Ka marrë fund “telenovela” për të ardhmen e trajnerit Mlladen Milinkovic. Serbi ka rinovuar edhe për një vit me Luftëtarin, duke iu mbyllur “derën” klubeve që ishin të interesuar për të.
Nga kjo marrëveshje e re, trajneri do të përfitojë një pagë prej 4 mijë eurosh në muaj. Klubi i ka vendosur edhe një klauzolë teknikut serb, duke e detyruar të paguaj një dëmshpërblim prej 100 mijë eurosh në rast se ai dëshiron të largohet drejt një destinacioni të ri.
Lajmi është konfirmuar zyrtarisht nga zëdhënsi për shtyp Rigels Malile, nëpërmjet një daljeje publike përpara gazetarëve.
Për sa i përket të larguarve, Zguro, Bojom, Mutumane dhe Liçaj kanë ndërprerë zyrtarisht marrëdhëniet me klubi bluzi. Në ditët e ardhshme pritet të ketë të tjera zhvillime rreth merkatos, si në hyrje ashtu edhe në dalje.
NDIQE LIVE "PANORAMA TV" © Panorama.al
