Një grua në Brazil u arrestua më 16 prill pasi dyshohet se çoi një burrë të vdekur në një bankë për të nënshkruar marrjen e një kredie 17,000 reale (mbi 3000 euro).
Erika de Souza Vieira Nunes u arrestua pasi dërgoi trupin e pajetë të 68-vjeçarit, Paulo Roberto Braga në një degë banke në Bangu, një lagje në Rio de Janeiro, raportojnë mediat braziliane.
Nunes u përpoq të kryente transaksionin, por një punonjëse e bankës kupot se diçka nuk shkonte.
“Xhaxha, po dëgjon? Duhet ta firmosni. Nuk mund të firmos për ty”, thotë ajo ndërsa vendos një stilolaps mes gishtave të tij, raportoi O Globo.
Më pas ajo dëgjohet duke i thënë të vdekurit “nënshkruani këtu dhe mos më bëni me dhimbje koke”.
Një punonjës banke dëgjohet duke i thënë gruas se “nuk mendoj se kjo është e ligjshme. Ai nuk duket mirë. Ai është shumë i zbehtë”.
Skena e çuditshme ngriti alarmin tek punonjësit e bankës, të cilët menjëherë thirrën një ambulancë dhe policinë.
Gruaja, e cila pretendonte se ishte mbesa dhe kujdestare e Bragas, u arrestua në bankë.
Autoritetet thanë se po kontrollojnë kamerat brenda dhe jashtë bankës për të përcaktuar nëse gruaja ka vepruar vetëm apo me bashkëpunëtorë të tjerë.
NDIQE LIVE "PANORAMA TV" © Panorama.al