe ka fjala e qeverisë sonë dhe çfarë roli mund të luajë ajo në këto ngjarje që kërkon t’i përligjë?

Dhe që harron se ç’thosh ish-presidenti i nderuar Jimmy Carter se, “Ne nuk do të mësojmë të jetojmë së bashku në paqe duke ia vrarë fëmijët njëritjetrit” apo filozofi amerikan Haward Zinni se “Nuk ka flamur aq të madh të mbulojë turpin e vrasjes së njerëzve të pafajshëm”. SHBA-të, të cilave ne u jemi mirënjohës dhe të gatshëm t’ua plotësojmë kërkesat e arsyeshme, nuk kanë nevojë për hipokrizinë e qeverisë shqiptare. Se ishte presidenti i respektuar i atij vendi të madh, Theodore Roosevelt, që thoshte se, “Është jopatriotike të mos thuash të vërtetën, qoftë mbi presidentin, ose mbi këdo tjetër”. Por edhe po qe se interesat e duan që të mos e thuash këtë të vërtetë, a nuk do të qe më mirë të heshtnim.

Plotësisht i drejtë ka qenë dhe mbetet qëndrimi ynë për dënimin e agresionit rus në Ukrainë, por nuk është rasti t`i thuhet Izraelit se jemi me ty, që kuptohet: vazhdo të vrasësh se e ke mirë. Se fundja ishte hebre ai burri i mençur, Henry Kisinxheri, që kur Nixoni i tha se nuk brengoset për bombardimet e civilëve në Vietnam, iu përgjigj: “Brengosem rreth civilëve sepse nuk dua që bota të mobilizohet kundër teje si kasap”. Dhe duke parë se Izraeli as që do t’ia dijë për thirrjet për t’u ndalur, por po shkon “triumfalisht” drejt Rafah, pa frikë mund të themi se paska akoma më keq se ajo “Al Nakba”-ja e dikurshme.

Policia e Tiranë ka vendosur në pranga 25 persona gjatë një operacioni antidrogë në kryeqytet, ndërsa janë shpallur në kërkim 10 të tjerë.

arrestim

Në total janë lëshuar rreth 35 masa urdhër arresti për persona të dyshuar në shpërndarjen e lëndëve narkotike në afërsi të shkollave dhe lokaleve të natës.

Ndërkohë mësohet se janë sekuestruar 4 kg kokainë dhe vlera monetare.

Operacioni u zhvillua nga sektori kundër narkotikëve në Policinë e Tiranës.

Ndërkohë Drejtori i Drejtorisë Vendore të Policisë Tiranë do të mbajë një konferencë për shtyp në orën 09:00.

PSG-ja u mposht minimalisht 1-0 mbrëmjen e sotme nga Dortmundi në aktin e parë gjysmëfinal të Ligës së Kampionëve, teksa gjithçka mbetet e hapur në duelin e kthimit, për sa i përket kualifikimit në finale, me francezët që do të tentojnë të përmbysin rezultatin për të “fluturuar” drejt finales së madhe. 

GMhYp6BWIAAwBLG

Interesant është fakti se kjo ishte hera e parë këtë sezon, duke përfshirë të gjitha garat, që PSG-ja e Luis Enrikes, humbet një ndeshje pa shënuar në portën kundërshtare.  

Një humbje kjo që duket se dhemb më shumë nga të gjitha….  

PANORAMASPORT.AL

Në tregun e këmbimit valutor sot një dollar do blihet me 93.4 lekë dhe do shitet me 94.5 lekë.

km

Monedha evropiane euro do blihet me 100 lekë dhe do shitet me 100.9 lekë.

Ndërkohë franga zvicerane sot në tregun shqiptar do blihet me 101.4 lekë dhe do shitet me 102.6 lekë, ndërsa paundi britanik do blihet me 116.6 lekë dhe do shitet me 117.6 lek.

Një sherr mes zjarrikësve ka ndodhur brenda repartit në Kavajë. Raportohet se një zjarrëfikës është konfliktuar me kolegët e tij dhe dyshohet se ka qëlluar me thikë dy prej tyre.

zjarrfikesja-1

Të plagosurit raportohet se kanë marrë dëmtime në këmbë dhe ndodhen në spital jashtë rrezikut për jetën.

Ngjarja ka ndodhur mbrëmë rreth orës 20:00 në repartin zjarrëfikës të Kavajës.

Policia e Kavajës ka shoqëruar në komisariat personat e përfshirë në konflikt dhe ka ndaluar personin e dyshuar si autor të sulmit ndaj kolegëve.

Gjithashtu zjarrëfiksët e përfshirë në konflikt janë pezulluar.

Mbrojtësi brazilian i PSG-së, Markinjos, e ka cilësuar ndeshjen e sotme që skuadra e tij humbi përballë Borusia Dortmund në Ligën e Kampioneve, si shumë të luftuar. Ai i dha shumë vlerë pakujdesisë te momenti i golit të vetëm që shënoi skuadra gjermane përballë francezëve.

assadsdasdasda

“Ishte një ndeshje me dy ekipe që dëshironin të sulmonin, të rikuperonin topin, të bënin lojë ofensive. Rezultati është pak i bezdisshëm. Ne kishim raste në pjesën e dytë. Për ndeshjen e dytë, duhet që të përmirësojmë detajet që bëjnë diferencën në këto nivele.

Ne e dinim vështirësinë që ke kur luan këtu, që publiku të jep shumë energji. Kemi pësuar një gol që nuk mund të pësohet. Kemi folur gjithë javën për këtë dhe pastaj vjen një pasim në thellësi… Folëm që një gjë e tillë nuk duhej të ndodhte dhe përsëri ndodhi.

Është gjithçka e hapur në fushën tonë me tifozët tanë. E dimë që mund t’i krijojmë shumë probleme, më shumë se sa kemi bërë sot këtu. Do të mundohemi ta përmbysim në mënyrë që të jemi në finale”, tha kapiteni i parisienëve.

PANORAMASPORT.AL

 

Një tjetër sezon po përfundon me Interin që fitoi kampionatin e Italisë për të 20-ën herë në historinë e tij në derbin e së hënës së kaluar.

205557155-64dfd35e-469d-4368-96a2-1b4d94426d1d

Zikaltrit janë skuadra e tretë e ndryshme që fiton kampionatin në tri vitet e fundit, duke dëshmuar sesi Seria A po bëhet gjithnjë e më konkurruese dhe rezultatet e italianëve në Europë janë konfirmimi më i qartë i kësaj që po themi.

Duke u ndalur në temën e titujve në kampionat, kolegët e versionit italian të “Transfermarkt” kanë hartuar renditjen e fituesve më të kushtueshëm të Serisë A nga viti 2018 e deri më sot. Në këtë, kampioni i Italisë 2021/22, Milani është skuadra më pak me vlerë me një vlerësim total të organikës prej 522.4 milionë eurosh, ndërkohë që i parafundit është Interi aktual.

Nga ana tjetër, rekordi i takon Juventusit 2018-19 që nën drejtimin e Maks Alegrit kishte një vlerë prej 745,5 milionë eurosh, çka e bën ekipin kampion të vetëm që ka kaluar 700 milionë eurot në vlerë organike. Për të gjetur një skuadër të titullar me kosto më të përafërt duhet të kthehemi tek Interi i sezonit 2020-21, kur djemtë e drejtuar nga Antonio Konte vlenin konkretisht 648,9 milionë euro.

SERIE A

PANORAMASPORT.AL

Shtetet e Bashkuara akuzuan të mërkurën Rusinë se ka shkelur traktatin për ndalimin e armëve kimike gjatë luftës në Ukrainë duke përdorur kundër forcave ukrainase një substancë kimike mbytëse si dhe një sërë agjentësh (kimikë) për kontrollin e trazirave, si “mjete lufte” në Ukrainë.

lufte ne shba

“Përdorimi i këtyre lëndëve nuk është një rast i izoluar dhe ka të ngjarë të nxitet nga synimet e trupave ruse për të zhvendosur forcat ukrainase nga pozicionet e fortifikuara dhe për të arritur fitore taktike në fushën e betejës”, tha Departamenti i Shtetit nëpërmjet një deklarate.

Ambasada ruse në Uashginton nuk iu përgjigj një kërkese për koment nga agjencia Reuters deri në publikimin e këtij artikulli.

Substanca kimike kloropicrinë (PS) është një irritues me karakteristika të një gazi lotsjellës dhe është listuar si substancë e ndaluar nga Organizata për Ndalimin e Armëve Kimike (OPCW) me bazë në Hagë, e krijuar për mbikqyrur zbatimin e Konventës së 1993 për Armët Kimike.

Më herët gjatë këtij muaji, agjencia Reuters njoftoi se ushtria ukrainase kishte pohuar se Rusia kishte shtuar përdorimin e agjentëve (kimikë) për kontrollin e trazirave ndërsa synon të shënojë përparime në lindje të Ukrainës.

Sipas të dhënave ukrainase, 500 ushtarë kanë marrë kujdes mjekësor për ekspozim ndaj substancave toksike dhe një ushtar ka vdekur si pasojë e mbytjes nga gazi lotsjellës.

Ndërsa gjatë protestave civilët mund t’i shpëtojnë substancave kimike për kontrollin e trazirave, ushtarët e bllokuar në llogore të pa pajisur me maskë ose duhet të largohen në rast sulmi nga armiku ose rrezikojnë të mbyten.

Departamenti i Shtetit tha se do të njoftonte Kongresin mbi përcaktimin e tij se përdorimi nga Rusia i kësaj substance ndaj trupave ukrainase shkelte Konventën për Armët Kimike.

Përdorimi i gazit nga Moska është në vazhdën e operacioneve të saj të helmimit, helmimit të udhëheqësit të opozitës Alexei Navalny në 2020 dhe Sergei Skripalit dhe të bijës së tij Yulia në 2018 me agjentin nervor Novichok.

Rusia ka mohuar përfshirjen në të dyja rastet.

Në deklaratë thuhej se Departamenti i Shtetit ka përcaktuar se Rusia ka shkelur edhe ndalimin e përdorimit të agjentëve kimike për kontrollin e trazirave si mjet lufte.

Departamenti njoftoi se do të vendoste sanksione ndaj tre entiteteve shtetërore ruse të lidhura me programet e armëve kimike dhe biologjike. Sanksione u vunë edhe ndaj 4 kompanive që mbështesnin këto tre entitete./VOA

 

Ish-kryeministri Sali Berisha ka publikuar foton e policit të burgjeve që u dhunua para banesës së tij.

polici i burgjeve

Në imazhin e publikuar, shefi i edukimit në burgun e Fierit shihet i gjakosur. Berisha shkruan se policit të burgjeve i kanë çarë kokën dhe se krimi po mbahet i fshehtë.

“Shefit të Edukimit në burgun e Fierit i kanë çarë kokën! Krimi mbahet i fshehtë! #sb”, shkruan Berisha.

440960221_1090083575806077_4469570889996082983_n

Në një postim tjetër ditën e djeshme, ish-kryeministri Berisha publikoi mesazhin e një qytetari iu pretendohej se shefi i edukimit Nazmi Doko është goditur me sende të forta dhe ka qenë në gjendje kome.

Gjithashtu pretendohej se disa policë janë dhunuar nga të burgosurit gjatë ditëve të amnistisë, për menyren se si u trajtuan nga ana shkresore për përfitimet.

“Revoltë në burgun e Fierit! Në koma shefi i edukimit në burgun e Fierit! Disa policë plagosen nga të burgosurit. Ngjarja mbahet sekret si në shpellat e mafies! 📩Lexoni denoncimin e qytetarit dixhital!

Miredita i nderuar doktor Berisha! Me japin nje info, per nje ngjarje ne burgun e Fierit Shefin e edukimit ne kete burg Nazmi Doko e kane goditur me sende te forta dhe ka qene ne spital ne gjendje kome, deri sot.

Sot ka dal nga koma dhe eshte ne spital, Si dhe disa polic jane rrahur nga te burgosurit gjate diteve te amnistise, per menyren se si i kane trajtuar nga ana shkresore per perfitimet. Deri tani nuk kane dhene asnje lajme edhe mediat e mbajne te fshehte dhe nuk japin info goditjen e shefit te edukimit, e kane goditur ne rruge! Respekt”, shkruhej në postim.

Ndërkohë uniformat blu raportuan se polici i burgjeve është dhunuar mbrëmjen e 30 prillit me send të fortë dhe se ka marrë dëmtime të lehta.

Gjithashtu raportohet se 64-vjeçari po merrte mjekim në spital ku ndodhej jashtë rrezikut për jetën.

“Mbrëmjen e djeshme, rreth orës 21:00, një shtetas ende i paidentifikuar dyshohet se ka goditur me send të fortë shtetasin N. D., 64 vjeç (efektiv i IEVP Fier), duke i shkaktuar dëmtime të lehta. Shtetasi N. D. po merr mjekim në spital dhe është jashtë rrezikut për jetën. Vijon puna për identifikimin dhe kapjen e autorit”, raportoi policia.

Kundër-protestuesit “sulmuan me forcë” një kamp me tenda të protestuesve pro-palestinezë në Univeristetin e Kalifornisë, në Los Anxheles, herët të mërkurën dhe aktivistët u përplasën me forcat policore që shkatërruan tendat e tyre në Universitetin “Viskonsin-Madison”, në Medison, pjesë e përshkallëzimit të dhunës në disa universitete amerikane lidhur me luftën në Gazë.

protesta sdhba

15 persona mbetën të plagosur gjatë përplasjeve në Univeristetin e Kalifornisë, mes të cilëve një person që u shtrua në spital, tha Presidenti i Universitetit të Kalifornisë.

Ndërkohë, të martën në mbrëmje, policia e Nju Jorkut hyri në Universitetin ‘Columbia’ pasi universiteti kërkoi ndihmë. Ata larguan një kamp me tenda dhe larguan turmën që kishte marrë nën kontroll sallën ‘Hamilton’.

Kancelari i Universitetit të Kalifornisë Gene Block tha përmes një deklarate se “një grup nxitësish” të martën “sulmuan me forcë” kampin e tendave të protestuesve pro-palestinezë duke detyruar universitetin të kërkonte ndihmë nga organet ligjzbatuese.

Pas disa orësh përplasjeje mes grupeve pro-palestineze dhe pro-izraelite, policia ndau grupet dhe rivendosi qetësinë.

Të mërkurën, protestuesit pro-palestinezë rindërtuan barrikadën përreth kampit të tyre. Nuk pati shenja përplasjeje ndërsa në universitet ka prani të punonjësve të rendit.

Të mërkurën, në Medison, kryeqytet i Viskonsinit, policët me mburoja hoqën të gjitha tendat duke lënë vetëm një dhe shtynë me force protestuesit, çka solli përleshje. Katër police mbetën të plagosur, mes të cilëve një që u qëllua në kokë, sipas autoriteteve.

Brenda disa orësh, protestuesit ngritën më shumë tenda brenda kampusit të Universitetit të Viskonsinit.

Më shumë se 30 persona u arrestuan, shumica u lane të lirë. Ndaj 4 personave u ngritën akuza.

