Oyvind Frederikson, nje mesues ne nje shkolle fillore, nderroi jete ne moshen 57 vjeçare ne spital më 5 maj, në Tromsë, Norvegji. Ai ishte prekur nga një infeksion i mushkërive.
Familja kishte kerkuar qe varrimi i tij te behej ne Mandal afër Kristiansand në jug të vendit, dhe ishte zgjedhur kompania ajrore SAS qe do të bënte transportin e trupit.
Por mesa duket, në aeroportin e Oslos ndodhi nje e papritur. Arkivoli i tij u ngatërrua me një tjetër, duke marrë trupin e një personi tjeter që kishte vdekur gjithashtu në Norvegji dhe do te dërgohej në Gdansk, Poloni.
Sic raporton “The Sun”, familja e Frederikson u detyrua të shtyjë funeralin e tij dhe t’u bëjë thirrje autoriteteve polake t’i kthejnë trupin e te afermit te tyre.
Djali Tomas, 35 vjeç, tha: “Ne jemi zemër thyer, nuk mund ta kuptojmë se si ka ndodhur kjo, është trajtim i padenjë.
“Nuk mendoj se dikush e ka përjetuar këtë më parë. Na është thënë se ka një shërbim funerali (në Poloni) me shumë miq.”
Tomas, i cili i tha lamtumirës babait të tij në spital me motrën e tij Therese, tha: “Para se të vdiste, ai tha se donte të varrosej në Mandal”.
Kompania ajrore kërkoi falje pas ngatërresës.
NDIQE LIVE "PANORAMA TV" © Panorama.al
