Juventusi arriti që të dilte triumfues në derbin ndaj Torinos, me shifrat minimale 0-1, në takimin e vlefshëm për javën e 11-të në Seria A.
Takimi u dominua nga ekipi i Sarrit, por edhe vendasit patën raste për të pretenduar. I tillë ishte ai i minutës së 11-të, ku De Ligt preku topin me dorë brenda zone, por kryesori edhe VAR-i nuk akorduan penallti.
Pas disa tentativave të Ronaldos e Dibalës, duhej futja në fushë Gonzalo Higuainit, që prej tij të niste edhe zhbllokimi i rezultatit. Ai lëshoi një predhë në minutën e 70-të drejt portës së Sirigut, e ku topi shkoi në goditje këndi, nga andej ku do vinte edhe goli i vetëm i sfidës.
Në harkimin në zonë, Higuain e ktheu saktë për De Ligt, dhe holandezi nuk e pati të vështirë të tundë rrjetën, duke shënuar golin e parë këtë sezon. Deri në fund, Juventusi administroi këtë rezultat, dhe fitoi derbin, duke dalë në vendin e parë me 29 pikë, 1 më shumë se Interi. Ndërkohë, mbetet në vendin e 13-të, me vetëm 11 pikë Torino.
FT | Torino-Juventus 0-1
GOL: / De Ligt 70′
FORMACIONET
JUVENTUS (4-3-1-2): Shezni; Kuadrado, Bonuçi, De Ligt, De Shiljo; Bentakur, Pjaniç, Matuidi; Bernardeski; Kristiano Ronaldo, Dibala. Trajner: Sarri.
TORINO (3-5-2): Sirigu; Ico, Bremer, Lianko; Aina, Baseli, Rinkon, Meitè, Ansaldi; Verdi, Beloti. Trajner: Maxarri.
PANORAMASPORT.AL
NDIQE LIVE "PANORAMA TV" © Panorama.al