Kampet me tenda nga protestues që u bëjnë thirrje universiteteve që ndërpresin lidhjet financiare me Izraelin ose kompanitë që mbështesin luftën në Gazë janë përhapur në kampuset univeristare në mbarë vendin në një lëvizje studentore si asnjë tjetër gjatë këtij shekulli.

Gjatë protestave ka patur përleshje me forcat e rendit dhe më shumë se 1300 të arrestuar.

Protestat nëpër universitetet amerikane filluan në Universitetin ‘Columbia’ si reagim ndaj ofensivës së Izraelit në Gazë dhe pasi Hamasi kreu një sulm terrorist në pjesën jugore të Izraelit më 7 tetor. Militantët vranë rreth 1200 njerëz, shumica prej tyre civilë dhe morën afërsisht 250 pengje, sipas të dhënave izraaelite. Duke u zotuar se do të eleminojë Hamasin, Izraeli ka vrarë më shumë se 34,000 palestinezë në Rripin e Gazës, sipas Ministrisë së Shëndetësisë atje që kontrollohet nga Hamasi.

Izraeli dhe mbështetësit e tij i kanë cilësuar protestat universitare si antisemite, ndërsa kritikët e Izraelit thonë se akuzat bëhen për të heshtur kundërshtitë. Ndonëse disa protestues janë filmuar duke bërë komente antisemite ose kërcënime të dhunshme, organizatorët e protestave, disa prej të cilëve janë hebrenj, thonë se kjo është një lëvizje paqësore që synon mbrojtjen e të drejtave palestineze dhe që proteston kundër luftës./VOA

Me tkurrjen e popullsisë, numri i mjekëve për banorë erdhi në përmirësim vitet e fundit, por sërish Shqipëria renditet e fundit në Europë për këtë tregues, referuar të dhënave të fundit të Organizatës Botërore të Shëndetësisë.

mjeke

Të dhënat për Shqipërinë, që i takojnë vitit 2020, tregojnë se, numri i mjekëve për 10 mijë banorë është 18.8 në vitin 2020, niveli më i ulët në rang europian dhe në rajon. Pas Shqipërisë, numrin më të ulët të mjekëve për banorë e ka Turqia me 20.4 doktorë për 10 mijë banorë dhe më pas Bosnja me 21 doktorë, e ndjekur nga Mali i Zi me 27.4 doktorë për 10 mijë banorë.

Në anën tjetër, Greqia kryeson listën për numrin e lartë të mjekëve për 10 mijë banorë. Në vitin 2020, ky vend kishte 63.1 doktorë për 20 mijë banorë e ndjekur nga Portugalia me 56,2 mjekë për 10 mijë banorë, Austria me 53.5 mjekë, Norvegjia me 50.9 mjekë për 10 mijë banorë.

Vendet e zhvilluara të Europës kanë mbi 40 mjekë për 10 mijë banorë. Madje edhe Moldavia që është një ndër vendet më të varfra të Europës ka 40.6 mjekë për 10 mijë banorë.

Në rajon, numrin më të lartë të mjekëve për banorë e ka Serbia me 36.7 për 10 mijë banorë.

Në vitin 1990, Shqipëria kishte 13.7 mjekë për 10 mijë banorë, por treguesi u përkeqësua deri në vitin 2016 kur numëroheshin 12.3 mjekë për 10 mijë banorë, si rrjedhojë e emigrimit të lartë në këtë profesion dhe investimeve të dobëta publike në shëndetësi.

Në vitin 2018 treguesi shënoi rritje në 21.5 mjekë për banorë si pasojë e zbatimit të një plani për shtimin e organikës ne entet publike te shëndetësisë dhe nga ana tjetër rënia e popullsisë ka favorizuar përmirësimin e raportit.

Mirëpo emigracioni i fortë në këtë grup, sidomos drejt Gjermanisë, e përkeqësoi sërish treguesin përgjatë 2018-2020, i cili arriti në 18.8 mjekë për 10 mijë banorë.

Ekspertët vendas të statistikave të shëndetit pohojnë se vitet e fundit për shkak se popullsia banuese në vend është më e ulët se popullsia zyrtare që raporton INSTAT, të gjitha prevalencat për sëmundjet, duke përfshirë dhe mjekët për banorë janë të pasakta.

Ata pohojnë se, të dhënat e censit nuk duhen vonuar pasi shifra e pasaktë e popullsisë po behët shkak për deformimin e politikave shëndetësorë dhe shpërndarjen e financimeve në sektor.

Gjatë pandemisë Covid-19, Shqipëria u përball me vdekje shtesë ndër më të lartat në Europë, teksa barra e sëmundjeve në rritje për shkak të plakjes së popullsie sugjeron më shumë investime në këtë sektor./Monitor

mj 7

Në faqen e parë të gazetës “Panorama” do të lexoni:gazeta2Titujt kryesorë:

Mbrojtja e mjedisit/ “Ferrokromi”, Rama: 2 milionë euro investim e rritje pagash

Presidenti Begaj takon arbëreshët në komunat e Kozencës: Faleminderit që trashëgoni gjuhën shqipe!

‘Pikëpyetjet e ngjitjes së bukuroshes Balluku’, ‘Newsbomb.gr’: Nga ndihmëse shtëpiake në Greqi, sot komandon tenderat publikë

U amnistuan 100 të korruptuar? PD kërkon interpelancë me Manjan

Të përndjekurit/ Aplikimi për dëmshpërblimin deri më 16 maj, emrat e trashëgimtarëve

Nderimi për poetin/ Lefter Çipa, një jetë kushtuar polifonisë shqiptare

DOSSIER

“Ta marrim pushtetin me forcë”! Si reagoi Mid’hat Frashëri pas urdhrit të Enverit më 9 shtator 1943

OPINION

Shtet për popull, apo për “mbret dhe oborrin e vet”!?. NGA XHEVAT MUSTAFA

Ik te Mali me Gropa/ NGA EDISON YPI

Në faqen e parë të gazetës “Panorama Sport” do të lexoni:gazeta3Titujt kryesorë:

Grekët duan Magetin, Rama: Partizani “blind”! Panathinaikos pëlqen mesfushorin senegalez, “demat” mund ta shesin që në verë

Drejtori i kuq: Stoli ynë sfidon titullarët, çfarë u thashë lojtarëve

Jani Kaçi: Skënderbeu, më i fortë sesa Tirana dhe Dinamo

Propozimi i legjendës korçare për FSHF-në: Të mos rrëzohet asnjë skuadër këtë sezon dhe të shtohen 2 ose 4 në Superiore

Shkëlqeu kundër Milanit, portieri i Olimpiakosit vishet kuqezi

Myrto Uzuni i preferuar, Las Palmas bën gati ofertën

Tirana refuzoi 200 mijë euro për Jordi Jakun

Patushi: Vllaznia gaboi me trajnerin Osmani

Gorea: Paguhen nga ne dhe bërtasin, të deklarojnë pasurinë

Partizani dominon Tiranën, titulli me finale të 5-të

Dortmundi feston në të parën, PSG ngec te shtyllat

Vinicius-Rodrigo, dyshe ‘dashurie’ në… Champions

“Kryqëzohet” Kim, Myler: Ja kush e frymëzoi Bajernin

Milani, duel me Juventusin për Joshua Zirkzen

Në faqen e parë të “Gazetës Shqiptare” do të lexoni:gazetaTitujt kryesorë:

“500 lidhje nepotike te Tatimet e Doganat”, Meta: Po bëhet hataja, do ta çrrënjosim këtë fenomen

Berisha: Qeveri teknike dhe rikthim i opozitës me fitore në pushtet

Prokuroria e posaçme: Amnistia penale uli dënimin e dhjetëra zyrtarëve të korruptuar

“Flakë në det”/ Arrestohen me urdhër të SPAK dhe 3 pjesëtarë të tjerë të ‘baronit të drogës’, Gëzim Çela

“Nuk ka arsim cilësor pa mësues të mirëpaguar”/ Arsimtarët protestojnë për 1 Majin, kërkojnë dyfishim të pagave

Vito Kapo: Në ‘42-in fillova mësuese në fshatin tim në Nivan të Zagorisë

sh-të përndjekurit, lista e re me emrat e 15000 përfituesve

Opinioni i Ditës

Profesionet e lira dhe detyrimi ndaj Shtetit/ Nga FATOS ÇOÇOLI

Për socialistin e djathtë Edi Rama/ Nga SKËNDER MINXHOZI

1683176692_horoskopiditor

Dashi

Vetëbesimi që keni në fillim të ditës mund të mos zgjasë aq sa do të dëshironit. Mos u shqetësoni për këtë. Mos kini frikë të pushoni për një kohë dhe të rimbushni baterinë tuaj.

Demi

Rreth e rrotull, kjo nuk është një ditë shumë e fortë për ju. Edhe planet tuaja të mirëdetajuara mund të dështojnë për shkak të ngjarjeve dhe ndikimeve të padukshme. Mos u trego shumë i ashpër me veten.

Binjaket

Vetëm kur një problem duket se largohet, një tjetër shfaqet përsëri. Puna e sotme mund të jetë një betejë e vështirë për ju dhe fundi nuk duket askund. Rezistojini tendencës tuaj për tu dorëzuar.

Gaforrja

Kundërshtimi me të cilin përballeni ka marrë shumë pikë së fundmi dhe kjo është dita juaj për t’u kundërpërgjigjur me besim. Një valë e jashtëzakonshme mbështetjeje po vjen në rrugën tuaj që do të vendosë skenën për suksesin tuaj.

Luani

Mbaje mendjen në të tashmen. Tani për tani është më mirë të përqendroheni në çdo problem që ju bën të dëshironi të largoheni. Hapni një dialog me këdo me të cilin keni pasur një keqkuptim. Ju do të gjeni se kjo sjell lehtësim.

Virgjeresha

Ka pasion në ajër sot. Mund ta ndjeni atë. Ndjenja është aq e fortë sa ajri pothuajse pulson. Çfarë do të bëni për këtë? Nëse jeni në një lidhje romantike, planifikoni një mbrëmje intime. Nëse jeni beqar, lexoni librin tuaj të preferuar.

Peshorja

Një person që e keni konsideruar gjithmonë një mik platonik, sot duket se ju intereson në aspektin romantik. Ndoshta ky person thjesht po teston ndjenjat tuaja. Analizojeni me kujdes situatën.

Akrepi

Qetësia dhe natyra jote e hirshme të shërbejnë mirë tani. Gjëja më e mirë që mund të bëni sot është të kaloni kohë rreth njerëzve të tjerë. Mbrëmja do të jetë një sukses i jashtëzakonshëm pasi ju rrezatoni ngrohtësi dhe energji.

Shigjetari

Kreativiteti dhe romanca janë një kombinim i mirë dhe sot të dy janë në top formë. Kujdesuni për natyrën tuaj romantike, në mënyrë ideale me një partner në krah. Edhe nëse jeni vetëm, një banjë do të bëjë mrekulli për shpirtin tuaj.

Bricjapi

Fati do të vijë nga njerëz dhe vende të papritura. Ironikisht, sa më pak të organizuar të jeni, aq më i përshtatshëm do të jeni për të hasur në mundësinë e përsosur që keni pritur. Merrni një qëndrim të shkujdesur dhe do të keni sukses.

Ujori

Nëse duhet të merrni një vendim të rëndësishëm sot ose të bëni një kontakt të rëndësishëm, mëngjesi është koha për ta bërë këtë të ndodhë. Gjatë pasdites do ta keni të vështirë të motivoni veten dhe të tjerët.

Peshqit

Prosperiteti nuk është vetëm afër – është këtu. Financat tuaja po duken më të mira se kurrë. Sidoqoftë, tregoni kujdes me shpenzimet. Sa i përket aspektit romantik, ai duket në formë.

Liga e Kampioneve që nga edicioni i ardhshëm do të ndryshojë format, pasi faza në grupe e saj ka ndryshuar me shtimin e skuadrave si dhe me formatin e ri të një mini-kampionati.

liga-e-kampioneve

Që nga edicioni 2024-2025, do të jenë 36 skuadra pjesëmarrëse në fazën në grupe, me ekipet që do të luajë katër ndeshje në fushën e tyre dhe 4 jashtë me short, dhe me një renditje të përbashkët për të gjithë skuadrat pjesëmarrëse.

Me këtë format, ndeshjet e grupeve nuk mbyllen si zakonisht në pjesën e parë të sezonit, por do të mbyllen vetëm në javën e fundit të janarit. Dhe pikërisht në ndeshjen e fundit që do të luajnë skuadrat, do të ketë një surprizë të mirëfilltë, pasi të gjitha ndeshjet do të luhen në të njëjtën kohë.

Nëse në javët e mëparshme ndeshjet ndahen mes të martës dhe të mërkurës, edhe në orare alternative, në javën e fundit, të 18 ndeshjet do të luhen njëkohësisht të mërkurën e 29 janarit në orën 21:00.

Meqenëse çdo ndeshje rezulton vendimtare për renditjen e përbashkët, atëherë UEFA ka vendosur që të luhen në të njëjtën kohë, në mënyrë që të askush të mos dijë se çfarë ndodh në fushat e tjera për të projektuar një mënyrë loje të caktuar. Renditja e përgjithshme përcakton edhe shifrat që UEFA do u shpërndajë pjesëmarrësve nga e drejta TV ndaj organizata ndërkombëtare nuk dëshiron që të ketë ndeshje ku njëra skuadër apo një tjetër, të dinë se çfarë u nevojitet për një pozicionim të caktuar.

PANORAMASPORT.AL

Shumica e amerikanëve besojnë se Kina e përdor rrjetin TikTok për të ushtruar ndikim tek opinioni publik në Shtetet e Bashkuara, sipas një sondazhi nga Reuters/Ipsos. Anketa u zhvillua ndërsa Uashingtoni shton përpjekjet për të ndaluar rrjetin social në pronësi kineze.

tik tok

Rreth 58% e të anketuarve në sondazhin dyditor, i cili u mbyll të martën, bien dakord me deklaratën se qeveria kineze e përdor rrjetin TikTok, në pronësi të firmës kineze ByteDance, për të “ndikuar tek opinioni publik amerikan”. Rreth 13% nuk ishin dakord, dhe pjesa tjetër ishin të pasigurt ose nuk iu përgjigjën pyetjes.

Mbështetësit republikanë kishin më shumë gjasa sesa demokratët që ta shihnin aplikacionin TikTok si vegël të qeverisë kineze për të ndikuar tek opinioni publik amerikan.

Rrjeti TikTok thotë se ka shpenzuar më shumë se 1.5 miliardë dollarë për sigurinë e të dhënave dhe nuk do t’i ndajë me qeverinë kineze të dhënat e 170 milionë përdoruesve amerikanë.

Vitin e kaluar, drejtuesit e rrjetit TikTok i thanë Kongresit amerikan se “nuk promovojnë ose heqin përmbajtje me kërkesë të qeverisë kineze”. Rrjeti TikTok nuk iu përgjigj një kërkese për koment.

Presidenti Joe Biden nënshkroi javën e kaluar një ligj që i jep firmës ByteDance një afat prej 270 ditësh për ta shitur degën e rrjetit që mbulon Shtetet e Bashkuara ose do të përballet me bllokim.

