Këngëtarja Rezarta Shkurta dhe bashkëshorti i saj, Ermal Hoxha, kurorëzuan me martesë dashurinë e tyre në muajin qershor të këtij viti. Pas 17 vitesh, ata i thanë “PO!” përgjithmonë njëri-tjetrit në një jaht luksoz në një nga bregdetet shqiptare, me një dekor të mrekullueshëm.
Nipi i ish-diktatorit, Enver Hoxha dhe biznesmenja janë prindër të një vajze, të cilën e kanë pagëzuar me emrin Hera. Tashmë që e vogla e tyre është shtatë vjeç, ndjekësit në rrjete sociale janë kuriozë të dinë nëse çifti ka në plan ta zgjerojë familjen.
Gjatë një bisede virtuale me ndjekësit mbrëmjen e djeshme, Rezarta iu përgjigj disa pyetjeve dhe komenteve për jetën personale.
“Një bebe për Herën duhet tani”,– i shkroi një ndjekëse, së cilës këngëtarja iu përgjigj: “Duhet, dakord jam!”.
Ndërkohë, një tjetër i shkroi: “A je xheloze për bashkëshortin tënd? A do i bëje një motër ose vëlla Herës?”.
Rezarta iu përgjigj: “Fare, se e di që vdes për mua!”.
Çifti ngriti dyshimet e para se po bëheshin prindër për herë të dytë gjatë kohës që ishin me pushime verore në Greqi. Rezarta publikoi një foto e veshur me një body të bardhë dhe me një pelerinë tyli po ashtu të bardhë, ndërsa Ermali shfaqej i veshur me një këmishë të bardhë dhe me një palë pantallona bezhë të shkurtra.
Hoxha qëndronte pas partneres, së cilës ia kishte vënë duart tek barku, që dukej pak më i fryrë se zakonisht.
“Dielli me Rrezen e tij!”, shkroi artistja krahas imazhit, duke nxitur komentet se çifti do të bëheshin prindër për herë të dytë.
Rezarta Shkurta dhe Ermal Hoxha duket se i kanë rezistuar çdo lloj vështirësie në marrëdhënien e tyre dhe janë më të lumtur se kurrë në krah të njëri-tjetrit.
Ish-nipi i diktatori, pas daljes nga burgu i propozoi për martesë biznesmenes në Dubai, në janar të vitit 2019. Çifti kishin planifikuar të martoheshin në vitin 2020, por për shkak të pandemisë, planet ndryshuan dhe duket se pritjes i erdhi fundi pas 17 vitesh histori dashurie. Ata janë edhe prindër të një vajze, e cila quhet Hera.
