Vetëm disa orë pas shkarkimit të tij nga Presidenti Trump, sekretari i shtetit Rex Tillerson erdhi në dhomën e informimit të Departamentit të Shtetit për të treguar rreth largimit të tij nga ky post.
Ai tha se kishte marrë një telefonatë pak pas mesditës nga presidenti në bordin e Forcave Ajrore One edhe me shefin e shtabit të Shtëpisë së Bardhë, John Kelly.
Tillerson mësoi për shkarkimin e tij kur Trump publikoi në Tëitter këtë mëngjes drejtorin e CIA-s Mike Pompeo si sekretar i tij i ri i shtetit.
Tillerson tha se ishte më e rëndësishme për të siguruar një “tranzicion të qetë dhe të rregullt” për Pompeon, shkruan ABC.
Ai tha se po delegonte të gjitha përgjegjësitë e tij tek Zëvendës Sekretari i Shtetit John Sullivan në fund të ditës së martë dhe se funksioni i tij si sekretar i shtetit do të përfundojë në mesnatën e 31 marsit.
Tillerson vuri në dukje përparimin në Korenë e Veriut dhe Sirinë si disa nga arritjet e tij dhe falënderoi kolegët e Departamentit të Shtetit për “privilegjin” për të punuar me ta.
“Tani do të kthehem në jetën private, si një qytetar privat, si një amerikan krenar, krenar për mundësinë që unë kam dashur t’i shërbej vendit tim”, tha Tillerson.
NDIQE LIVE "PANORAMA TV" © Panorama.al