Drejtuesit e rrjetit TikTok janë zotuar ta kundërshtojë ndalimin si një shkelje të mbrojtjes së shprehjes së lirë të parashikuar në Amendamentin e Parë të Kushtetutës së Shteteve të Bashkuara. Po ashtu, edhe përdoruesit e rrjetit TikTok pritet të ndërmarrin veprime ligjore.

Në nëntor, një gjykatës në shtetin Montana pezulloi ndalimin e rrjetit TikTok në atë shtet, duke përmendur shqetësimet për lirinë e shprehjes.

Sondazhi nga Reuters/Ipsos gjeti se 50% e amerikanëve e mbështesin ndalimin e rrjetit TikTok, ndërsa 32% e kundërshtojnë ndalimin, dhe se pjesa tjetër ishin të pasigurt.

Sondazhi nuk pasqyron pikëpamjet e grupmoshës nën 18 vjeç, që përbëjnë pjesën më të konsiderueshme të përdoruesve të rrjetit TikTok në Shtetet e Bashkuara. Rreth gjashtë nga 10 të anketuar të moshës 40 vjeç e lart e mbështesin ndalimin, krahasuar me rreth katër në 10 të anketuar të moshës 18-39 vjeç.

Sondazhi tregon se 46% e amerikanëve pajtohen me një deklaratë se Kina po e përdor aplikacionin për të “spiunuar në jetën e përditshme të amerikanëve”, një pretendim që Pekini e ka mohuar.

Rrjeti TikTok përdoret gjerësisht në Shtetet e Bashkuara. Drejtuesit e fushatës për rizgjedhjen e Presidentit Biden po e përdorin atë si një mjet për të tërhequr votuesit përpara zgjedhjeve presidenciale të 5 nëntorit.

Rivali i Presidentit Biden, republikani Donald Trump, i cili e ka kritikuar një ndalim të mundshëm dhe është pronari kryesor i kompanisë që operon aplikacionin e tij të mediave sociale Truth Social, nuk ka llogari në rrjetin TikTok.

Shumica e amerikanëve, 60%, thanë se është e papërshtatshme që kandidatët amerikanë ta përdorin rrjetin TikTok për të promovuar fushatat e tyre.

Ligji i nënshkruar nga Presidenti Biden cakton 19 janarin si ditën e fundit për shitjen e degës që mbulon Amerikën, një ditë përpara përfundimit të mandatit të tij. Por ai mund ta shtyjë afatin me tre muaj nëse përcakton se firma ByteDance po bën përparime në shitjen e filialit amerikan.

Në sondazhin e zhvilluar në internet morën pjesë 1022 amerikanë të rritur nga mbarë vendi. Mundësia e gabimit llogaritet të jetë rreth 3 për qind./VOA

Mançester Siti aktualisht ka shpenzimet e dyta më të mëdha në Premier Ligë sa i përket rrogave në bazë të shifrave të fundit të publikuara nga “Capology”. Vendin e parë e mbajnë rivalët e Mançester Junajtid me 3.821.000 milionë paund rroga javore në “Old Trafford”, ndjekur nga rivalët e Sitit me 3.705.000.

mancester-junajtid1

Rivalët e tyre për titull, Arsenali e sheh veten në vend të tretë me 3.298.000 milionë paund, ndërsa pas “topçinjve” renditen Çelsi dhe Liverpuli me 2.978.000 dhe 2.670.000 respektivisht. Aktualisht, klubi i Premier Ligës me shpenzimet më të ulëta të pagave është Lutoni, me 469 mijë paund në javë, me 200 mijë paund në javë më pak sesa Shefilld Junajtid, që mban vendin e 19-të.

PANORAMASPORT.AL

Më tkurrjen e popullsisë numri i mjekëve për banore erdhi në përmirësim vitet e fundit, por sërish Shqipëria renditet e fundit në Europë për këtë tregues, referuar dhënave të fundit të Organizatës Botërore të Shëndetësie.

ikin-mjeket-780x439

Të dhënat për Shqipërinë që i takojnë vitit 2020 tregojnë se, numri i mjekëve për 10 mijë banorë është 18.8 në vitin 2020, niveli më i ulët në rang Europian dhe në Rajon. Pas Shqipërisë numrin më të ulët të mjekëve për banorë e ka Turqia me 20.4 doktorë për 10 mijë banorë dhe më pas Bosnja me 21 doktorë, e ndjekur nga Mali i Zi me 27.4 doktorë për 10 mijë banorë.

Në krahun tjetër Greqia kryeson listën për numrin e lartë të mjekëve për 10 mijë banorë. Në vitin 2020 ky vend kishte 63.1 doktorë për 20 mijë banorë e ndjekur nga Portugalia me 56,2 mjekë për 10 mijë banorë, Austria me 53.5 mjekë, Norvegjia me 50.9 mjekë për 10 mijë banorë.

Vendet e zhvilluara të Europës kanë mbi 40 mjekë për 10 mijë banorë. Madje edhe Moldavia që është një ndër vendet më të varfra të Europës ka 40.6 mjekë për 10 mijë banorë.

Në rajon numrin më të lartë të mjekëve për banorë e ka Serbia me 36.7 për 10 mijë banorë.

Në vitin 1990 Shqipëria kishte 13.7 mjekë për 10 mijë banore, por treguesi erdhi në përkeqësim deri në vitin 2016 kur numëroheshin 12.3 mjekë për 10 mijë banorë, si rrjedhojë e emigrimit të lartë në këtë profesion dhe investimeve të dobëta publike në shëndetësi.

Në vitin 2018 treguesi pësoi rritje në 21.5 mjekë për banorë si pasojë e zbatimit të një plani për shtimin e organikës ne entet publike te shëndetësisë dhe nga ana tjetër rënia e popullsisë ka favorizuar përmirësimin e raportit. Mirëpo emigracioni i fortë në këtë grup sidomos drejt Gjermanisë e përkeqësoi sërish treguesin përgjatë 2018-2020, i cili arriti në 18.8 mjekë për 10 mijë banorë.

Sakaq ekspertët vendas të statistikave të shëndetit pohojnë se vitet e fundit për shkak të se popullsia banuese në vend është më e ulët se popullsia zyrtare që raporton INSTAT, ndaj të gjitha prevalencat për sëmundjet, duke përfshirë dhe mjekët për banorë janë të pasakta.

Ata pohojnë se, të dhënat e censit nuk duhen vonuar pasi shifra e pasaktë e popullsisë po behët shkak për deformimin e politikave shëndetësorë dhe shpërndarjen e financimeve në sektor.

Gjatë pandemisë Covid-19 Shqipëria u përball me vdekje shtesë ndër më të lartat në Europë, teksa barra e sëmundjeve në rritje për shkak të plakjes së popullsie sugjeron më shumë investime në këtë sektor./Monitor

Borusia e Dortmundit triumfoi në aktin e parë gjysmëfinal ndaj PSG-së me rezultatin 1-0. Sulmuesi gjerman Fyllkryg ishte heroi i verdhezinjve, i cili në minutën e 36-të tundi rrjetën e Donarumës. 

psg

Pavarësisht tentativave në pjesën e dytë, francezët e Luis Enrikes, nuk arritën të gjenin rrugën e rrjetës, teksa u ndalën dy herë nga shtylla, fillimisht Mbape dhe më pas Hakimi. 

Vlen të theksohet se fragmenti i dytë i lojës ishte tepër i luftuar me raste të shumta shënimi nga të dyja portat.  

Për sa i përket kualifikimin në finalen e madhe, gjithçka mbetet e hapur në duelin e kthimit që do të zhvillohet ditën e martë më 7 maj.  

BORUSIA DORTMUND-PSG 1-0
36′ Fullkrug 

NGJARJET KRYESORE

Mbyllet sfida

90+1′ Largohet edhe autori i golit Fyllkryg, vendin e tij e merr talenti Moukoko.

90′ Akordohen 4 minuta shtesë!

87′ Dy zëvendësime të tjera te Dortmundi, largohet Ryerson dhe Brant në lojë Uolf dhe Nmeça.

83′ Dortmundi kryen zëvendësimin e parë, largohet nga fusha Adejemi, vendin e tij e merr Rojs.

80′ Mbrëmje “jo” për Dembele, që shpërdoron një tjetër shans të artë në afërsi të pikës së penalltisë, duke e dërguar topin jashtë kuadratit (VIDEO) 

72′ Portieri Kobel bën heroin duke i mohuar një gol të sigurt Dembelesë. Vendimtare pritja e gardianit të gjermanëve (VIDEO) 

66′ Sërish rrezikshëm Dortmundi me Fyllkryg që zhytet bukur me kokë brenda zonës, por topi shkon mbi traversë. (VIDEO) 

65′ Luis Enrike kryen zëvendësimin e radhës, largohet Barkola, vendin e tij e merr Kolo Muani.

60′ Fyllkryg “flirton” me golin e dytë, por gjuajtja e sulmuesi gjerman shkon mbi kuadrat! Shpëton për mrekulli porta e PSG-së. (VIDEO) 

55′ Shans i artë i shpërdoruar nga Fabian Ruiz, që në zonën e 5-metërshit, ka goditur në mënyrën më të keqe të mundshme me kokë duke e dërguar topin jashtë kuadratit (VIDEO) 

51′ Ndizen francezët, dy shtylla radhazi i mohojnë golin e barazimit PSG-së. Fillimisht ishte Mbape që shënjestroi shtyllën e majtë pingule, ndërsa disa sekonda më vonë Hakimi u ndal nga shtylla e djathtë pingule. Me fat gjermanët në këto momente (VIDEO) 

48′ PSG jep shkëndijën e parë me Barkola, por tentativa e tij  ishte qëndrore duke u ndalur nga portieri Kobel.

46′ Starton pjesa e dytë!

45’+5’ Mbyllet pjesa e parë me shifrat 1-0 në favor të Borusia Dortmund.

45’+2’ Dembele nga e djathta në fundore nis një top drejt qendrës që largohet nga Rajerson.

45’ Jepen 4 minuta shtesë.

44’ Predhë e Sabitzer nga e majta, Donaruma grushton topin dhe shpëton portën. Vendasit më pas kërkojnë penallti për një kontakt në zonë, por gjyqtari vazhdon lojën. (VIDEO)

42’ Lukas Hernandez nuk mund të vazhdojë më për shkak të problemeve fizike, dukë i bërë vend Berardos në radhët e PSG-së

36’ GOOOL BORUSIA DORTMUND! Top në thellësi për Fyllkryg i cili i ikën pozicionit jashtë loje dhe i vetëm para Donarumas nuk gabon. (VIDEO)

34’ Barkola shmang një lojtar nga e majta, pasimi i tij në qendër largohet nga mbrojtja.

32’ Duartrokitje për Adejemin, i kthyer me shpejtësi në mbrojtje për të ndalur një shpërthim të Dembele në krahun e djathtë.

23’ PSG merr kontrollin e lojës duke u munduar që të nisë Mbape drejt portës, por ai është i rrethuar nga lojtarët vendas.

19’ Matsen është i ndëshkuari i parë me të verdhë për një faull ndaj Zair-Emeri.

17’ Dembele është ai i cili provon përsëri me të majtën të gjejë portën, sfera shkon shumë larg katërkëndorit.

13’ Sabitzer përfiton nga një hapësirë në të djathtën dhe shfaqet para Donarumës, por ky i fundit i mbyll rrezen e portës me daljen e tij.

11’ Dembele shmang ndërhyrjen e dy lojtarëve dhe lëshon një diagonale nga jashtë zonës, sfera nuk gjen katërkëndorin. (VIDEO)

6’ Adejemi nga e djathta harkon në zonë, sfera devijohet në këndore.

4’ Vendasit janë më kërkues në minutat e parë, teksa mbajnë plotësisht kontrollin e topit [ërballë PSG-së së kujdesshme në prapavijë.

1’ Nis dueli në Gjermani.

FORMACIONET ZYRTARE

BORUSIA DORTMUND: Kobel, Humels, Shloterbek, Rajerson. Matsen, Sabitzer, Xhan, Brandt, Sanço, Adejemi, Fyllkryg.
Trajner: Edin Terziç

PSG: Donaruma, Hakimi, Markiinjos, L. Hernandez, N, Mendes, Fabian Ruiz, Vitinja, Zair-Emeri, Dembele, Barkola, Mbape.
Trajner: Luis Enrike

Kristiano Ronaldo është i papërmbajtshëm teksa shënoi një gol mahnitës për të kaluar Al Nassr në epërsi ndaj Al Khaleej.

ronaldo-780x43

Të mërkurën në mbrëmje, Al Nassr i portugezit u përball me Al Khaleej në gjysmëfinalen e Kupës së Mbretit në stadiumin “Al Awal”.

Në minutën e 16-të, Ronaldo pranoi një top brenda zonës së penalltisë pas një gabimi të portierit të Al Khaleej, Ibrahim Sehiç, me shpinë nga porta, pesë herë fituesit i Topit të Artë lëshoi një goditje të shkëlqyer me këmbën e majtë, që përfundoi në cepin e portës.

Ylli portugez nuk u mjaftua me kaq teksa në minutën e 57-të, shënoi edhe golin e dytë personal, në triumfin 3-1 që skuadra e tij arriti në këtë përballje gjysmëfinale.

Britania nuk do të ndalet nga përpjekjet për të ndaluar kalimet me varka të vogla – pasi oficerët e imigracionit mblodhën pasagjerët për fluturimin e parë në Ruanda.

sekkretari britanik i brendshem azilkerkues

Ndërkohë që është bërë fluturim i parë me emigrantë për në Ruandë, janë publikuar edhe pamjet e operacionit të autoriteteve britanike, të cilat janë në kërkim të azilkërkuesve.

Pamjet dramatike të bastisjeve u publikuan nga qeveria britanike, por Sekretari i Brendshëm hodhi poshtë pretendimet se ai po e përdorte atë për të fituar pikë politike ndërsa miliona britanikë pritet të shkojnë në zgjedhje lokale, shkruan The Sun.

sekrtetari britanik

“Unë do të përpiqem t’i ndaloj ata… ne nuk do të dorëzohemi derisa t’i ndalojmë, sepse përndryshe njerëzit vdesin dhe unë nuk jam i gatshëm ta pranoj këtë”, tha Sekretari i Brendshëm, James Cleverly.

Teksa iu referua një tragjedie në Kana javën e kaluar, Cleverly tja se “një fëmijë u vra sepse kontrabandistët po i rrahin, ata po godasin me thikë, po i detyrojnë të hyjnë në varka”.

emigrante

Komentet Sekretari të Brendshëm vijnë pasi ekziston frika se numri i azilkërkuesve që kanë hyrë ilegalisht në Mbretërinë e Bashkuar që nga viti i kaluar është shumë i madh se të gjithë ata të dërgohen në Ruanda .

Rreth 50,000 persona kanë mbërritur që nga vera e kaluar kur hyri në fuqi dispozitat e Ligjit të Migrimit të Paligjshëm që i ndalon ata të kërkojnë azil.

