Kryeministri i Kosovës, Avdullah Hoti ka mbajtur sot një konferencë për media ku ndër të tjerash deklaroi se dje dhe sot pati diskutime të vazhdueshme lidhur me situatën e pandemisë COVID-19.
“Në bazë të shifrave nga IKSHPK, gjendja po rëndohet jemi gati në limitet e kapaciteteve shëndetësore, po bëjmë të pamundurën përmes shërbimit spitalor, e spitaleve regjionale e private me FSK- e të tjerat që të krijojmë kapacitete shtesë shëndetësore. Në emër të Qenërisë shpreh keqardhje për familjet që kanë humb të afërmit e tyre nga kjo pandemi dhe të prekurve shërbim të shpejtë. Në javë te fundit morëm një numër të madh të masave që ishin për të shtuar kapacitete tona për t’u përgatitur për të ardhmen, për valën e dytë dhe për vjeshtë për këtë pandemi. Duke e vënë komplet shërbimin spitalor për këtë pandemi, duke riorganizu stafin shëndetësorë në funksion të menaxhimit të situatës, procedurat për teste shtesë edhe terapi për COVID-19 edhe ineksionet potenciale, por edhe ineksionet për gripin sezonal. Gjithashtu kemi marrë masa shtesë të kufizimet të aktiviteteve ekonomik, nga disa veprimtari ku mendojmë më së shumti është përhapur virusi”, tha Hoti.
Tutje ai shtoi se në dy-tri ditë të fundit janë shqyrtuar masat e reja, dy skenarë nga ekspertët shëndetësorë duke shqyrtuar edhe përvojat e vendeve tjera, shkruajnë mediat vendase.
“Skenari i parë: Zbatim shumë rigoroz të masave eksizutese dhe të masave të reja dhe skenari i dytë shpallja e Gjendjes së Jashtëzakonshme. Kam zhvilluar konsultime me të gjitha nivelet, jemi duke ndërtuar një startegji mediale që të mëremi me këtë situatë të re. Sapo e kryem edhe mbledhjen e Këshillit të Sigurisë së Kosovës ku ka pajtueshmëri të përgjithshme që të shkojmë përpara me skenarin e parë, me ndërmarrjen e masave shtesë dhe me rigorozitet të plotë të atyre masave që të përcillet situata në ditët e ardhshme duke mos përjashtuar fillimin e ndjekjes për shpalljen e gjendjes së jashtëzakonshme. Menjëherë sot do të votojmë në mbledhjen e qeverisë një listë të madhe të masave”, tha Hoti.
NDIQE LIVE "PANORAMA TV" © Panorama.al
