Kryetari i Partise Republikane, Fatmir Mediu, ka theksuar, gjate mbledhjes se degës së Partisë Republikane për Tiranën, se Kodi Zgjedhor duhet të mbarojë sa më parë.
Sipas Mediut, propozimi i opozitës për t’ju drejtuar OSBE/ODIHR është në shërbim të zgjedhjeve të lira dhe të ndershme, e bazohet në marrëveshjen për Këshillin Politik në janar.
“Partia Republikane kërkon të hapen listat dhe propozimi i fundit i Edi Ramës tregon qartë se ai është për lista të mbyllura dhe ka për qëllim të ndalojë koalicionin e qytetarëve me opozitën kundër regjimit korruptiv që ka ndërtuar”- ka theksuar ai.
Nderkohe, kryetari i PR per Tiranën, Blendi Sulaj, theksoi se dega e Tiranës është e përgatitur për zgjedhjet dhe nëse Partia Republikane gjithnjë ka fituar 1 deputet në Tiranë, me punën dhe organizimin e PR, do marrë më shumë se 1 deputet.
NDIQE LIVE "PANORAMA TV" © Panorama.al
