Real Madrid është kualifikuar në gjysmëfinalet e Ligës së Kampioneve pasi ka mundur Mançester Sitin në një mbrëmje emocionuese ku vendimtare u bënë gjuajtjet e penalltive.
Në një ndeshje shumë emocionuese, por e ndryshme nga barazimi 3-3 i asaj të javës së kaluar, Reali shënoi shpejt me Rodrigon dhe pastaj qëndroi në mbrojtje duke u munduar që të administronte rezultatin përballë vendasve të cilët provuan në çdo mënyrë të shënonin. Goli do të vinte vonë në pjesën e dytë me De Bryjn, ndërsa sulmet e Sitit nuk reshtën. Por Reali rezistoi dhe çoi sfidën në shtesa. Edhe aty, ishin vendasit kërkues dhe Reali që mbrohej, por nuk kishte gola të tjerë, duke bërë që penalltitë të vendosnin fatin e takimit.
Aty, gabimet radhazi të Bernardo Silva dhe Kovaçiç nga pika e bardhë, bënë që Reali të kalonte në turin tjetër të turneut, ku do të ndeshet me Bajern Mynih.
LIVE MANÇESTER SITI-REAL MADRID 1-1
76′ De Bryjn / 13′ Rodrigo
NGJARJET KRYESORE
PENALLTITË 3-4
SHIH VIDEON
Gjuan Rydiger, shënon. Siti-Real 3-4
Gjuan Ederson, shënon. Siti-Real 3-3
Gjuan Naço, shënon. Siti-Real 2-3
Gjuan Foden, shënon. Siti-Real 2-2
Gjuan Lukas Vazkez, shënon. Siti-Real 1-2
Gjuan Kovaçiç, pret Lunin. Siti-Real 1-1
Gjuan Bellingam, shënon. Siti-Real 1-1
Gjuan Bernardo Silva, pret Lunin. Siti-Real 1-0
Gjuan Modriç, pret Ederson. Siti-Real 1-0
Gjuan Alvarez, shënon. Siti-Real 1-0
120’ Jepet 1 minutë shtesë.
118’ Modriç fiton topin pranë zonës kundërshtare, por pastaj gabon plotësisht harkimin e tij.
115’ Reali është thuajse me të gjithë lojtarët në zonë, teksa është Siti i cili po mundohet të gjejë golin para se të jenë penalltitë vendimtare për kualifikimin.
112’ De Bryjn dhe Akanzhi i lënë vendin Stouns dhe Kovaçiç në radhët e vendasve.
110’ Karvahal nuk vazhdon dot me dhe i bën vend Militaos.
106’ Nis pjesa e dytë shtesë.
105’+2’ Mbyllet shtesa e parë.
105’+2’ Brahim Diaz jep një pasim perfekt për Rydiger në zonë, por gjuajtja e tij pranë portës nuk gjen katërkëndorin. (VIDEO)
105’ Jepen 2 minuta shtesë në pjesën e parë.
101’ Lukas Vazkez merr vendin pikërisht të Vinicius.
101’ Vinicius nuk ia del të shpërthejë në krahun e djathë, pasi mbyllet mirë nga Uoker.
98’ Bernardo Silva pason në qendër për Foden, i cili nuk ka kontaktin e duhur me topin dhe shpërdoron mundësinë për të gjuajtur në portë. (VIDEO)
95’ Siti vazhdon presingun e lartë duke mbyllur madrilenët në zonën e tyre, në kërkim të golit të fitores.
93’ Doku hyn në zonë nga e majta dhe nis një pasim në qendër që asnjë nga shokët e skuadrës nuk e shtyn në rrjetë.
91’ Nis pjesa e parë e shtesave me Haland në pankinë, pasi vendin e tij e merr Alvarez.
90’+5’ Mbyllet me shifrat 1-1 koha e rregullt.
90’+5’ Haland ka mundësinë në fund të tentojë portën pas një goditje këndi, rpo nuk gjen shënjestrën.
90’+4’ Mendi ndëshkohet me karton të verdhë.
90’+2′ Rodri mundohet të gjejë golin e fitores me një gjuajtje nga jashtë zonës, topi ndalet pa probleme nga Lunin.
90’ Jepen 4 minuta shtesë.
90’ Rodri ndëshkohet me karton të verdhë pasi ndal një kundërsulm të Brahim Diaz.
88’ Goditje nga këndi që harkohet në zonë, Haland me kokë nuk ia del të shënjestrojë portën. (VIDEO)
84’ Brahim DIaz merr vendin e Rodrigo në radhët e madrilenëve.
82’ Akanzhi nga e majta pason në qendër për De Bryjn i cili lëshon një gjuajtje të fortë, por këtë herë nuk gjen portën duke e dërguar sferën mbi traversë. (VIDEO)
79’ Modriç hyn në fushë në vend të Kros.
