Gjermania është tronditur nga një shpërthim këtë të martë. BBC-ja raporton se një makinë e mbushur me eksploziv ka shpërthyer në Berlin.
Sipas policisë gjermane, një person ka vdekur dhe ky është shoferi i makinës.
“Një Passat Volkswagen ka shpërthyer në Bismarckstraße ndërsa ishte në lëvizje”, tha policia e Berlinit të martën. Shoferi vdiq nga plagët e rënda para se të mbërrinte ambulanca.
“Hetuesit tanë besojnë se ishte një mjet shpërthyes që ka shkaktuar ngjarjen. Zona është vendosur në perimetër sigurie dhe hetimet po vijojnë.
“Berliner Zeitung” madje raportoi se mund të kishte edhe një shpërthim të dytë.
Specialistët e eksplozivëve pasi shqyrtuan makinën konfirmuan se nuk paraqet ndonjë kërcënim tjetër. Banorët u lejuan të hapin dritaret dhe të dalin në ballkone, pasi u kryen hetimet në vendngjarje.
