Babai i tre fëmijëve në Shkallë të Sarandës nuk u vra nga ai që grabiti lokalin e bashkëfshatarit, të cilin viktima u fut ta ndihmonte.
Tashmë policia ka provuar se viktima 44-vjeçari Pajtim Shehu u qëllua me armë zjarri në kokë nga Ajet Zeneli, i cili gjithashtu kishte ardhur në ndihmë të pronarit të lokalit, kur ky i fundit dha alarmin se po grabitej.
Pas hetimeve, policia mbërriti në përfundimin se Zeneli, e ka qëlluar atë, pasi e ka kujtuar si grabitësin, ndërkohë që vrasja cilësohet si “vrasje nga pakujdesia”.
Pas kryerjes së veprimeve paraprake hetimore, dyshohet që ngjarja e rëndë (ekzekutimi i 44-vjeçarit) të ketë ndodhur aksidentalisht.
Mes të të shoqëruarve ishte edhe Zeneli, nga fshati Shkallë, që u dyshua të ishte autor i vrasjes, pasi iu gjeten gjurmë baruti në duar.
Policia sqaron se Zeneli është fqinj i viktimës. Ndërkohë që grabitësi i 100 mijë lekëve në lokalin e Arqile Poçit, që doli se nuk është vrasësi i Pajtim Shehut, mbetet ende person në kërkim.
NDIQE LIVE "PANORAMA TV" © Panorama.al