Një vajzë 15 vjeçare duket e penduar pas krimit të rëndë ndaj nënës së saj. Ajo bashkë me të dashurin 17 vjeçar dhe një shok 16 vjeçar, vrau në mënyrë brutale të ëmën.
Mediat greke shkruajnë se arsyet se pse çuan vajzën në aktin e rëndë duke organizuar vrasjen, ishte abuzimi dhe dhuna ndaj saj.
“Më vjen keq vetëm për atë që bëra. Por pastaj mendova se ishte zgjidhja. Ajo abuzoi me mua, ne vazhdimisht kishim grindje të dhunshme. Nuk më dha para. Ajo reagonte keq ndaj marrëdhënies sime”.
Në faljen e saj në gjykatë, vajza pretendoi se ishte në dhomën tjetër kur nëna e saj u godit 70 herë me thikë , ndërsa ajo dhe partneri i saj 17-vjeçar pretenduan se gruaja 50-vjeçare u vra nga adoleshenti tjetër.
“Po dridhesha kur e dëgjova atë duke bërtitur nga dhoma tjetër. Por unë nuk reagova, nuk bëra asgjë. Doja që të mbaronte. Nuk mund ta dëgjoja. 16-vjeçari e vrau atë. Ne nuk mund ta bënim. Nga momenti që i thamë, ai vazhdonte të pyeste kur do të ndodhte. Këmbënguli që ta bëjmë. Kemi shkëmbyer edhe mesazhe por unë i kam fshirë ”.
16-vjeçari nga ana e tij nuk e pranon akuzën. Ai pretendoi se nuk mori pjesë në vrasje, por ishte në vendin e ngjarjes dhe e konsideroi gabim faktin që nuk e raportoi krimin. Por ai u dorëzua sapo e kuptoi se çfarë kishte ndodhur.
Avokati mbrojtës i 15-vjeçarit kërkoi të shqyrtohej nga një psikiatër. Sidoqoftë, zyrtarët e gjykatës vendosën që të tre duhet të rikthehen në paraburgim në pritje të gjykimit.
Vajza kishte humbur një vit më parë edhe babain. Vajza e mitur braktisi shkollën dhe filloi të rrinte me njerëz që nëna e saj nuk i dëshironte, siç ishte partneri i saj rumun 17-vjeçar me probleme të mëhershme me ligjin.
50-vjeçarja u gjet e vrarë brutalisht, brenda shtëpisë së saj në Agia Varvara të shtunën e një jave më parë.
Sipas informacionit nga policia greke, 50-vjeçarja u lidh nga duart dhe këmbët dhe më pas u torturua.
50-vjeçarja u gjet e vdekur në dhomën e saj të gjumit, ndërsa policia nuk gjeti ndonjë shenjë të hyrjes me forcë në shtëpi pavarësisht nga fakti se të gjitha dhomat ishin rrëmujë.
NDIQE LIVE "PANORAMA TV" © Panorama.al
