Njëri prej pjesëtarëve të familjes Avdyli nga Shijaku, ishte punonjës në Autoritetin Portual të Durrësit. Altin Avdyli, ose siç njihej ndryshe me pseudonimin “Niçja” nga Shijaku, ishte shofer në sektorin e Mbrojtjes së Shëndetit, Drejtorisë së Mjedisit, Sigurimit Teknik dhe Emergjencave në Portin e Durrësit.
Sipas një dokumenti të publikuar nga Sali Berisha, ai është shkarkuar më 22 Tetor, një ditë pasi u arrestua në kuadër të operacionit “Vol-Vo4”.
Altin Avdyli ose “Niçja” ishte në mesin e të arrestuarve gjatë superaksionit të policisë në të gjithë vendin në fundjavë, ku u goditën 4 grupe kriminale.
Në shkresën e Portit të Durrësit thuhet se Altin Avdyli u shkarkua nga detyra një ditë pas arrestimit, pra ditën kur Policia e Shtetit njoftoi zyrtarisht për operacionin e kryer dhe bëri publike emrat e të arrestuarve.
“Altin Avdyli, me pseudonimin“Niçja”, nga Shijaku”, thuhej në njoftimin e Policisë ditën e arrestimit.
NDIQE LIVE "PANORAMA TV" © Panorama.al
