Këngëtarja e njohur Vesa Luma dhe djali i saj, Lian janë infektuar me koronavirus. Është vetë artistja e cila e ka bërë të ditur këtë përmes një postimi në rrjete sociale.
Vesa Luma, sëbashku me të birin prej disa ditësh janë rikthyer në Zelandën e Re. Këngëtarja ka treguar në rrjete sociale se fillimisht ajo rezultoi negative në momentin kur zbriti në Zelandë.
3 ditë pasi mbërriti, ajo sëbashku me djalin e saj rezultuan pozitivë, ndaj janë detyruar të karantinohen. Gjithashtu ajo ka dhënë detaje edhe rreth gjendjes së tyre ku theksoi se “po ia dalin mirë”.
“Dita e 6 e mbërritjes në Zelandën e Re. Dolëm negativë kur mbërritëm, por 3 ditë më vonë dolëm të dy pozitivë me Covid. Ndaj qëndrimi ynë në izolim u shty me 14 ditë plus. Edhe 10 ditë derisa të lirohemi. Po ja dalim mirë. Kështu mendoj”, shkroi këngëtarja në postim.
Kujtojmë që këngëtarja edhe para disa kohesh kur arriti në Kosovë, zbuloi se ishte infektuar me Covid-19. Gjatë një interviste të bërë asokohe, artistja shprehu se vaksinimi po e ndihmonte ta kalonte me lehtësi virusin.