78’ Është përsëri De Bryjn i cili tenton portën me një gjuajtje të fortë, sfera devijohet lehtë nga Lunin dhe kalon mbi traversë. (VIDEO)
76’ GOOOL MANÇESTER SITI! Doku pason në qendër ku Rydiger nuk largon sferën dhe e çon te De Bryjn i cili nuk gabon duke barazuar shifrat.
72’ Doku merr vendin e Grilish në radhët e Mançester Sitit.
71’ Gjuajtje e fortë e Grilish nga e majta, Lunin pret i vëmendshëm. (VIDEO)
67’ Luhet vetëm pranë zonës së Realit, ku madrilenët janë kthyer plotësisht mbrapa në administrim të avantazhit.
61’ Gvardiol përfundon në listën e të ndëshkuarve pas një faulli ndaj Bellingam.
61’ Foden tenton të gjuajë në hyrje të zonës, bllokohet përsëri nga Rudiger.
59’ Grilish ndëshkohet me karton të verdhë.
58’ Qarkullim i gjatë i topit nga skuadra angleze, e cila ka zhvendosur lojën plotësisht pranë zonës së madrilenëve.
53’ Foden gjuan lehtë brenda zonës, duke çuar topin në duart e Lunin.
51’ Naço rrezikon teksa mundohet të largojë topin duke e shtyrë drejt portë së vet, por pastaj largon topin para vijës fatale. (VIDEO)
47’ Menjëherë rrezikshëm vendasit, fillimisht me një harkim të rrezikshëm në zonë e më pas më një goditje këndi pas të cilës Grilish gjuajti por gjeti përgjigjen e Lunin. (VIDEO)
46’ Asnjë ndryshim te dy skuadrat, nis pjesa e dytë e ndeshjes.
45’+2’ Pjesa e parë mbyllet me avantazhin 1-0 të Real Madrid.
45’ Jepen 2 minuta shtesë.
45’ Pas një goditje këndi të harkuar nga De Bryjn, Lunin largon përsëri në këndore në mënyrë të rrezikshme. (VIDEO)
44’ Krosim i rrezikshëm i Foden nga e djathta, Karvahal largon topin me kokë.
38’ Karvahal ndëshkohet me karton të verdhë për një faull ndaj Grilish.
36’ Sulm i shpejtë i vendasve me Haland i cili nis Grilish drejt zonës. Gjuajtja e anglezit devijohet jashtë nga Rudiger. (VIDEO)
33’ De Bryjn provon me një gjuajtja të fortë nga e djathta, topi nuk gjen portën e Lunin. (VIDEO)
30’ Tjetër kundërsulm i shpejtë i Realit me dyshen Kamavinga-Valverde, mbrojtja bllokon përsëri tentativat madrilene.
29’’ Në goditjen nga këndi, topi shkon te Haland i cili gjuan lehtë me kokë.
27’ De Bryjn vë në provë Lunin me një gjuajtje nga e djathta, me portierin i cili grushton saktësisht. (VIDEO)
24’ Kundërsulm i shpejtë i madrilenëve me VInicius i cili shërben për Karvahal, por gjuajtja e këtij të fundit bllokohet nga Gvardiol teksa më pas është Valverde i cili fluturon topin mbi traversë. (VIDEO)
19’ Përsëri Haland me kokë dhe këtë herë është traversa që i mohon golin, ndërsa Bernardo Silva nuk shtyn sferën në rrjetë pak hapa larg portës. (VIDEO)
16’ Reagimi i Sitit vjen me Haland i cili gjuan me kokë pas një pasimi nga e majta të Bernardo Silva, por sfera kalon mbi traversë. (VIDEO)
13’ GOOOL REAL MADRID! Kundërsulm perfekt i madrilenëve me Rodrigon i cili mposht Ederson dhe u jep avantazhin miqve. (VIDEO)
6’ Fazë e gjatë studimi e të dy skuadrave të cilat nuk arrijnë të gjejnë hapësira për të sulmar portën.
1’ Nis dueli në “Etihad”.
FORMACIONET ZYRTARE:
MANÇESTER SITI: Ederson; Gvardiol, Diash, Akanzhi, Uoker; Rodri, De Bryjne; Foden, Silva, Grilish; Haland
Trajner: Pep Guardiola
REAL MADRID: Lunin; Mendi, Naço, Rydiger, Karvahal; Kros, Kamavinga, Valverde; Bellingam; Vinicius, Rodrigo
Trajner: Karlo Ançeloti
PANORAMASPORT.AL
NDIQE LIVE "PANORAMA TV" © Panorama.al