Plani i Ruandës është politika kryesore e Rishi Sunak për të ndaluar kalimet me varka të vogla që janë shtuar vitin e kaluar.

emigrante1

Një vajzë e re është hedhur nga kati i pestë i pallatit ku ajo banon. Policia thotë se ngjarja ka ndodhur në rrugën “Selaudin Bekteshi”, në Tiranë, ndërsa sipas deklarimeve të familjarëve e reja vuante nga probleme të shëndetit mendor.

ambulanca-naten-620x350-780x439-770x433-1

26-vjeçarja është dërguar në spital dhe aktualisht ndodhet nën kujdesin e mjekëve.

“Më datë 01.05.2024, rreth orës 21:25, në rrugën “Selaudin Bekteshi”, dyshohet se është vetëhedhur nga kati i 5-të i pallatit ku banon, shtetasja E. A., 26 vjeçe, e cila sipas deklarimeve të familjarëve të saj, dyshohet se vuan nga probleme të shëndetit mendor. 26-vjeçarja është dërguar në spital dhe aktualisht ndodhet nën kujdesin e mjekëve, ndërsa grupi hetimor po punon për sqarimin e rrethanave të ngjarjes”, thotë policia.

Universiteti i Kalifornisë anuloi mësimet të mërkurën dhe u bëri thirrje njerëzve të shmangin zonën ku një natë më parë pati përleshje mes dy grupeve protestuese, pro-palestineze dhe pro-izraelite. Biblioteka e shkollës nuk do të rihapet deri të hënën dhe salla ‘Royce’, për të cilën autoritetet thanë se ishte vandalizuar, do të mbahet e mbyllur deri të premten. Universiteti ka vendosur oficerë të zbatimit të ligjit në të gjithë hapësirat e universitetit.

protesta shba

Numri i të arrestuarve pas ndërhyrjeve të policisë për të shpërndarë protestuesit pro-palestinezë në universitetet amerikane ka tejkaluar shifrën 1000.

Në raste të rralla, zyrtarët e universitetit dhe udhëheqësit e protestës kanë arritur marrëveshje për të shmangur kufizimet e ashpra të aktiviteteve brenda hapësirave të universitetit dhe penguar ceremonitë e diplomimit që pritet të mbahen brenda pak ditëve.

Në Universitetin e Kalifornisë grupe pro-palestineze dhe pro-izraelite u përleshën mbrëmë për disa orë mirëpo autoritet nuk kanë njoftuar për të lënduar.

Kryetarja e Bashkisë të Los Anxhelosit Karen Bass e quajti dhunën “absolutisht të neveritshme dhe të pafalshme” në një postim në mediat sociale dhe tha se policia e qytetit ishte në vendngjarje. Universiteti tha se kishte kërkuar ndihmë.

Të martën në mbrëmje, policia e Nju Jorkut hyri në Universitetin ‘Columbia’ pasi universiteti kërkoi ndihmë. Ata larguan një kamp me tenda dhe larguan turmën që kishte marrë nën kontroll sallën ‘Hamilton’.

“Pasi Universiteti mori vesh se salla ‘Hamilton’ ishte pushtuar, vandalizuar dhe bllokuar, nuk na mbeti zgjidhje tjetër”, tha shkolla në një deklaratë.

Disa dhjetëra protestues në ‘Columbia’ u arrestuan pasi injoruan një ultimatum të mëparshëm për të hequr kampin me tenda të hënën ose do të përballeshin me pezullim.

Disa rrugë më tutje nga Universiteti ‘Columbia’, në ‘City College’ të Nju Jorkut, demonstruesit u përplasen me policinë para hyrjes kryesore të këtij universiteti publik. Pamje filmike të postuara në mediat sociale nga gazetarët të martën në mbrëmje, tregonin oficerët që detyronin disa njerëz të ulën në tokë dhe shtynin të tjerët ndërsa pastronin rrugën dhe trotuaret.

Pasi mbërriti policia, oficerët hoqën një flamur palestinez që ishte vendosur në shtizën ku mbahej flamuri i ‘City College’ dhe e hodhën në tokë. Më pas ata vendosën aty flamurin amerikan.

Universiteti ‘Brown’, një tjetër shkollë elitare, arriti marrëveshje të martën me protestuesit në hapësirat e saj në Rod Ajllënd. Demonstruesit thanë se do të hiqnin kampin e tendave nëse administratorët e universitetit të paktën do të diskutonin në muajin tetor për mundësinë që të heqin dorë nga investimet në kompanitë izraelite. Kjo me gjasë është hera e parë që një universitet amerikan ka rënë dakord që kërkesat e protestuesve të hidhen në votim.

Ndërkohë, në Universitetin e Arizonës Veriore në Flagstaff, policia hoqi një kamp me tenda të martën në mbrëmje dhe arrestoi rreth 20 persona. Zyrtarët e universitetit kishin paralajmëruar studentët se do të përballeshin me akuza penale nëse nuk do të shpërndaheshin.

Policia gjithashtu hoqi një kamp me tenda të mërkurën në mëngjes në Universitetin Tulane në Nju Orlins dhe rrëzoi të gjitha, përveç një tende në Universitetin e Uiskonsin në Madison, ku policia u përlesh me protestuesit dhe pati mbi 10 të arrestuar. Katër oficerë u plagosën, duke përfshirë një ushtarak të shtetit i cili u godit në kokë me një mjet të fortë, sipas zëdhënësit të policisë të Universitetit të Uiskonsin, Marc Lovicott.

Protestat nëpër universitetet amerikane filluan në Universitetin ‘Columbia’ si reagim ndaj ofensivës së Izraelit në Gazë dhe pasi Hamasi kreu një sulm terrorist në pjesën jugore të Izraelit më 7 tetor. Militantët vranë rreth 1200 njerëz, shumica prej tyre civilë dhe morën afërsisht 250 pengje. Duke u zotuar se do të zhdukë Hamasin, Izraeli ka vrarë më shumë se 34,000 palestinezë në Rripin e Gazës, sipas Ministrisë së Shëndetësisë atje që kontrollohet nga Hamasi.

Disa studentë hebrenj, Izraeli dhe mbështetësit e tij i kanë cilësuar protestat universitare si antisemite, ndërsa kritikët e Izraelit thonë se akuzat bëhen për të heshtur kritikat. Ndonëse disa protestues janë filmuar duke bërë komente antisemite ose kërcënime të dhunshme, organizatorët e protestave, disa prej të cilëve janë hebrenj, thonë se kjo është një lëvizje paqësore që synon mbrojtjen e të drejtave palestineze dhe proteston kundër luftës.

Policia e Njur Jorkut ka njoftuar se do të jenë të pranishëm në Universitetin ‘Columbia’ deri më 17 maj, kur janë planifikuar të përfundojnë aktivitetet e diplomimit.

Kryetari i bashkisë së Nju Jorkut, demokrati Eric Adams dhe ish-kapiten i policisë së Nju Jorkut, këmbënguli se ndërsa studentët ishin në mesin e atyre që hynë në sallën Hamilton, “ajo drejtohej nga individë që nuk kishin lidhje me universitetin”.

Zoti Adams nuk dha ndonjë provë për të mbështetur këtë pretendim, duke thënë se zbulimi i këtyre detajeve do të ishte “shumë i ndjeshëm” për hetimin që po zhvillohet.

Rebecca U. Weiner, zëvendëskomisionerja e Policisë së Nju Jorkut që drejton sektorin për inteligjencën dhe kundër terrorizmin, tha se disa nga protestuesit ishin “të njohur” për departamentin pasi kishin marrë pjesë edhe në protestat e kaluara.

Zëvendës komisioneri i departamentit të policisë për informacionin publik, Tarik Sheppard, tha se 40 deri në 50 persona u arrestuan në sallën Hamilton dhe se nuk kishte të lënduar. Zoti Adams tha se rreth 300 njerëz u arrestuan në Universitetin ‘Columbia’ dhe ‘City College’.

Në mesin e 300 personave të arrestuar përfshihen edhe individë të jashtëm që u kapën duke bërë përpjekje për të përshkallëzuar protestat që u mbajtën në universitetin ‘Columbia’.

Sipas zotit Adams administrata e këtij universiteti kërkoi ndërhyrjen e policisë pasi kuptuan se në hapësirat e universitetit kanë hyrë edhe individë të jashtëm që po trajnojnë dhe realisht po udhëheqin protestën.

Ndërhyrja e policisë u bë që t’i mundësohet këtij universiteti largimi i këtyre individëve që kthyen protestën në një lëvizje anti-semite dhe kundër Izraelit.

Protestuesit fillimisht ngritën një kamp me tenda në ‘Columbia’ pothuajse dy javë më parë. Shkolla dërgoi policinë për të hequr çadrat të nesërmen, duke arrestuar më shumë se 100 persona, por studentët u kthyen sërish në hapësirat e universitetit.

Negociatat mes protestuesve dhe universitetit u ndalën ditët e fundit dhe shkolla u caktoi një afat protestuesve që të braktisin kampin me tenda të hënën pasdite ose do të pezulloheshin.

Por protestuesit shkuan më tej duke pushtuan ndërtesën Hamilton të martën në mëngjes e bllokuan hyrjen brenda saj./VOA

Eksperti i ekonomisë Pano Soko komentoi shitjet e apartamenteve në Tiranë dhe në mbarë vendin.

soko

I ftuar në emisionin “Open” në News24 Soko theksoi se paraja e zezë është futur në tregun e imobilarëve. Ai tha se me pagat në Shqipëri nuk mund të blesh dot apartament.

“Paraja e zezë është futur në tregun e imobilarave. Paga neto është 65 mijë lekë të reja. Me këto të ardhura, nuk mund të blesh dot apartamente, sidomos të shtrenjta. Rritjet e çmimeve janë pa sens. Edhe çmimet e apartamenteve janë ulur disi në Europë”, tha Soko.

Albion Rrahmani është duke shkëlqyer në fanellën e Rapidit të Bukureshtit. Ylli shqiptar i Kosovës ka realizuar 19 gola dhe i ka bërë 4 asistime në të gjitha garat deri tash në këtë edicion me ekipin rumun. E kjo ka bërë që 23-vjeçari të bëhet objektiv i klubeve të mëdha evropiane.

rrahmani-krasniqi

Menaxheri i futbollistëve, Serxhio Mezi, opinionist në “1 Station Radio” zbulon se interesim për ish-futbollistin e Ballkanit ka shfaqur Napoli.

Me këtë ecuri fantastike, gjasat janë të mëdha që në merkaton e verës Rrahmani të bëjë hapin e madh në karrierë.

PANORAMASPORT.AL

Këtë të mërkurë SHBA ka vendosur sanksione të reja për qindra firma dhe persona të lidhur me programet e Rusisë të zhvillimit të armëve, dhjetëra firma kineze të akuzuar se po ndihmojnë Rusinë në gjetjen e zgjidhjeve për t’i shmangur sanksionet dhe individë të lidhur me vdekjen e opozitarit rus Alexey Navalny, raporton agjencia “AP”.

shba rusi

Sanksionet e vendosura nga Departamenti i Thesarit dhe Departamenti i Shtetit synojnë bazën e industrisë ushtarake të Rusisë, programet e armëve kimike dhe njerëzit e firmat e shteteve të treta që e ndihmojnë Rusinë të marrë komponentë armësh, ndërsa pushtimi rus i Ukrainës ka hyrë në vitin e tretë.

Sekretarja e Thesarit, Janet Yellen, ka thënë se veprimi “do të godasë aftësitë luftarake të Rusisë”.

Sanksionet vijnë ndërsa Senati ka dhënë një aprovim përfundimtar të një legjislacioni që ndalon importin e uraniumit rus, duke rritur përpjekjet e SHBA-së për ta ndërprerë luftën e Rusisë në Ukrainë. Presidenti i SHBA-së pritet ta nënshkruajë ligjin.

Një grup prej 16 objektivash në Kinë dhe Hong Kong, shumica e të cilave akuzohen se kanë ndihmuar Rusinë t’i shmangë sanksionet, janë përfshirë në listën e sanksioneve.

Vdekja e legjendës të futbollit Diego Maradona është e lidhur me kokainën, thuhet në një raport mjekësor të publikuar së fundmi.

maradona

Tetë profesionistë shëndetësorë u paditën, të akuzuar se e lanë “El Pibe de Oro” në gjendje kritike për orë të tëra pasi shëndeti i tij u përkeqësua.

Gjyqi i tyre do të nisë më 4 qershor dhe për të vërtetuar pafajësinë e tyre është bërë një kundër analizë.

Sipas “The Sun” , kjo analizë thekson se “gëlltitja e një substance toksike” mund të jetë shkaku i vdekjes së tij.

Prandaj sulmi në zemër i Diego Maradonës mund të ketë një origjinë natyrore ose të jetë për shkak të një të ashtuquajturi faktor “të jashtëm”, siç është kokaina.

Më shumë se 200 dëshmitarë pritet të dëshmojnë në gjyqin e Buenos Aires, i cili pritet të zgjasë disa muaj.

PANORAMASPORT.AL

Urbanisti dhe pedagogu Gentian Kaprata ka analizuar situatën me ndërtimet në kryeqytet, duke vënë theksin te frenimi i rritjes së shitjeve të apartamenteve.

ndertime-tirana

I ftuar në emisionin “Open” në News24, Kaprata u shpreh se trendi i viteve të fundit është vala e parave nga krimi, të cilat “duhet të pastrohen”. Për këtë, sipas tij personat me këto para i pastrojnë në të vetmen mënyrë që dinë, të ndërtojnë pallate dhe kulla.

Sipas tij ky “frenim” nuk do të jetë ndalimi, por mund të ketë ardhur si pasojë e një institucioni ndërkombëtar që ka drejtuar vështrimin drejt situatës që ka tejkaluar kushtet e një tregu normal.

“Trendi i viteve të fundit është vala e parave nga krimi, ku përfshihen si krimi në sektorin privat, por edhe atë publik. Të dyja kanë shumë para për të pastruar. Ata i pastrojnë në mënyrën e vetme që dinë, ndërtojnë pallate dhe kulla. Nuk ka mbaruar, mund të jetë një sy evropian ose një institucion që ndjek situatën.

Nuk mund të themi se tregu është i pastër. Ka elementë të tregut gjithsesi. Mekanizmi që është sot është jashtë tregut. Janë spekulime të mirëfillta, nuk ka asgjë të re. Shpresojmë që të jetë fundi i valës së ndërtimeve. Çfarë kanë vendosur ata, do vijojnë të pastrojnë para. Ky frenim vjen si pasojë e mungesës së parave të pista. Sipas mendimit tim një institucion ka ngritur vështrimin, jo SPAK, është shumë i vogël për këtë. Ka shumë institucione ndërkombëtare që merren me këto çështje”, tha ai.

Eksperti imobilar Gjin Gjoka  deklaroi se ka rënë kërkesa për blerje apartamentesh.

ndertime

I ftuar në studion e emisionit “Open” në News24, Gjoka tha se rënia e kërkesës ka nisur në 6-mujorin e dytë të vitit 2023.

