Dy persona, vëlla e motër, kanë humbur jetën mbrëmjen e sotme, në një ngjarje të rëndë në Rrëshen, pas raportimit për të shtëna me armë zjarri.
Ngjarja e rëndë ka ndodhur në Kodër Rrëshen, ndërsa viktimat, janë Vledison dhe Esmeralda Filopati, të cilët janë dërguar në morgun e spitalit të Rrëshenit.
Paraprakisht dyshohet se autori i krimit ështe ish-bashkëshorti i Esmeraldës, i cili ka qëlluar me armë mbi ta në oborrin e banesës duke u shkaktuar vdekjen.
Gruaja 36 vjeçare ishte nënë e tre fëmijëve, ndërsa ishte divorcuar nga bashkëshorti Fatmir Kolecaj, nga fshati Zejmen i Lezhës.
Ai ishte denoncuar edhe më herët për dhunë, duke u ndaluar nga policia. Viktima dhe autori ishin divorcuar para tre vitesh.
NDIQE LIVE "PANORAMA TV" © Panorama.al