Kreu i grupit mercenar rus Wagner i ka dërguar një letër Shtëpisë së Bardhë, ku i kërkon që të përmendin krimet që ky grup ka kryer.
Sipas mediave të huaja, Yevgeny Prigozhin, financier i grupit famëkeq Wagner, përmes letrës së dërguar, kërkon të dijë se për çfarë akuzohet kompania e tij.
Kujtojmë se SHBA ka njoftuar sanksione të reja ndaj grupit, i cili po lufton në disa nga pikat më të ashpra në Ukrainë.
Ditën e djeshme, Grupi Wagner është caktuar një organizatë e rëndësishme kriminale transnacionale nga SHBA.
Prigozhin ndau letrën, e cila ishte shkruar në anglisht dhe drejtuar zëdhënësit të Sigurisë Kombëtare të Shtëpisë së Bardhë, John Kirby, në kanalin e tij Telegram.
“I nderuar zoti Kirby, a mund të sqaroni ju lutem se çfarë krimi është kryer nga PMC Wagner?” shkroi ai.
Kirby e kishte quajtur Wagner-in një “një organizatë kriminale që po kryen mizori të përhapura dhe shkelje të të drejtave të njeriut”.
Wagner është një grup ushtarak privat i njohur për pamëshirshmërinë e tij dhe për rekrutimin e të dënuarve nga burgjet ruse.
NDIQE LIVE "PANORAMA TV" © Panorama.al
