Deputeti demokrat Ervin Salianji ka ironizuar sot me deklaratat e ish-ministrit të Brendshëm Saimir Tahiri, i cili i dorëzoi Kuvendit projektligj me propozimet për ndryshimin e Kodit Penal në lidhje me dënimet e trafikantëve dhe kultivuesve të drogës.
Në një postim në rrjetet sociale, Saliani thotë se pasi Tahiri “nuk arrestoi asnjë grup të strukturuar kriminal ka guximin sot te dalë me deklarata bajate e parodi për gjasme dënime të ashpra!”
Xhelozia Tahiri-Xhafa se kush ka më shumë pronësinë dhe kontrollin e banditëve, po vendos çdo ditë në rrezik qytetarët.
Pas 4 vjetësh ministër i Ramës për lidhjet me krimin, pasi mbushi Shqipërinë me drogë, shkatërroi rendin dhe sigurinë, vendosi policine nën hyqmin e krimit, nuk arrestoi asnjë grup të strukturuar kriminal ka guximin sot te dalë me deklarata bajate e parodi për gjasme dënime të ashpra!
Mendon i shkreti që do mbahet mend që dështoi vetëm për ligjin e rrahjes së qenve të rrugës.
