Një sulm me armë ndodhi mëngjesin e kësaj të hëne në Universitetin Shtetëror të Perm-it, në Rusi.
Personi i armatosur që shihni në videon e mëposhtme hyri në ndërtesën e universitetit dhe hapi zjarr ndaj studentëve të pranishëm.
Agjencia e lajmeve AFP bën me dije se numri i personave që kanë ndërrruar jetë ka shkuar në 8, ndërkohë që numri i personave të plagosur që po marrin ndihmë e nevojsme mjekësore ka shkuar në 24.
Prej personave të lënduar, 19 prej tyre po kurohen nga plagët e shkaktuara me armë zjarri.
Disa studentë u mbyllën në auditorët e universiteteve për t’u fshehur nga sulmuesi. Ndërkohë që disa të tjerë u hodhën nga dritaret e katit të dytë për t’i shpëtuar plumbave. Komiteti Hetues i Rusisë bën me dije se agresori i kësaj ngjarjeje të rëndë u plagos gjatë ndalimit. Agjencia ruse e lajmeve Interfax, duke cituar Ministrinë e Shëndetësisë deklaroi se disa nga të plagosurit kishin pësuar lëndime duke u hedhur nga dritaret për t’i shpëtuar sulmit.
NDIQE LIVE "PANORAMA TV" © Panorama.al