Në një reagim lidhur me situatën e zjarreve në vendin tonë, deputetja e zgjedhur e PD-së Grida Duma thotë se Shqipëria ka mbetur vetëm me një helikopter për shuarjen e flakëve, dhe një tjetër që përdoret për shëtitjet e Ramës.
Në deklaratën e saj Dua thekson se korrupsioni i ka shrumbuar financat e shtetit, ka lënë qytetarët dhe pasuritë natyrore pa mbrojtje, ndërsa punonjësit e emergjencave civile dhe ushtrisë detyrohen të përballen me zjarrin me mjete rrethanore.
“Keqmenaxhimi, paaftësia, shpërdorimi i detyrës, korrupsioni janë elementët që fatkeqësitë natyrore kanë nxjerrë përherë në pah, duke rrëzuar propagandën hileqare të regjimit. Sot, Shqipëria ka mbetur vetëm me një helikopter për shuarjen e zjarreve dhe një tjetër që përdoret për shëtitjet e Edi Ramës.
Korrupsioni që ka shkrumbuar financat e shtetit i ka lënë qytetarët dhe pasuritë natyrore pa mbrojtje, ndërsa punonjësit e emergjencave civile dhe forcat e ushtrisë detyrohen të përballen me zjarrin me mjete rrethanore. Mashtrimet e përsëritura ndër vite dhe propaganda e paguar me taksat e qytetarëve nuk fshehin dot as dështimet, as dëmet që modeli korruptiv i ndërtuar nga Edi Rama po i shkakton vendit. Nëse ky model nuk ndëshkohet, Shqipëria do të lëngojë nga kriza në krizë për shkak të një pakice që punon vetëm për veten, jo për shqiptarët”- shkruan Duma .
NDIQE LIVE "PANORAMA TV" © Panorama.al