“Ka pak kërkesa për blerje. Sa më i lartë është çmimi, më pak kërkesë ka. Rënia ka nisur në 6-mujorin e dytë të 2023. Kërkesa ka qenë në rënie krahasuar me vitin 2022 dhe 2021. Edhe qiradhëniet kanë nisur të bien.

Ka shumë apartamente të listuara dhe janë me çmim të papërballueshëm sidomos për intelektualët. Ne sot në bregdet presim rritje sërish”, deklaroi Gjoka.

Federata Spanjolle e Futbollit (RFEF) komunikoi gjobën financiare dhe mbylljen e pjesshme të stadiumit të Atletikos së Madridit “Cívitas Metropolitano” si pasojë e sjelljes së dhunshme, raciste, ksenofobike dhe të patolerueshme gjatë ndeshjes së fundit kundër Bilbaos në stadiumin e “Colchoneros”.

Atletico_Madrida3_16217725

Vendimi është marrë pas koreve raciste ndaj Niko Uilliams, të cilat kanë shtyrë Komisionin e Disiplinës në Spanjë, që të mbyllë një nga sektorët e “Metropolitanos”. Ky sektor (sektori jugor) do të qëndrojë i mbyllur për dy takimet e ardhshme të Atletikos së Madridit në fushën e saj.

PANORAMASPORT.AL

Afshin Esmaeil Ghaderzadeh u shpall njeriu më i shkurtër në botë, sipas Librit të Rekordeve Guinness. Ai është 65.24 cm i gjatë, që është pothuajse shtatë centimetra më i shkurtër se rekordmeni i mëparshëm, Edward “Ninja” Hernandez.

njeriu me i vogel

Afshin lindi në një fshat të largët në rrethin Bukan të Iranit dhe jetën  nuk e kishte të lehtë. Në pamundësi për të ndjekur shkollën për shkak të gjatësisë, ai mezi filloi të mësojë shkrim-lexim. Ai është absolutisht i emocionuar që kohët e fundit ka mësuar të shkruajë emrin e tij.

Shtëpia ku jeton mbajtësi i rekordit Guinness është modeste, familja e tij punon shumë dhe ndonjëherë ata luftojnë për të siguruar mjete të mjaftueshme për ilaçe.

Futbollisti farancez i Francios Xavier Fumu Tamuzo ka ngritur një padi kundër kompanisë farmaceutike BioNTech-Pfizer. Ai ka thënë në gjykatë se trupi i tij nuk funksionon më si dikur ndaj edhe i është dashur të tërhiqet nga futbolli.

AAAA

Sipas futbollistit të Stade Laval, skuadër që luan në kategorinë e dytë franceze, vaksinat kundër Covid-19 janë përgjegjëse për efektet anësore që e detyruan të mbyllte karrierën në moshën 29-vjeçare.

Periudha midis viteve 2021 dhe 2022, ajo në të cilën Tamuzo bëri tre doza te vaksinës, përkon me disa dëmtime të pësuara, fillimisht në gju, më pas dëmtimet e dy tendinave.

“Do të doja të kuptoja pse trupi im ka pushuar së funksionuari normalisht, nuk mund të eci më gjatë, vrapimi është bërë i pamundur për mua. Kam dhimbje edhe vetëm duke u ngjitur ose duke zbritur shkallët”.

Padia e ngritur nga Tamuzo evidenton edhe një herë efektet anësore të mundshme të shkaktuara nga vaksinimi kundër Covid.

Tamuzo nuk është futbollisti i vetëm që ka këto dyshime. Një ngjarje që shqetësoi së fundmi Italinë, me vdekjen e 26-vjeçarit Matia Giani pas një sëmundjeje në fushë gjatë një ndeshjeje. Megjithatë, hetimet duket se fokusohen mbi të gjitha në vonesën e ndihmës së shpejtë.

PANORAMASPORT.AL

Detaje të reja u zbuluan nga dosja “5D”, përmes së cilës mendohet se janë vjedhur miliona euro nga buxheti i Bashkisë së Tiranës.

 

redi molla drejtoret e bashkise 5d

Emisioni “Në Shënjestër” nga Klodiana Lala publikoi disa fakte ku flitet për 45 tendera të fituara në mënyrë abuzive me vlerë 30 milionë euro.

Deri më tani për këtë rast janë arrestuar disa ish-funksionarë të lartë të bashkisë së Tiranës, ndërsa ngjarja është shoqëruar me protesta nga opozita prej javësh tashmë.

Dokumentari:

Nëse duhet të gjejmë një përkufizim të duhur për termin skandal dhe të japim një emër të ndryshëm, ky që po përshkruhet këtu është jo vetëm një skandal i përmasave të paimagjinueshme për kapjen dhe rënien e shtetit, por edhe një shembull i rrallë se si individë të veshur me pushtet të pakufishëm mund të shkatërrojnë jetë njerëzore dhe të shtrijnë tentakulat e tyre deri te rrëmbimi i pasurive të tyre, duke përfshirë banesat e tyre. Ky rast duket të jetë edhe i Mariglen Qatos, një prej drejtorëve të Bashkisë së Tiranës, i cili deri dje mbante disa funksione të larta publike në këtë institucion.

Tashmë, me urdhër të SPAK, janë arrestuar bashkë drejtori i Bashkisë së Tiranës, Redi Molla, dhe një tjetër person në akuzën për korrupsion dhe përfitim në konflikt të interesit të 45 tenderave me vlerë prej 30 milion euro, në favor të kompanisë ‘5 D Contruksion’, duke shfrytëzuar postet publike që ata mbanin. Molla dhe Qato nuk ishin vetëm pjesë e këtyre aktiviteteve, por edhe të shtabit të ngushtë elektoral të kryebashkiakut në detyrë, Erion Veliaj. Qato ishte ofruar fillimisht në onturazhin e Veliajt, si një sipërmarrës nga bota e biznesit, duke u prezantuar si një menaxher i suksesshëm në punët e tij private, i gatshëm të jepte kontributin e tij edhe në shërbim të publikut.

Cv-ja e tij, e pasuruar në pak vite në punën bashkiake, tregon se në vitin 2015, Qato ishte emëruar si Drejtor i Drejtorisë së Punëve Publike Nr. 2, pastaj si Drejtor pranë Ujësjellësit Tiranë. Deri në zgjedhjet lokale të 14 Majit 2023, ai udhëhoqi IMT-në, Inspektoratin e Mbrojtjes së Territorit, organ që ruante territorin nga ndërtimet e paligjshme dhe shërbente si organ në funksion të Bashkisë Tiranë për prishjen e ndërtimit pa leje apo atyre me probleme teknike të konstruksionit. Fadroma dhe logoja e IMT-së, të shfaqura shpesh në aksionet e vitet e fundit, bënë të qartë angazhimin e tij në këtë detyrë.

Në raste si Unaza e Madhe, Bregu i Lumit, shembja e banesave në zonën e Shkozës, lagjen ‘5 Maji’, si dhe shembja e pallateve në Tiranë pas tërmetit të vitit 2019, të cilat u klasifikuan si të pabanueshme, evidentojnë problemet. Një shembull është pallati në rrugën ‘Myslym Keta’, ku banorët u detyruan të largoheshin në mënyrë të paligjshme pak ditë para fundit të vitit 2022. Pas tre viteve nga tërmeti, dokumentacioni i tyre u ndryshua nga klasifikimi DS3 në DS5, tregues i nevojës për rikonstruksion dhe rrezikut për jetën e banorëve. Aktekspertizat tregojnë se kjo ndryshim ishte në favor të kompanive private që kërkonin të ndërtonin në zonën e Tiranës.

Si pretekst për të kryer këtë operacion, edhe pse ishte fundi i vitit 2022, ata kishin gjetur tërmetin e vitit 2019 dhe dëmet që kishin ardhur që nga ajo kohë në këto apartamente.

Gentian Sejrani/ Avokat: Po t’i referohemi edhe rasteve të tjera, të cilët unë kam kontakte dhe me banorët e “Myslym Ketës” dhe me banorët e “ish Kombinatit”, por edhe me banorët e “5 Majit”.
Nëse do ti referohemi banorëve apo godinave tek “Myslym Keta” do të shohim që fillimisht ka pasur një vendim të Institutit të Ndërtimit që e ka nxjerrë DS3 (DS-tresh), më pas shohim që një nëpërmjet një kompanie private është bërë Akt i Ekspertimit dhe ka dalë DS5.

Avokati mbrojtës i palëve të dëmtuara argumenton se gjykimi në këtë rast nga Gjykata do të vërtetonte saktësinë e akt-ekspertizave të kryera nga kompanitë private. Megjithatë, ai gjithashtu thekson se kjo situatë do të rrisë dyshimet se çfarë mund të fshihej pas saktësisë së tyre. Kjo për shkak se është e dyshimtë se kush ishte ai që punonte nën rrogoz për të klasifikuar pallatet si të pabanueshme shumë kohë pas tërmetit. Çështja që ngritet është nëse ishte një rastësi apo një përpjekje e organizuar për të vendosur banorët përballë rrezikut për jetën e tyre. Ndërkohë që qëllimi i dukshëm ishte prishja e pallateve dhe hapja e kantierëve të reja ndërtimi për kompanitë e interesuara, inskenuesit që përpilonin skenarin mbeteshin në hije, duke vepruar nga zyrat e tyre.

Gentian Sejrani: Por më pas Gjykata ka vendosur Akt Ekspertiza e bërë nga kompania private nuk është e saktë, dhe ka nxjerrë të paligjshëm vendimin e Këshillit bashkiak për prishjen e atyre godinave.
Të njëjtën gjë ka bërë edhe për disa godina në zonën e Kombinatit. Pra, për të treguar që vendimarrja është bazuar në Akt ekspertiza të cilat janë të pasakta.

Në kohën kur banorët po kërkonin të identifikonin organizatorin e skenarit, shpejt u zbulua se një nga personazhet kryesore ishte Mariglen Qato. Ai, si kreu i IMT-së, ishte pjesë e rrafshimit në tokë të këtyre objekteve, pavarësisht mungesës së shqetësimeve të banorëve për sigurinë e tyre. Kjo situatë tregoi se një lojë e dyshimtë po zhvillohej në kurriz të tyre. Hetimet e SPAK dhe investigimet mediatike treguan se Qato nuk ishte vetëm drejtori i IMT-së, por gjithashtu një biznesmen në fushën e ndërtimit, bashkë me Redi Mollën, një funksionar tjetër në Bashkinë e Tiranës. Ata krijuan kompaninë e ndërtimit ‘VAS Construksion’ ose ‘5D Construksion’, e cila pas shembjes së pallateve nga IMT, të cilat ata e klasifikuan si të dëmtuara, fitonte tenderat për rindërtim.

Pra e thënë më qartë kompania e ndërtimit e drejtuar në hije të plotë nga Mariglen Qato dhe Redi Molla, pasi i pari në krye të IMT-së, do të dërgonte fadromat për hedhjen në tokë të tyre, po i njëjti person me kompaninë e tij okulte do të kryente edhe fazën e rindërtimit, pasi të fitonte tenderin nga Bashkia e Tiranës.

Gentian Sejrani: Dyshimi jonë është i bazuar mbi vendimin e gjykatës dhe mbi ekspertizën e bërë nga eksperti i thirrur gjatë procesit gjyqësor. Që do të thotë është një element shumë i rëndësishëm edhe për procesin e hetimit në vazhdim, por i mbetet institucioneve ligjzbatuese që të hetojnë gjithë këtë situatë që ka ndodhur. Të paktën më banorët e ‘Myslym Ketës’, sepse ka një ndryshim nga DS3-në DS5 do të thotë nga qytetarë të cilët mund të riaftësojnë, mund të rikonstruktojnë banesat e tyre, në qytetarë të cilët duhet të ikin, të largohen fare nga banesat e tyre. Edhe të marrin shtëpi në zonat e tjera.

Duke u nisur nga hulumtimi mediatik, duket se në periudhën nga dhjetori i vitit 2020 deri në vitin 2021, kompania ‘VAS Construksion’, e cila u provua nga SPAK se kishte si pronarë të faktuar Mariglen Qaton dhe Redi Mollën, mori pjesë në 8 tendera të hapura nga Bashkia e Tiranës, në kuadër të Programit për Rindërtimin. Këto tendera synonin ndërtimin dhe rikonstruksionin e infrastrukturës publike në zonat e reja të shpallura për zhvillim nga Bashkia e Tiranës.

‘VAS Construksion’, e cila në atë kohë kishte si administrator Muhamet Petritin, vjehrrin e vëllait të Mariglen Qatos, fitoi dy tendera nga Bashkia Tiranë për rindërtimin, me kontrata të vlerës së përgjithshme 630 mijë euro. Këto tendera përfshinin prishjen e pallateve të shpallura të pabanueshme dhe largimin e mbetjeve, duke prekur 22 pallate dhe ndërtesa në rrugën ‘Ferit Xhajko’, ‘Myslym Keta’ dhe në lagjen ‘5 Maji’. Në këtë kohë, kreu i IMT-së ishte Mariglen Qato, dhe interesant është fakti se kompania e tij fitoi tendera për rindërtimin dhe zhvillimin pikërisht në këtë zonë.

Në ‘Tirana DC’, drejtor është Redi Molla, një bashkëpronar me Qaton në kompaninë që do të merret me demolimin e pallateve dhe pastrimin e territorit. Megjithatë, rezulton se prishjen dhe pastrimin nga mbetjet e territorit ku ndodheshin pallatet i bënë punonjësit dhe fadromat e Bashkisë. Dyshimet janë se kompania e Qatos dhe Mollës ka përfituar të gjitha paratë e kontratës, pa bërë asnjë punë në terren.

Gentian Sejrani: Në të njëjtën kohë ne pamë që në zonë u shpall dhe u publikua një projekt shumë i mirë nga kompanitë private. Provat, tashmë është vendimi i gjykatës. Ekspertiza që është bërë pjesë e gjykimit dhe prokuroria ta çojë pak më tej dhe të shohë nëse kemi të bëjmë me paligjshëmri dhe me pasaktësi të Akt ekspertizës të kryer nga kompania private? A kemi ndryshim të situatës nga ajo ekspertiza e bërë nga Instituti i Ndërtimit?

Por si është e mundur që titullari i një institucioni publik në këtë rast i IMT (Inspektoriatit të Mbrojtjes së Territorit), të kishte edhe tagrin e një zyrtari që drejtonte aksionin për shembjen e pallateve, dhe njëkohësisht të drejtonte një kompani ndërtimi e cila do të përfitonte tendera po në këtë zonë? Dhe këtë ta bënte pa dijeninë e Kryetarit të Bashkisë Erion Veliaj apo të Këshillit Bashkiak Tiranë, që kishte dhënë vendimin për prishjen e objekteve dhe hapjen rrugë të zhvillimit të zonave.

Ervis Daka, Qendra për Aksion Komunitar: Nga viti 2019 dhe deri në nëntor të viti 2023, familjet trajtoheshim me programin e emergjencave në mbështetje të familjeve të prekura nga tërmeti. Më 19 dhjetor 2023 banorët njoftohen përmes njësisë administrative Nr.4 për disa shkresa të cilat ishin dërguar nga drejtoria e koordinimit, bashkrëndimit nga Bashkia e Tiranës, e cila i skualifikon me komentin që ju nuk keni lidhur asnjë marrëveshje me entin Kombëtar të banesave.

