Pas prishjes së fasadës së stadiumit “Qemal Stafa”, kryeministri Edi Rama edhe pse me pushime është angazhuar në rrjetet sociale të sqarojë projektin që po aplikohet për ndërtimin e stadiumit.
Ai bën leksione historie, për ata që i quan “kujeshkronjësit e fasadës së “Qemal Stafës” që zhvendosjen e përkohshme të gurëve, për t’u rivendosur më pas në zemrën e stadiumit të ri, e quajnë krim dhe sakrilegj të paparë”.
Statusi i Ramës:
Më poshtë pak histori për kujeshkronjësit e fasadës së “Qemal Stafës” që zhvendosjen e përkohshme të gurëve, për t’u rivendosur më pas në zemrën e stadiumit të ri, e quajnë krim dhe sakrilegj të paparë
Gjysëm shekulli më parë, me bekimin dhe angazhimin e vetë UNESCO-s, u krye operacioni kolosal i zhvendosjes së tempullit të famshem Abu Simbel mbi lumin Nil???
Pse?!
Sepse mu aty qeveria vendosi të ndertonte nje digë gjigande mbi lumin e famshëm!
Tempulli u pre në blloqe dhe u rindertua 100% siç ishte, por mbi një kodër tjetër
Ky operacion “fantastiko-shkencor” njihet si fillimi i një revolucioni që zgjeroi këndvështrimin për si shpetohet dhe ruhet trashegimia kulturore, pa penguar zhvillimin e projekteve të reja që kërkon koha
Operacionet e kësaj natyre, janë të vazhdueshme në kohët moderne dhe zhvendosja e përkohshme e fasadës së “Qemal Stafës” është vetëm një shembull modest; që tregon ambicien tonë për zhvillim, vetëdijen tonë për vlerat reale të trashëgimisë, aftësinë tonë për t’i kombinuar të dyja (dhe, fatkeqësisht, edhe prapambetjen mizerabël të kujeshkronjësve tanë të vajmedetshëm)…
Duan s’duan #Rilindje do të jetë dhe
#ShqipëriaeGjeneratësTjetër do të bëhet
NDIQE LIVE "PANORAMA TV" © Panorama.al
