Analisti Fatos Lubonja, për akuzat e kreut të Grupit të PD-së ndaj vëllait të kryeministrit, Olsi Ramës, është shprehur se hetimi ka qenë e mangët.
Ai tha në një lidhje live për emisionin ‘Open’ në News24, se duhet hetuar dhe gradimi i prokurorëve të kësaj dosjeje, për të cilët tha se nuk mund të merrnin grada më të larta ndërkohë që kanë bër hetime me mangësi.
Ndër të tjera, Lubonja tha se çështja e Xibrakës është hapur vetëm njëherë nga gjermanet, por shtoi se u dekonspirua sepse ishte një njeri i rëndësishëm që duhej hequr nga lista ose për mos ta hetuar.
“Nuk kam asnjë dyshim që ky është shtet i trafikantëve dhe i drogës dhe lidhjet e politikës me to janë të dukshme. Mjafton të shikosh lejet e ndërtimit. Ka një problem në gjithë këtë. Personi i pa identifikuar cili është? Nëse është kaq e thjeshtë siç thotë Rama që kam pasur miqësi me këto. S’ka problem. Mund të thuhet se aty është filani por ky është jashtë loje. Këtu ka një problem me policinë dhe prokurorinë që është hequr emri i personit të pa identifikuar. Është absurde që t’i identifikosh moshën ekzaktësisht dhe nuk i dinë identitetin.
Kjo është një provë e qartë dhe meqë nuk kundërshtohet dot, Rama thotë kam qenë me të por nuk kam lidhje. Kjo duhet të ishte thënë. E ngatërron punën fakti që operacioni ishte dekonspiruar. Ndërkohë që ishin gjermanët ata që kishin njoftuar dhe ta merr mendja që ndaj një njoftimi gjerman duhet të ishin të kujdesshëm dhe prapë është dekonspiruar dhe ta merr mendja që ky dekonspirim është bërë sepse këtu ka një njeri të rëndësishëm për ta hequr nga lista apo për të mos e hetuar. Të gjitha këto të çojnë te një hetim i mangët që nuk është as i fundit dhe as i pari.
Ashtu si ky gradimi i prokurorëve duhet hetuar. Për më tepër, si gradohen disa prokurorë që kanë bërë një hetim kaq të mangët. Njëri bëhet kryeprokuror dhe tjetri është i SPAK-ut dhe deshën ta bënin kryeskapist dhe të gjitha këto të çojnë te disa mendime që këtu kemi të bëjmë me një prokurori që është në shërbim. Çështja është hapur vetëm për shkak të gjermanëve. Mendoj se kjo nuk është e veçantë. Ky është rregulli në Shqipëri. Nëse SPAK do të hetonte grupet kriminale i ka nëpër ato kullat”, tha Lubonja.
NDIQE LIVE "PANORAMA TV" © Panorama.al