Skema është e qartë: Kompania ‘5 D Construksion’ e Mariglen Qatos dhe Redi Mollës ka pasur ortakëri me firmat e tjera që kanë kryer aktekspertizat e pallateve. Këto aktekspertime, të cilat më pas janë përdorur si arsye për shembjen e objekteve me probleme teknike, kanë qenë një pjesë e planifikuar e strategjisë së tyre. Kjo bashkëpunim me firmat e tjera është filluar që në kohën kur kompania mbanin emrin ‘VAS Construksion’, dhe kanë përfituar kontrata në kuadër të Programit të Rindërtimit në lagjen ‘5 Maji’.

Këto kompani private kanë ndarë pjesë të fituar nga tenderat për demolimin e pallateve së bashku me ‘5 D Construksion’, dhe më pas janë shpërblyer edhe me leje ndërtimi për punën që kanë kryer në aktekspertizat që më vonë u konstatua se ishin të pasakta. Kështu, shembja e pallateve është bërë në baza të ekspertizave që, siç tregon një rast konkret, kanë qenë të manipuluara për të justifikuar veprimet e tyre.

Gentian Sejrani: Po të shikosh kompani të cilët kanë përfituar tendera publik janë vetëm 5 kompani me flamur të kuq për sa i përket mënyrës se si janë dhënë tenderat në shkelje të kritereve të të gjitha gjërave të tjera. Në fakt në lidhje me 45 banorët të cilët unë jam duke i ndjekur.Por pa dyshim që kur të vijmë tek rruga gjyqësore, do ti drejtohemi edhe me një kallëzim penal SPAK-ut për të filluar hetimet dhe për të kuptuar pak më shumë se si ka ndodhur i gjithë procedura.

Banorët e pallatit Nr.4 në rrugën ‘Myslym Keta’ në Tiranë nuk janë të vetmit që janë prekur nga shembja e padrejtë e pallateve të tyre. Ka shumë raste të tjera ku banorët janë në kërkim të drejtësisë për pjesëmarrjen e zyrtarëve të lartë të bashkisë Tiranë në veprimtarinë korruptive të kësaj natyre. Disa prej tyre janë të ndaluar tashmë me urdhër të SPAK, duke përfshirë edhe ish-drejtorët e Bashkisë, Mariglen Qaton dhe Redi Mollën.

Këta zyrtarë vendosnin ruspat objekteve në emra të tjera, duke u përfituar ata dhe kompanitë e tyre nga tenderat për rindërtim dhe zhvillim të zonave. Rastësisht, një grup tjetër banorësh u njoftua për të liruar apartamentet e tyre në zonën e Tregut të ish-Uzinës Dinamo, për shkak të dëmeve të lënë nga tërmeti i vitit 2019. Këta banorë janë përzënë nga apartamentet e tyre duke u përdorur akte ekspertize të manipuluara nga kompani private të lidhura me zyrtarët e lartë publikë të Bashkisë Tiranë dhe kompanitë e tyre.

Vendimi i Këshillit Bashkiak

Drejtoria e Përgjithshme e Objekteve në Bashkëpronësi
‘Ashtu siç ju kemi njoftuar, me Vendim të Këshillit Bashkiak Nr.23, Datë 26.02.2024, është vendosur demolimi i detyruar i pallatit, bazuar në verifikimet dhe akt konstatimet paraprake të Institutit të Ndërtimit, grupeve të punës së njësisë administrative për dëmet e shkaktuara nga tërmeti i datës 26 Nëntor 2019 dhe rrezikun që paraqitej është kryer aktekspertiza e thelluar me operator ekonomik. Mbështetur në këto përfundime dhe oponencën e Institutit të Ndërtimit, ekspertët kanë dalë në konkluzionin se pallati duhet të demolohet.’

Familja e Ndue Markut është një nga të fundit që mbeten në lagjen ‘5 Maji’, një zonë e cila ka qenë në qendër të përleshjeve midis banorëve dhe Inspektoriatit të Mbrojtjes së Territorit. Kjo situatë është shoqëruar me pamje të tensionuara, duke përfshirë edhe përdorimin e gazit lotsjellës nga policia. Banorët kanë refuzuar të largohen nga banesat e tyre, ndërsa Bashkia e justifikon këtë aksion me nevojën për zhvillimin e zonës, brenda planit të Rindërtimit.

Ndue Marku, Banor ‘5 Maji: Absolutisht nuk ka pasur urdhër për prishje. E vërteta është saqë banorët, dikush nga banorët jo të gjithë ka njoftuar policinë një ditë më parë policinë që të vijë ti mbrojë nga IMT-ja. Realisht kanë ardhur forca të shumta policie IMT-ja, Bashkia, policia dhe janë nxjerrë dhunshëm. Në mënyrë shporpocionale kanë ardhur kanë hedhur gaz dhe kanë bërë arrestime. Dhe fakti është se këta nuk ishin të pastrehë, këta u bënë të pastrehë.

Por ndërsa muajt kanë kaluar dhe shumë prej tyre janë përzënë prej banesave, situata në terren është po e njëjta dhe punimet për rindërtimin dhe zhvillimin e zonës nuk kanë nisur, ndërsa banorët vazhdojnë të enden me plaçka ngarkuar, pasi nuk kanë marrë as bonusin e premtuar të qirasë nga bashkia.

Ndue Marku: Mariglen Qato ka qenë përballë dhe i ka thënë aty ku është prishur shtëpia e Lizës (Liz-një banoreje që i është prishur shtëpia) shprehje që nuk dua ta them, do marrësh…Ai drejtori i famshëm që tani…Tani e kemi kuptuar edhe vullnetin e tyre, edhe ishin të gjithë bashkë në në grabitje të banorëve. Ne ishim, aq sa ishim.

Sipas avokatit Gentian Sejrani, situata në terren është dramatike. Shumë banorë të cilët janë prekur nga program i rindërtimit duke humbur banesat, qofshin këto pallate si në rastin e rrugës ‘Myslym Keta’, apo edhe banesa në zona të tjera të Tiranës, nuk kanë përfituar ende nga bonusi i qirasë.

Gentian Sejrani: Vendimi i Këshillit Bashkiak e ka ngushtuar mënyrën e përfitimit nëpërmjet procesit të rindërtimit i ka përjashtuar ato në mënyrë të drejtpërdrejtë nga procesi i rindërtimit. Dhe ata sot, jo vetëm që nuk janë pjesë e rindërtimit, por ata nuk mund të përfitojnë më as bonusin e qirasë që është gjëja më elementare që ata duhet të mos jetojnë në rrugë por të paktën të kenë mundësi të jetojnë në një banesë si gjithë qytetarët e tjerë shqiptarë.

Trembja përjetohet përsëri kur vërehet se si funksionarë publikë, përfshirë drejtorët e bashkisë të cilët tashmë janë arrestuar nga SPAK, shfrytëzojnë pozicionet e tyre publike për të grabitur qytetarët. Ata përdorin forcën dhe pushtetin e tyre për të kryer vepra të tilla, shpesh jo vetëm korruptive, por edhe kriminale.

Nëpërmjet këtyre makinacioneve, ata nxjerrin banorët nga shtëpitë e tyre, duke ndërtuar mbi pronat e tyre dhe komprometuar mirëqenien e tyre. Ky është një skenar që është pothuajse e pangjashme në asnjë sistem tjetër demokratik, ku qytetarët të cilët janë gjithmonë të pafuqishëm dhe të pambrojtur, vazhdojnë të shpresojnë për një shtet të drejtë, dhe jo vetëm për pushtetin.

Ligjvënësit gjeorgjianë u përleshën të mërkurën në parlament, ndërsa rifilluan debatin mbi projektligjin për “agjentët e huaj”. Projektligji është bërë shkak për javë të tëra protestash që të martën kulmuan me një goditje të dhunshme të policisë ndaj protestuesve.

protestaaane gjeorgji

Televizioni kombëtar gjeorgjian transmetoi pamje të tensioneve të larta në parlament. Një deputet pro-qeveritar shihej teksa i hidhte një libër ligjvënësve të opozitës, ndërsa të tjerë, tek bërtisnin e përballeshin fizikisht me kundërshtarët politikë. Projektligji për agjentët e huaj ka shkaktuar rritje të akteve dhunës në parlamentin shpeshherë të zhurmshëm të Gjeorgjisë.

Të martën në mbrëmje forcat gjeorgjiane të sigurisë përdorën ujë, gaz lotsjellës dhe granata trullosëse kundër protestuesve jashtë parlamentit, duke e përshkallëzuar ashpër goditjen ndaj atyre që protestojnë kundër ligjit. Opozita dhe vendet perëndimore e kanë kritikuar projekligjin përqasjen autoritare që paraqet si dhe e kanë cilësuar si të frymëzuar nga Rusia.

Gjatë protestave në Tbilisi të martën, policia arrestoi 63 persona ndërsa gjashtë policë u plagosën, tha zëvendësministri i Brendshëm Aleksandre Darakhvelidze.

Levan Khabeishvili, kreu i partisë Lëvizja e Bashkuar Kombëtare, blloku më i madh opozitar në vend, foli në parlament të mërkurën me fytyrën pothuajse të fashuar tërësisht. Partia e tij tha se ai ishte rrahur keq nga policia ndërsa ndodhej në protestë, duke i shkaktuar tronditje ne tru, kocka të fytyrës si dhe katër dhëmbë te thyer.

Në një postim në rrjetin social X shefi i Politikës së Jashtme të Bashkimit Evropian Josep Borrell “dënonte fuqishëm dhunën kundër protestuesve në Gjeorgji”, që sikurse shkruante ai “po demonstronin paqësisht kundër ligjit për ndikimin e huaj”.

Bashkimi Evropian, që i dha Gjeorgjisë statusin e kandidatit në muajin dhjetor, ka bërë të ditur se nëse ligji miratohet mund të dëmtojë shpresat e Tbilisit për integrim evropian.

Mbështetësit e projektligjit sikurse Bidzina Ivanishvilin, miliarderi themelues i partisë qeverisëse Ëndrra Gjeorgjiane që ka mbajtur më parë edhe detyrën e kryeministrit, thotë se ligji për agjentët e huaj do të forconte sovranitetin kombëtar mes përpjekjesh siç tha ai të Perëndimit për ta çuar Gjeorgjinë në një konfrontim me Rusinë./VOA

Ish-kryeministri Sali Berisha thotë se Triumfi i Tiranës është fitore vendimtare për qeverinë teknike të ardhshme dhe rikthimin e opozitës në pushtet.

berisha

Nga ballkoni i banesës së tij  ku prej 30 dhjetorit po vuan arrestin e shtëpisë, Berisha iu referua protestave të fundit të zhvilluara para bashkisë së Tiranës, ku tha se duhet “ta bëjmë ditën natë”, deri në protestën e ardhshme që do të mbahet të martën.

“Është koha e provës, është ora e provës për çdo shqiptar që ndjehet opozitar. Për çdo shqiptar që përjeton padrejtësi në kurrizin e tij. Të bashkohemi në një front të përbashkët. Fitoren e kemi të sigurt”, tha Berisha.

Po ashtu Berisha ftoi profesionistët e lirë në protestë. “Bashkohuni me ne për padrejtësinë e madhe që u ka bërë Edi Rama”, tha ish kryeministri.

“Kam një thirrje të veçantë për ata dhjetëra mijëra specialistë dhe ekspertë të profesioneve të lira, shërbëtorë të nderuar të qytetarëve shqiptarë. Bashkohuni me ne për padrejtësinë e madhe që u ka bërë Edi Rama. Bashkohuni me ne të përballemi dhëmb për dhëmb jo vetëm për veten, por për fëmijët tanë, për mbarë shqiptarët. Studenteve dhe studentëve, gjimnazistëve dhe gjimnazisteve iu bëj një thirrje zemre, ngrihuni në lartësitë e ëndrrës suaj se ju, se familja, se Shqipëria nuk ka asgjë më të bukur se ëndrrën tuaj të bëhet realitet”, u shpreh Berisha.

Pjesë nga fjala e Sali Berishës

Miqtë e mi, dje ishte një ditë e bardhë, një ditë fitoreje.

Ishte agu i ngadhënjimit të opozitës mbi narkodiktaturën.

Ndaj dhe këto ditë gjer të martën e bekuar që vjen, ta bëjmë natën ditë.

Të punojmë, të trokasim në çdo zemër të qytetarëve të Tiranës.

Të mblidhemi të martën për të festuar fitoren.

Fitoren e merituar.

Fitorja, triumfi i Tiranës, çlirimi i shtëpisë së parë të kryeqytetit është fitore vendimtare për qeverinë teknike të ardhshme.

Është fitore vendimtare për rikthimin e opozitës në pushtet.

Është fitore vendimtare për shpëtimin e Shqipërisë dhe çeljen e rrugës së integrimit të këtij vendi.

Ndaj përsëri sonte u bëj thirrje të gjithë qytetarëve të bashkohemi në kauzën tonë të drejtë.

Ju bëj thirrje të gjithë atyre forcave politike, lëvizjeve politike që e ndjejnë se kleptokracia, se sundimi i drogës, bandave dhe krimit të Edi Ramës janë dramë e vërtetë kombëtare për shqiptarët.

Të bashkohemi, të përmbushim misionin tonë, shpëtimin e Shqipërisë.

Është koha e provës, është ora e provës për çdo shqiptar që ndjehet opozitar.

Për çdo shqiptar që përjeton padrejtësi në kurrizin e tij.

Të bashkohemi në një front të përbashkët.

Fitoren e kemi të sigurt.

Klubi i Parmës është tashmë zyrtarisht edhe një herë në Serinë A. Klubi i njohur, i rënë tre vite më parë nga futbolli i elitës, sot ka siguruar një pikë që i nevojitej përballë Barit, për të siguruar matematikisht diferencën që i duhej për të qenë përsëri mes skuadrave më të mira në edicionin e ardhshëm.

seriaa

Barazimi 1-1 ndaj Barit me golin e Boni për vendasit dhe Di Çezare për miqtë, ka mjaftuar për të ndezur edhe një herë festën e tifozëve të skuadrës emiliane, e cila ka bërë histori për shumë vite në elitë me rezultate të rëndësishme, duke prodhuar edhe kampionë të jashtëzakonshëm.

Kur mbeten 2 javë nga fundi i kampionatit të Serisë B, Parma ka tre pikë avantazh ndaj Komos së vendit të dytë dhe 7 ndaj Venecias së vendit të tretë. Vetëm dy vendet e para në renditje shkojnë automatikisht në Serinë A, ndërsa nga vendi i 3-të, deri në vendin e 8-të, zhvillojnë play-off për skuadrën e tretë që do u bashkohet me lart.

