Ngjarja e ditës së enjte, kur RENEA ekzekutoi 71-vjeçarin Lefter Zhidru shkaktoi panik në Elbasan.
Një fqinj u shpreh se forcat RENEA nuk kishin zgjidhje tjetër pasi rrezikoheshin të gjithë banorët.
Ai tha se e përjetuan shumë keq ngjarjen dhe se Zhidru nuk duhet ta bënte një veprim të tillë.
“Nuk kishte zgjidhje tjetër. Nuk ishte shtëpi private por pallat, rrezikoheshin banorë, rrezikoheshin të gjithë.
Ishte i rrezikshëm momenti që qëlloi në drejtim të qytetarëve, nuk duhet ta bënte një gjë të tillë. U tërhoqëm, rrezikonim jetën. Nuk e njihja personalisht. E përjetuar keq, nuk duhet të ndodhte.
Rendi dhe qetësia në Elbasan nuk është keq, por duhet punuar akoma sepse ka probleme,”- rrëfeu fqinji.
Ndërkohë Panorama.al ka siguruar pamjet e shtëpisë të bërë “shoshë” nga plumbat.
Në pamjet shihet dera është thuajse e shkatërruar. Një situatë e tillë është brenda shtëpisë, ku gjurmët e plumbave janë kudo.
