Ish-komandanti ushtarak serb i Bosnjës, Ratko Mlladiç, i cili po vuan dënimin me burg të përjetshëm në Hagë për krime lufte, është shtruar në spital dhe është në “shëndet të dobët”.
Lajmi është bere i ditur nga djali i tij, Darko Mlladiç ne nje bisede te shkurtër me AFP ne Beograd. Ai u shpreh se ish-gjenerali ishte shtruar në spital për një javë për shkak të gjendjes së rëndë shëndetësore.
Ratko Mlladiç ishte fillimisht në spitalin civil në Hagë, ndërsa që nga e enjtja ndodhet në objektin shëndetësor të burgut me seli në Hagë.
“Shëndeti i tij është i keq. Një ekip mjekësh është gati këtu në Serbi të cilët mund të shkojnë ta shohin atë, por ne nuk e dimë ende nëse do të lejohen. Ne do të kërkojmë leje që këta mjekë ta ekzaminojnë atë”, citohet të ketë thënë Mlladiç për AFP.
NDIQE LIVE "PANORAMA TV" © Panorama.al