PANORAMASPORT.AL

 

Çështja e pronësisë së shtëpisë ku i mbajt Kongresi i Lushnjës u bë shkak në seancën e fundit plenare për një debat mes ministrit Blendi Gonxhja dhe deputetit demokrat të Lushnjës, Saimir Koreshi. Ministri i Ekonomisë, Kulturës dhe Inovacionit, Blendi Gonxhja tha se, “për Shtëpinë e Kongresit në Lushnjë do të ndjekim zbatimin e plotë të vendimit të gjykatës dhe respektimin e së drejtës së pronarit, sa i përket qirasë dhe çdo detyrimi që buron nga ky vendim”.

Kongresi i Lushnjës2

Duke marrë fjalën në Kuvend, në interes të deputetit të opozitës Saimir Koreshi, për Shtëpinë e Kongresit dhe restaurimin e Kishës së Shën Mërisë, në Lushnjë, Gonxhja theksoi se, “për Shtëpinë e Kongresit në Lushnjë, do të ndiqen të gjitha procedurat e vendimit të gjykatës”.

“Sa i takon Kishës së fjetjes së Shën Mërisë, që është në Bisht Qethëm në Lushnjë, ka dështuar vjet 4 herë procedura, pasi ka qenë procedurë me një vlerë të vogël dhe nuk ka pasur interes. Do të mundohemi me hapjen e buxhetit të këtij viti, për shkak të riorganizimit dhe krijimit të MEKIT të bëjmë një procedurë më të plotë me disa objekte bashkë dhe ta realizojmë”, – sqaroi Gonxhja. “Megjithatë, vuri në dukje Gonxhja, është e lejueshme dhe zbatimi i një projekti nga vetë priftërinjtë e kishës me kusht që projekti të kalohet në Këshillin Kombëtar të Trashëgimisë së Mbrojtjes së Kulturës”

QËLLIMI I KONGRESIT

Kongresi i Lushnjës kreu punimet në shtëpinë e patriotit lushnjar, Kasëm Fuga, nga 21 deri më 31 janar të vitit 1920. Në Kongres morën pjesë delegatë të zgjedhur nga e gjithë Shqipëria. Qëllimi i Kongresit ishte studimi i situatës së brendshme dhe të jashtme të vendit dhe masat që duhet të merreshin për shpëtimin nga rreziku i copëtimit të Shqipërisë. Delegatëve i uroi mirëseardhjen në Kongres, Ferit Vokopola, që ishte delegati i Prefekturës së Beratit, Lushnjës dhe Skraparit. Pas Vokopolës, fjalën e mori patrioti i famshëm i asaj kohe Aqif Pashë Elbasani.

Aqif Pasha iu përgjigj shkurt të gjitha pyetjeve të bëra nga delegatët, duke mbyllur kështu ceremoninë e hapjes së Kongresit. Mbas ceremonisë së hapjes, u bë ndarja e deputetëve nëpër grupe (komisione) të ndryshme, të cilat filluan nga puna menjëherë. Në mbledhjen e dytë të kongresit, e cila u mbajt më datën 24 janar, u zgjodh si kryetar Aqif Pashë Elbasani. Po atë ditë nga ana e delegatëve u mbajtën fjalime të ndryshme mbi vrasjen e patriotit Abdyl Ypi, i cili kishte qenë një nga iniciatorët e mbajtjes së atij kongresi. Abdyl Ypin e kishin vrarë njerëzit e qeverisë së Durrësit, pak ditë përpara mbajtjes së asaj mbledhjeje, me qëllim që të frikësonin delegatët për të mos marrë pjesë në Kongresin e Lushnjës.

Mbas këtyre fjalimeve, me vendim unanim nga të gjithë delegatët u vendos që t’i dërgohej një telegram ngushëllimi familjes së Abdyl Ypit dhe pas formulimit të atij telegrami, u mbyllën punimet e asaj dite për të filluar të nesërmen më 30 janar. Mbledhja e tretë që u mbajt atë ditë, vendosi mbas shumë diskutimesh që të bëheshin protestat më të ashpra kundër vendimit të Fuqive të Aleatëve, për zbatimin e Paktit të fshehtë të Londrës, i cili ishte mbajtur më 26 prill të vitit 1915-të, pakt i cili sanksiononte copëtimin e Shqipërisë. Pas këtij vendimi, mbledhja analizoi qëndrimin e qeverisë së Durrësit, si në situatën e brendshme, ashtu edhe në atë të jashtme.

Nga kjo analizë u nxor si konkluzion se ajo qeveri kishte dalë dhe kishte vepruar jashtë programit të dhënë prej Kongresit të Durrësit, që ishte mbajtur në 25 dhjetor të vitit 1918-të. Po ashtu, ajo qeveri kishte penguar mbledhjen e Senatit që ishte vendosur në Durrës dhe me administrimin e saj të keq, e kishte futur vendin në një anarki të madhe e kishte çuar në krijimin e një situate të acaruar politike. Nisur nga këto, ajo qeveri ishte përpjekur me çdo kusht për ta penguar mbajtjen e Kongresit të Lushnjës.

SENATI E QEVERIA

Për këtë arsye, kongresi vendosi unanimisht rrëzimin e qeverisë së Durrësit, e njëkohësisht zgjodhi imzot Luigj Bumçin, Mehmet Konicën dhe dr. Turtullin, si përfaqësues legjitimë të popullit shqiptar, në delegacionin e Konferencës së Paqes në Paris. Në mbledhjen e katërt që u mbajt më 30 janar, kongresi zgjodhi si anëtarë të Këshillit të Lartë, imzot Bumçin, Aqif Pashë Elbasanin, Abdi Toptanin dhe dr. Turtullin. Pas kësaj u zgjodh dhe përbërja e qeverisë së re, e dalë nga ai Kongres, e cila kryesohej nga kryeministri Sulejman Delvina.

Pas Delvinës, në atë qeveri u zgjodhën dhe Ahmet Zogu ministër i Brendshëm, Mehmet Konica ministër i Punëve të Jashtme, Hoxhë Kadria ministër i Drejtësisë, Ndoc Çoba ministër i Financave, Sotir Peci ministër i Arsimit, Ali Riza Kolonja ministër i Luftës, Eshref Frashëri drejtor i përgjithshëm i Punëve Botërore dhe Idhomene Kosturi drejtor i përgjithshëm i Postë-Telegrafëve.

Në mbledhjen e pestë që u mbajt më 31 janar pasdite, Kongresi zgjodhi anëtarët e Senatit dhe u vendos që delegatët të mos shpërndaheshin derisa qeveria të merrte në dorë frenat e shtetit. Pas kësaj mbledhjeje, atë pasdreke të 31 janarit të vitit 1920-të, Kongresi u dha fund punimeve të tij, duke vendosur Tiranën për kryeqytet të Shqipërisë.

KUNDËRSHTARËT E KONGRESIT

Menjëherë pas përfundimit të Kongresit në Lushnjë, po atë pasdreke të 31 janarit, Ahmet Zogu që u zgjodh ministër i Punëve të Brendshme, u dërgoi të gjitha prefekturave një qarkore nga qyteti i Lushnjës, me anë të së cilës i bënte të ditur popullit shqiptar arsyet për mbajtjen e Kongresit Kombëtar të Lushnjës dhe u shpjegonte atyre vendimet që mori ajo mbledhje historike, për shpëtimin e Shqipërisë nga rreziqet që e kërcënonin. Gjatë gjithë punimeve të Kongresit ra në sy temperamenti i ndezur i Ahmet Zogut, që i bëri të gjithë delegatët të fitonin një admirim ndaj tij dhe ta zgjidhnin me votim unanim në postin delikat të ministrit të Brendshëm, ndonëse ai nuk i kishte mbushur akoma 25 vjeç.

Gjatë kohës që mbahej Kongresi i Lushnjës, qeveria e Durrësit u përpoq me të gjitha mënyrat dhe mjetet për të ndaluar zbatimin e vendimeve të kongresit, duke u mbështetur dhe në forcën e ushtrisë italiane që ishte akoma në Shqipëri. Po kështu, mbajtja e Kongresit të Lushnjës konsiderohej prej tyre si një lëvizje aventurierësh dhe ajo u përgatit që të sulmonte forcat qeveritare dhe delegatët që do të vendoseshin me seli në Tiranë, e cila ishte caktuar nga kongresi si kryeqytet i Shqipërisë. Nisur nga presionet e qeverisë së Durrësit, e cila po bënte çmos për mosnjohjen e vendimeve të Kongresit të Lushnjës, shumë nga e delegatët Tiranës, Elbasanit, Kavajës e Shijakut, duke kuptuar se do të sulmoheshin me armë nga forcat italiane të nxitura nga qeveria e Durrësit, shfaqën mendimin që të qëndronin dhe për disa kohë në qytetin e Lushnjës.

ZOGU: TË NJIHET KONGRESI

Mendimet që shfaqën disa delegatë, për të qëndruar në qytetin e Lushnjës deri sa të stabilizohej disi situata anarkike e krijuar nga qeveria e Durrësit, i kundërshtoi hapur ministri i Brendshëm, Ahmet Zogu. Mes të tjerash, ai iu tha delegatëve: “Vendimet e Kongresit do të zbatohen domosdo dhe pa vonesë, kjo gjë lyp guxim dhe punë, prandaj unë po nisem për në Tiranë, ju po të doni rrini këtu”. Kështu, siç dhe ishte parashikuar, gjatë udhëtimit të tij për në Tiranë, Ahmet Zogut dhe njerëzve që e shoqëronin, iu pre rruga në Kavajë nga ana e forcave italiane, që ishin të armatosura me topa e mitraloza. Një oficer italian u doli përpara Zogut e njerëzve të tij dhe u dha urdhër atyre që të ndërprisnin marshimin.

Ahmet Zogu e kundërshtoi hapur oficerin italian duke i thënë: “Unë nuk njoh tjetër autoritet, përveç Kongresit të Lushnjës”. Pas një debati të ashpër që desh kaloi në konflikt të armatosur, oficeri italian u tërhoq së bashku me gjithë forcat që kishte nën komandë dhe i hapi rrugën Ahmet Zogut që të hynte në qytetin e Kavajës. Në atë qytet, ministri i Brendshëm Ahmet Zogu, qëndroi për disa ditë, duke emëruar nënprefektin dhe disa nëpunës të vegjël të administratës vendore. Hyrja e Ahmet Zogut në Kavajë e shqetësoi shumë qeverinë e Durrësit, e cila duke e kuptuar që me anë të forcës nuk mund ta ndalonte dot Zogun, filloi të përdorte dredhitë, duke i dërguar atij një delegacion për të hyrë në bisedime. Delegacioni që u dërgua nga ana e qeverisë së Durrësit, i propozoi Ahmet Zogut që të transferohej kryeqyteti për në Vlorë dhe të thërritej një kongres tjetër kombëtar atje, për të biseduar lidhur me situatën në vend e masat që duhet të merreshin për stabilizimin e situatës në Shqipëri.

Mbi këtë propozim që iu servir Zogut, qeveria e Durrësit vinte kusht dhe kërkonte anulimin e të gjitha vendimeve të Kongresit të Lushnjës. Pas pak orësh nga vajtja e delegacionit të Durrësit për bisedime me Ahmet Zogun, ai delegacion u kthye shpejt në qytet, pasi Zogu refuzoi kategorikisht, që të bisedonte rreth atyre propozimeve. Shqipëria ishte njohur si shtet i pavarur, më 1913, por gjysma e saj kish mbetur jashtë kufijve, përbrenda ziente anarkia më e plotë: Kundër Qeverise së Ismail Qemalit në Vlorë, mbinte Qeveri e Esad Toptanit në Durrës. Aventurierët e brendshme menduan se gjetën shesh të bëjnë rrëmujë, ndërsa armiqtë e jashtëm, të pangopur me ato pjesë që kishin rrëmbyer, u sulën mbi shtetin e ri gjysmak me qëllim që ta copëtonin fare: Grekët e shkretuan Toskërinë me zjarr e me hekur, serbët shkelën Shqipërinë e Veriut, malazezët hynë në Shkodër mbas një qëndrese heroike të atij qyteti.

Patriotët shqiptarë nuk dinin se nga t’i jepnin. Forcat e errësirës përbrenda ishin të shumta dhe armiqtë e jashtëm ishin tepër të fortë për atë popull të vogël. Një princ gjerman që u dërgua si mbret i Shqipërisë prej fuqive te mëdha, zbriti në Durrës në mars të vitit 1914 dhe u shtrëngua të largohej në shtator të atij viti. Lëvizja e Rebelëve në Shqipërinë e Mesme dhe vërsuljet e grekëve në Shqipërinë e Jugut po e bënin të pamundur organizimin e një shteti shqiptar. Në ketë kohë plasi Lufta e Parë Botërore dhe Shqipëria u pushtua prej ushtrive ndërluftuese austro-hungareze, italiane dhe frënge. Me mbarimin e Luftës Botërore, problemi shqiptar dilte më i koklavitur akoma: Traktati i fshehtë i Londrës (i nënshkruar më 1915) i premtonte Italisë Vlorën me qarkun e saj dhe një farë protektorati mbi Shqipërinë e Mesme, mbasi të merrnin greket Shqipërinë e Jugut dhe serbo-malazezet atë të Veriut.

Në bazë të këtij traktati, Italia vazhdonte të mbante të pushtuar Vlorën dhe ca krahina të tjera shqiptare duke përkrahur njëkohësisht një qeveri kukull në Durrës, me anë të së cilës donte të siguronte protektoratin mbi Shqipërinë e Mesme. Në vazhdim të kësaj vije politike, nënshkroi me Greqinë, më 1919 marrëveshjen Tittoni-Venizelos, e cila ia njihte Greqisë kërkesat mbi Shqipërinë e Jugut, me kusht që edhe Greqia ta njihte sundimin italian mbi pjesën tjetër të Shqipërisë. Natyrisht, edhe Jugosllavia, që kishte dalë nga lufta si fëmijë e përkëdhelur e fuqive të mëdha nuk do të mbetej me duar thatë, do të “shqyente” edhe ajo një copë nga veriu duke përfshirë ndoshta edhe Shkodrën. Këto ishin planet e jashtme mbi Shqipërinë dhe Konferenca e Paqes, që u mblodh në Paris me 1919, kërkonte ta zbërthente problemin shqiptar në mbështetje të këtyre planeve. Gjendja dukej fort e dëshpëruar, shpresat dukeshin të humbura.

Shqipëria s’kish asnjë përkrahje të jashtme përveç zërit të fuqishëm të Presidentit Wilson të Amerikës. Presidenti Wilson ishte një njeri idealist, që besonte në drejtësinë, në përparimin moral te njerëzisë dhe parimet për të cilat vendi i tij kish hyrë në luftë u mundua t’i mbronte gjer në fund. Presidenti Wilson ishte një nga të rrallët burra shteti që atë çka flasin e kanë me gjithë mend dhe që e përdorin gjuhën jo për sofizma e dredhi, por për të shpallur të vërtetën. Mirë po ç’mund të bënte Wilsoni sikur shqiptarët të mos ishin të zotë të lëviznin vetë? Amerika s’mund të dërgonte ushtri në Evrope për të siguruar pavarësinë e Shqipërisë.

