Një ngarkesë në punë, pagjumësia apo edhe aktiviteti fizik mund të bëhen shkak për lodhje. “Ushqimi është karburanti ynë”, theksojnë specialistët e shëndetit. Nëse zgjedhim produktet e duhura dhe i alternojmë në mënyrën e duhur, atëherë kemi bërë një hap cilësor në përmirësimin e shëndetit tonë, njëherazi kemi ndikuar në zbutjen e lodhjes. Më poshtë është një listë produktesh, të cilat janë të pasura me vitaminat e nevojshme, duke na bërë që të ndihemi me energji edhe pas një ditë të lodhshme.
Avokado
Përveç acidit pantotenik, avokadot janë të pasura me yndyra dhe fibra të shëndetshme. Përbërja e tyre ndihmon në rritjen e absorbimit të lëndëve ushqyese në ushqimet që ju hani dhe fibrat e tyre ngadalësojnë ngritjen dhe rënien e sheqerit në gjak pas një vakti, duke promovuar kështu nivele më të qëndrueshme të energjisë.
Perimet jeshile
Ndërsa janë të pakta në kalori, perimet jeshile janë të pasura me kalcium, fibër, acid folik, magnez, vitamina A, C, E dhe K. “Hekuri dhe vitamina C ndihmon në parandalimin e anemisë, është një shkak kryesor i lodhjes, veçanërisht te gratë” , thonë mjekët.
Patatet e ëmbla
Patatet e ëmbla janë një burim i madh i karbohidrateve komplekse të pasura me energji. Përmbajtja e lartë e fibrave ngadalëson shkallën e tretjes, në mënyrë që energjia e tyre të lirohet në një mënyrë të ngadaltë dhe të qëndrueshme.
NDIQE LIVE "PANORAMA TV" © Panorama.al
