Qeveria ka vendosur që të shtyjë me 3 muaj vlefshmërinë e kolaudimit të automjeteve.
Akti normativ është firmosur nga kryeministri Edi Rama dhe ministrja e Infrastrukturës dhe Energjisë, Belinda Balluku.
Mësohet se shtyrja e kolaudimit është bërë për shkak se gjatë 2020, pati bllokime qarkullimi për shkak të pandemisë. Po ashtu shtyrja është bërë me qëllim që t’i jepet kohë shërbimit të ri të kolaudimit të përgatitet për rifillimin, duke i dhënë kohë edhe daljes së ndryshimeve në Kodin Rrugor që është miratuar si draft në qeveri dhe pret kalimin në parlament gjatë janarit.
Pak kohë më parë kryeministri Edi Rama njoftoi se shërbimi i ri i kolaudimit do t’i kalojë shtetit.
Nga shtyrja e vlefshmërisë së certifikatave përfitojnë të gjitha llojet e mjeteve.
