Detaje të reja dalin në dritë nga ngjarja e rëndë që ndodhi mbrëmjen e sotme në Rrëshen, ku viktimë mbetën vëlla e motër, përkatësisht 34 dhe 36 vjeç.
Autori i ngjarjes, Fatmir Kolecaj nga fshati Zejmen i Lezhës, ka shkuar në banesën e ish-bashkëshortes i armatosur, duke qëlluar për vdekje Vladison Filopatin dhe menjëherë pas kësaj ka dalë nga banesa, motra e tij, Esmeralda Filopati, duke e qëlluar për vdekje edhe këtë të fundit, transmeton News24.
Ai ka shkuar për të marrë fëmijët. Çifti që kishin tre fëmijë nga martesa e tyre e vështirë ishin divorcuar prej tri vitesh, ndërsa Kolecaj kishte kryer burg për dhunë në familje.
Gjykata kishte vendosur që fëmijët t’i takonin gruas dhe prej asaj kohe, burri nuk e kishte pranuar një fakt të tillë, derisa ka kulmuar sonte me vrasjen e ish-gruas.
Pas daljes nga burgu, 47 vjeçari nuk kishte pasur asnjë kontakt me familjen.
Menjëherë pas krimit të rëndë, autori është larguar nga vendi i ngjarjes duke marrë edhe armën automatike me vete. Policia ka ngritur postblloqe të shumta për arrestimin e tij.
NDIQE LIVE "PANORAMA TV" © Panorama.al