Një 42-vjeçar nga fshati Nivicë i Tepelenës ka rënë në pranga pasi ka mashtruar policinë duke denoncuar se i kishin vjedhur një shumë parash në banesë, por rezultoi se kishte bërë kallëzim të rremë.
Burimet thanë se i arrestuari është shtetasi Altin Skëndi, të cilit policia gjatë kontrollit në banesën e tij i gjetën edhe një sasi e vogël lënde narkotike cannabis sativa dhe 219 fishekë.
“Ky shtetas u arrestua pasi ka njoftuar shërbimet e Policisë, duke pretenduar se i kishin vjedhur një shumë parash në banesë, por nga veprimet hetimore rezultoi se ai kishte bërë deklarim të rremë para punonjësve të Policisë.
Gjatë kontrollit të ushtruar në banesën e tij u gjetën dhe u sekuestruan në cilësinë e provës materiale një sasi e vogël lënde narkotike cannabis sativa dhe 219 fishekë model 56”, tha Policia.
Ai do të gjykohet për veprat penale “Kallëzim i rremë”, “Prodhimi dhe shitja e narkotikëve” dhe “Prodhimi dhe mbajtja pa leje e armëve luftarake dhe e municionit”.
NDIQE LIVE "PANORAMA TV" © Panorama.al
