Ish-deputeti i LSI-së, Petrit Vasili, shkruan se qeveria i ka hequr 1.7 milion dollarë Ministrisë së Mbrojtjes për t’ia transferuar Ministrisë së Brendshme.
Ai deklaron se Ministria e Mbrojtjes gënjeu NATO-n se nuk kishte fonde të mjaftueshme dhe në të njëjtën kohë qeveria i heq shumën në fjalë.
Sipas tij, një pjesë e parave do të shkojnë për të shpërblyer policët që kanë siguruar rendin gjatë protestave të opozitës, sipas tij, për “meritën” e turpshme për të hedhur gaz helmues ndaj qytetarëve.
Reagimi i plotë i Vasilit:
(Dokumenti foto)
Ministrisë së Mbrojtjes i hiqen nga buxheti 1.7 milion dollarë me firmën e Edi Ramës për t’ja dhënë Ministrisë së Brendshme.
Një milion e shtatëqind mijë dollarë shpërblim për policinë sepse pati “meritën” e turpshme qe te hidhte gaz helmues, të rrihte dhunshëm dhe arrestonte qytetaret e pafajshëm dhe mbrojti me zjarr egërsisht te korruptuarit e qeverise.
Ministria e Mbrojtjes për të gënjyer NATO-n dhe nga qe gjoja nuk i dilnin paratë për buxhetin, futi ne buxhetin e mbrojtjes edhe spitalin e traumës, helikopterët e shëndetësisë dhe emergjencat civile, ndërsa sot lejon ti marrin plot 1.7 milion dollarë sevap për policinë.
Paratë e Fondit rezerve te qeverise, te buxhetit te koncesioneve dhe të tenderave ku vjedh qeveria nuk preken kurrsesi, kurse Ministrisë së Mbrojtjes si institucion kyç i Sigurisë Kombëtare i zhvaten paratë. Një skandal i tillë duhet hetuar deri ne fund.
Shteti i rënë paguan mercenarizmin policor për tu mbajtur në këmbë edhe ca dite me shume.
Shiheni vete Vendimin e turpshëm të qeverisë dhe kuptoni këtë banditizëm qeveritar të padëgjuar.
NDIQE LIVE "PANORAMA TV" © Panorama.al
