Per mua, nje restorant që nuk vendos në një nivel sallë dhe kuzhinë, nuk është një restorant i mirë. Koha e kuzhinierëve që kërkojnë të ndriçojnë vetveten dhe të shkelin me këmbë të gjithë kolegët e tij kamerierë e somelierë, ka mbaruar. Ndihem krenar që në “Antico Arco” kemi investuar paralelisht si në sallë dhe në kuzhinë, duke pasur një staf salle të një niveli shumë të lartë, të cilët janë pjesë e krijimtarisë dhe filozofisë sime të kuzhinës.
Ti mund të jesh një kuzhinier shumë i aftë, por nëse nuk ke një kamerier i cili prezanton dhe u shpjegon pjatat e tua klientëve, atëherë mundi i kuzhinës shkon kot. Kamerieri është si kartëvizita e parë, si prezantimi i parë…
Ai duhet të mbajë veshur gjithë inteligjencën, shijen dhe elegancën e restorantit apo të vendit ku punon. Shumë prej jush mund të kenë pasur shpesh përplasje me kamerierët. Një pakujdesi në sjellje, zemëron klientin. Mendoj se nuk bëj aspak keq kur theksoj se kamerieri ka një rol shumë të rëndësishëm!
E dini si është kjo punë?! Është sikur do t’i shprehesh dashurinë një vajze me përkthyes. Domethënë, dashuria e kuzhinierit në pjatë dhe vajza në këtë rast është klienti që do të konsumojë pjatën tënde. Dhe ai ka nevojë që kamerieri të dijë prejardhjen e produkteve dhe filozofinë e përgatitjes së pjatës.
Lë të biem dakord që, ashtu si në film, ai është një lloj regjisori në vendin e punës. Po ju tregoj një histori reale. Më kujtohet një rast i shëmtuar në Tiranë, në një lokal afër Liqenit, ku një miku im kishte rezervuar një tavolinë për katër persona, unë dhe një vajzë arritëm të parët në takim, pasi u ulëm në tavolinë, po bisedonim dhe prisnim dy personat e tjerë, papritur kamerieri vjen e na thotë që: kemi dhe dhoma sipër…
U shtangëm! Për ne ishte një darkë pune dhe nuk ishte darkë dashnorësh. Vajza në fjalë, një personazh që punon me menaxhimin e hoteleve në Shqipëri, më thotë: e shikon, ky është niveli profesional dhe gabimi është se investohet në mënyrë të pakuptimtë në lukse, në sallat e restoranteve dhe 0 lekë në formimin e burimeve njerëzore. Reagimi i parë që na erdhi në mend, dhe vendimi që morëm pothuajse të dy në heshtje, ishte: këtu nuk shkelim më! Ky është një problem botëror, jo vetëm në Shqipëri, por atje më ndodhi kjo shëmti.
E ndoshta Shqipëria ka nevojë urgjente për një staf të Alternativë Pothuajse të njëjtën gjë mund të bëni edhe me salmonin. Ndryshe nga peta e gatshme brise, mund të përgatisni vetë palaçinka me qumësht, vezë dhe miell dhe t’i mbushni me salmon të tymosur dhe gjizë të ëmbël. Natyrisht që kripa, piperi ( nëse doni edhe disa fije të holla bishtash qepe)do duhen patjetër. kualifikuar dhe më mirëtrajnuar.
Prandaj, unë e them që roli i një kamerieri të formuar mirë në një restorant është shumë i rëndësishëm. Edhe punëdhënësit vetë nuk e vlerësojnë punën e kamerierit. Të shumtë janë ata që e konsiderojnë atë si një gjë të thjeshtë dhe mekanike, madje, nëse punësohesh kamerier merr pas vetes epitet ofenduese! Kamerier do të thotë zanat dhe është art më vete.
Ata (duhet të) kuptojnë nga kuzhina, njohin verërat e pijet alkoolike nga një cep i botës në tjetrin dhe pa e mohuar që, rrogat e bakshishet janë të mira nëse e bën punën e kamerierit me krenari. Më poshtë po ndajmë me ju disa foto të kamerierëve në lokale të ndryshme nëpër botë, ku është investuar në sallë që nga fillimet e viteve 1900.
Sushi me banane Sushi me banane
Përbërësit për 3 krepa:
60 gr sheqer pluhur; 1 vezë; 160 ml qumësht i freskët; 75 gr miell; 20 gr gjalpë; kakao pluhur 12 gr; gjysmë buste vanilje
Për mbushjen: Bajame 20 gr; 6 banane të vogla; 3 lugë arrë kokosi të bluar; tutela 200 gr; fistik 20 gr.
Përgatitja: Përgatisim së pari krepat me kakao. Përziejmë të gjithë përbërësit deri sa të arrijmë një masë kremoze brumi dhe i pjekim në një tigan që nuk ngjit. Petën e rrumbullakët të krepit e presim përgjysmë dhe në secilën gjysmë vendosim banane aq sa është gjerësia e petës.
Shtojmë brenda edhe pluhurin e arrës së koksit, si dhe përzierjen e frutave të tjera të thata. E rrotullojmë petën në formën e bananes dhe sipër e lyejmë me nutelën e shkrirë, si dhe shtojmë pjesën e mbetur të frutave të thata të grira. E presim bananen në feta më të holla, si sushi.
Tortëza me mus peshku ton Tortëza me mus peshku ton
Përbërësit: Brumë brise; gjizë të ëmbël 100 gr; 1 të verdhë veze; 200 gr peshk ton në vaj; kripë; piper; 200 ml pana kuzhine; gjalpë bajame (sipas dëshirës).
Përgatitja: Në mikser hedhim të gjithë përbërësit, përveç brumit dhe i punojmë derisa të përftojmë një masë brumi të njëtrajtshme. Enët e vogla për pjekje që mund të keni, lyejini me pak gjalpë dhe vendosni në to brumin e prerë sipas formës dhe masës që zë ena.
Futini petët në furrë për 10 minuta në temperaturën 200 gradë. Pasi t’i keni hequr, lërini pak të ftohen dhe mbushini me kremin që përgatitët. Nëse dëshironi, në sipërfaqe mund të vendosni disa bajame të shtypura për shije më të plotë.
NGA FUNDIM GJIPALI
NDIQE LIVE "PANORAMA TV" © Panorama.al
