Një moment i paprecedentë ka ndodhur puntatën e sotme në “Për’puthen” mes Anës dhe Fationit, në një kohë kur menduam se do të ishin çifti i parë i këtij edicioni.
Takimi i Melisës me Fationin, ku më së shumti kishte prekje, ledhatime dhe ngacmime sesa pyetje mes të dyve, duket se nuk u prit mirë nga Ana e parë.
Për Anën ky takim ishte vetëm ‘hakmarrje’ e Fationit ndaj saj, pas shumë kritikave që ky i fundit i ka bërë që të mos përkëdhelej me çunat e tjerë.
Madje Ana shkoi deri aty sa tha që Fationi nuk është treguar vetvetja në takim dhe e sheh Melisën si objekt seksi.
Gjatë debatit, Ana është prekur dhe është çuar për të ikur, kur në një moment ndaloi në karrigen e Fatjonit dhe i dha një shuplakë në faqe.
Ajo u largua nga emisioni, por edhe nga ambientet e Top Channel dhe nuk dihet se çdo të ndodhë të hënën. Do të vijë Ana apo jo, kjo mbetet për t’u parë.