“Duhet të shpresoni në veten tuaj”, iu ishte përgjigjur ambasadori i Amerikës nParis disa patrioteve shqiptare, që kishin vajtur ta shihnin dhe që i thanë se të tëra shpresat i kishin varur tek Amerika. Cila ishte gjendja e Shqipërisë përbrenda? Një rrëmuje, një kaos ku s’e merrte vesh i pari të dytin. Italia mbante të shkelur ushtarakisht një pjesë të vendit dhe përkrahte një Qeveri kukull, e cila dërgonte delegacione në Konferencën e Paqes. Jugosllavët ishin në Dibër dhe herë-herë nuk përtonin të zbrisnin më poshtë. Grekët nga jugu futnin fite dhe bënin ngacmime. Shqiptarët përbrenda s’dinin nga të mbroheshin më parë as dinin nga të faleshin. Shqiptarët e kolonive dërgonin në Konferencën e Paqes delegacione, që vinin shpeshherë në kundërshtim me atë të Qeverisë së Durrësit. Esad Toptani ndodhej në Paris, në qendër të intrigave që thurnin armiqtë e Shqipërisë. Si mund të dilej nga kjo gjendje e turbullt?

Si mund të vihej një rregull në mes të këtij kaosi? Në këto rrethana u mblodh Kongresi i Lushnjës, më 21 janar 1920, si një shfaqje e vullnetit kombëtar, si një akt trimërie në mes të dëshpërimit. Përfaqësuesit e krahinave që u mblodhën në Lushnjë nga të gjitha anët e Shqipërisë, ishin të vendosur të bënin bashkimin kombëtar, t’i jepnin fund anarkisë, të ndërtonin një shtet shqiptar të përqendruar mbi forcat e tij dhe të pavarur. Kjo ishte e vetmja rrugë shpëtimi. Por kjo u prishte planet atyre që vepronin si agjentët e të huajve dhe që kishin varur shpresat e ambicieve të tyre tek të huajt. Prandaj disa anëtarë të Qeverisë së Durrësit shtinë e vranë Abdyl Ypin që ishte një nga iniciatorët e Kongresit. Megjithatë, Kongresi nuk u tund as nga këto kërcënime as nga vështirësitë e gjendjes.

U shpall si një Kuvend kombëtar i plotfuqishëm, i tregoi botës se Shqipëria ish e pavarur dhe e pandashme dhe iu përvesh punës për organizimin e shtetit shqiptar. Intrigat dhe kanosjet e fqinjëve e kishin neveritur popullin aq shume sa që ky e pa Kongresin si një forcë shpëtimi dhe e brohoriti me tërë entuziazmin nacionalist të asaj kohe. Duke iu dalë kundër intrigave të jashtme dhe planeve të copëtimit që bëheshin në Konferencën e Paqes, Kongresi i Lushnjës nisi të veprojë si i vetmi autoritet i Shqipërisë, me fuqi sovrane: Hartoi statutin e shtetit shqiptar me një Këshillë të Naltë në krye, zgjodhi Tiranën për kryeqytet dhe i dha vendit një Qeveri të ligjshme, e cila iu vu me energji organizimit të administratës, të xhandarmerisë, të shkollave dhe u mundua t’i jepte fund anarkisë. Në pak kohe, Qeveria e Tiranës, e dalë nga Kongresi i Lushnjës, u njoh prej të gjithë shqiptareve dhe u formua kështu një qendër rreth së cilës mund të mblidheshin energjitë e kombit.

Ndërhyrjet e huaja vazhdonin akoma: Italia mbante të pushtuar ushtarakisht Vlorën dhe qarkun e saj gjer në Tepelenë; jugosllavët mbanin Dibrën dhe nganjëherë patën zbritur deri në shkallët e Tiranës; grekët vazhdonin këngën e vjetër për Korçën dhe Gjirokastrën. Por tani kish të paktën një qendër shqiptare që mund të kanalizonte përpjekjet e kombit. Kongresi i Lushnjës kish ngjallur shpresa dhe iu kish dhënë shqiptarëve një farë besimi në vetvete. Aq sa, pa marrë parasysh përpjesëtimin e forcave, rrethet e Vlorës e të Labërisë dhe pastaj e tërë Shqipëria e Jugut u ngritën me arme në dorë kundër ushtrisë italiane, të cilën brenda pak muajve e shtrënguan të tërhiqet dhe të lëshojë Vlorën. Disa përpjekje kundër serbëve në veri, tregonin të njëjtin vullnet lirie dhe pavarësie. U duk edhe njëherë se shqiptarët e bënë fora.

Tërheqja e Italisë nga Vlora sillte si rrjedhim logjik pavarësinë e shtetit shqiptar. Pse në qoftë se gjer atëherë kish pasur për Shqipërinë një rrezik copëtimi, ky vinte më fort nga ndërhyrjet e Italisë se sa nga fqinjët ballkanas. Këta të fundit mund të ngulnin thonjtë mbi tokat shqiptare vetëm atëherë kur Italia ta mohonte pavarësinë ose tërësinë tokësore të Shqipërisë duke e përmbysur ajo vetë ekuilibrin në Adriatik dhe në Ballkan. Sikur Italia të vendoste njëherë e përgjithmonë se një shtet shqiptar i pavarur është i nevojshëm për sigurimin e saj dhe në vend të një politike imperialiste copëtimi ose kolonizimi, të kërkonte me kombin shqiptar marrëdhënie miqësore me pajtim interesash të të dy palëve, fqinjët e Ballkanit i binin kavallit kot.

Ajo që ka venë në rrezik ekzistencën e Shqipërisë që prej traktatit të fshehtë të Londrës (1915) dhe gjer në ardhjen e komunistëve në fuqi, nuk kanë qenë aq fort fqinjët ballkanas se sa qëndrimi i lëkundshëm i politikës italiane. Ndërrimet e herë mbas hershme të politikës italiane kundrejt vendit tonë i kanë sjellë Shqipërisë dëm më shumë ndoshta nga barbarizmat e fqinjëve ballkanase (Por sigurisht Italia e sotme e ka kuptuar këtë të vërtetë). Pra, me tërheqjen e ushtrive italiane nga Vlora, më 1920, Shqipëria mbetej automatikisht shtet i pavarur. Dhe si i tillë u pranua në gjirin e Lidhjes së Kombeve që në shtator të atij viti. Një vit më vonë, më 9 nëntor 1921, Konferenca e Ambasadorëve në Paris, i hodhi poshtë kërkesat e grekëve mbi Korçën dhe Gjirokastrën dhe Lidhja e Kombeve nisi të vëzhgoi lëvizjet e jugosllavëve.

Dy persona kanë mbetur të plagosur si pasojë e një aksidentit të ndodhur në Tunelin e Kalimashit. Policia e Kukësit informon se dy makina Benz janë përplasur me njëra tjetrën.

aksident ne tunel

Për pasojë dy pasagjerë që udhëtonin në njërën prej makinave janë plagosur dhe u transportuan në spital.

Shërbimet e Policisë menjëherë bënë të mundur hapjen e rrugës dhe lëvizja e automjeteve vijon e lirë në tunel.

Njoftimi:

Në tunelin e Kalimashit, me drejtim lëvizjeje Milot-Morinë, automjeti tip “Benz” me drejtuese shtetasen M. T, është përplasur me automjetin tip “Benz”, me drejtues shtetasin A. K.

Dy pasagjerët, shtetasit D.T. dhe I.T, që udhëtonin me automjetin me drejtuese shtetasen M.T., janë dërguar në spital për kontroll mjekësorë.

Shërbimet e Policisë menjëherë bënë të mundur hapjen e rrugës dhe lëvizja e automjeteve vijon e lirë në tunel.

Grupi hetimor po punon për përcaktimin e shkakut të aksidentit.

Policia shpërtheu një kamp në Universitetin Columbia që shkaktoi një valë demonstratash të ngjashme pro-palestineze në disa kampuse universitare në gjithë SHBA. Gjatë aksionit u arrestuan qindra vetë.

protesta

Një numër universitetesh amerikane thirrën këtë të mërkurë policinë për shkak të valës së protestave studentore pro-palestineze.

Të martën në mbrëmje, policia në Nju-Jork shpërndau një grup demonstruesish që kishin paralizuar Universitetin Columbia për gati dy javë, duke arrestuar dhjetëra vetë.

Njoftohet se policia ka arrestuar rreth 300 vetë në Universitetin Columbia dhe City College në Nju-Jork, ndërsa në Los Anxhelos shpërthyen përleshje midis grupeve rivale të protestuesve. Demonstratat u organizuan nga studentët për të protestuar për mbështetjen akademike dhe qeveritare për Izraelin për ofensivën e tij tokësore në Gaza.

Individë pa lidhje me universitetin

Në një letër drejtuar Departamentit të Policisë së Nju Jorkut, presidentja e Universitetit Columbia, Minouche Shafik, kishte kërkuar “ndihmë për të larguar të gjithë individët nga salla Hamilton Hall dhe të gjitha kampuset”. Sipas saj pushtimi i ndërtesës së universitetit po udhëhiqej nga “individë që nuk kanë lidhje me Universitetin”, gjithësesi ajo nuk dha prova për këtë.

Shafik gjithashtu i kërkoi policisë së Nju Jorkut që të qëndrojë në kampus të paktën deri më 17 maj, në mënyrë që të garantohet që protestuesit të mos i rivendosin kampet e tyre.

Edhe kryebashkiaku i qytetit të Nju-Jorkut, Eric Adams, tha gjthashtu pa dhënë prova, se protestuesit nuk ishin studentë, por agjitatorë profesionistë.

“Sapo u njoftova për agjitatorë të jashtëm që ishin pjesë e këtij operacioni, siç përmendi edhe Universiteti Columbia në letrën e tij dhe kërkesën për Departamentin e Policisë së qytetit të Nju Jorkut, u bë e qartë se ne duhej të merrnim veprimet e duhura dhe drejtoria jonë e shërbimit sekret i identifikoi ata persona që ishin profesionistë, të trajnuar mirë”, tha Adams në CBS Mornings.

Njerëzit e përfshirë në demonstratat në Universitetin Columbia kanë pranuar se protestës i ishin bashkuar disa njerëz që nuk i takonin universitetit, por i hedhin poshtë akuzat se persona të huaj kishin ndikuar në mënyrë të padrejtë në kampin e demonstruesve.

Trazirat më të përhapura dhe më të zgjatura universitare

Kampet e ngritura prej demonstruesve pro-palestinezë janë trazirat më të përhapura dhe më të zgjatura që tronditin kampuset e universiteteve amerikane që nga protestat kundër Luftës së Vietnamit në vitet 1960 dhe 1970.

Pushtimi i sallës Hamilton Hall të Universitetit Columbia ishte ndër demonstratat më të spikatura pro-palestineze në kampuset universitare, e cila tërhoqi madje edhe vëmendjen e Presidentit Joe Biden.

“Ky nuk është shembull i një protestës paqësore,” tha një zëdhënës i presidentit.

Sipas Ministrisë së Shëndetësisë të drejtuar nga Hamasiqë nga fillimi i operacionit ushtarak të Izraelit në territorin palestinez janë vrarë më shumë se 34,500 vetë.

Izraeli i quajti protestat si shembuj të antisemitizmit në universitetet amerikane – një akuzë që grupet studentore e kanë hedhur poshtë./DW

Një ngjarje e pazakontë ka ndodhur gjatë ndeshjes mes Bajern Mynih dhe Real Madrid, që u luajt në Gjermani të martën në darkë. Protagonist u bë Alfonso Dejvis, futbollisti i bavarezëve i cili mendohet se mund të transferohet në verë pikërisht te madrilenët.

ea762c06899f84b1f07a02e7cb6f06338af0e91a

Tuhel e kishte lënë atë në stol, por i kërkoi që të hynte në fushë në minutat e fundit të vend të Sane, një nga më të mirët në fushë për Bajenrn në këtë sfidë. Dejvis shkoi me vrap dhe mori një fanellë duke e veshur, pa parë se në fakt ajo ishte me numrin 45 dhe i përkiste Aleksandar Pavloviç.

Zëvendëstrajneri i Bajernit, i cili po e shoqëronte, nuk pa asgjë, ndërsa ishte fizioterapisti Stefan Uaikert ai i cili i sinjalizoi se kishin gabuar fanellën. Ai ktheu futbollistin kanadez në pankinë ku Dejvis hoqi fanellën që mbante dhe veshi të tijën, ndërsa Tuhel po ndiqte skenë duke buzëqeshur.

Më pas Djevis hyri në fushë duke u aktivizuar në 3 minuat e fundit të kohës së rregullt dhe ato shtesë deri në vërshëllimën përfundimtare.

PANORAMASPORT.AL

Kryeministri i Izraelit, Benjamin Netanyahu i tha sot Sekretarit amerikan të Shtetit, Anthony Blinken se ai nuk do të pranojë një marrëveshje që përfshin përfundimin e luftës në Rripin e Gazës.

blinken

Sipas zyrtarëve të lartë amerikanë dhe izraelitë, Netanyahu tha në takimin me Blinken se nëse Hamasi këmbëngul për t’i dhënë fund luftës, marrëveshja nuk do të pranohej.

Ai gjithashtu theksoi se pushtimi i qytetit Rafah në jug të Rripit të Gazës do të ndodhë dhe se operacioni nuk varet nga asgjë, raporton Times of Israel.

Më parë, zëdhënësi i Departamentit të Shtetit, Matthew Miller, njoftoi se Blinken përsëriti në bisedën e tij me Netanyahun se SHBA-të kundërshtojnë sulmin e planifikuar izraelit në qytetin e mbipopulluar Rafah në jug të Rripit të Gazës.

Lënia jashtë listës së grumbullimit në miqësoret e muajit mars nga Silvinjo, e ka motivuar më shumë Mirlind Dakun, i cili po shënon rregullisht me ekipin e tij në kampionatin rus.

daku

Sulmuesi ka koleksionuar 7 gola dhe 4 asiste deri tani dhe forma e tij ka ardhur në rritje. Ndërkohë, nga mediat ruse është pyetur së fundmi edhe trajneri i ekipit ku Daku luan, Rubin Kazanit, në lidhje me sekretin e formës që po kalon sulmuesi që ka shënuar dy ndeshje radhazi:

“Ndoshta ka rënë në dashuri”, thotë me batutë trajneri rus. Më pas ai shton: “Përgatitja për Europianin, padyshim që ka ndikim”, thotë Rashid Rahimov.

PANORAMASPORT.AL

Opinion

Gazeta Panorama Online
© Kjo faqe kontrollohet dhe menaxhohet nga Gazeta Panorama. Të gjitha materialet në të, përfshirë fotografitë, janë të mbrojtura me copyright të Panorames. Materialet në këtë faqe nuk mund të përdoren për qëllime komerciale. Ndalohet kopjimi, riprodhimi dhe publikimi i paautorizuar në çfarëdo mënyre, pa lejen paraprake të Panorama-s. Shfrytëzimi i materialeve pa lejen e Grupit Panorama është shkelje e te drejtave të autorit dhe të pronës intelektuale sipas dispozitave ligjore në fuqi. Të gjithë shkelësit e këtyre të drejtave do të ballafaqohen me ligjin. Të gjitha të drejtat Gazeta Panorama