Kryeparlamentari në largim, Gramoz Ruçi ka uruar besimtarët bektashinj me rastin e Ditës së Ashures.
Në mesazhin e tij, Ruçi thotë se besimtarët bektashinj nëpërmjet kësaj feste përçojnë mesazhe miqësie e soliddariteti.
Mesazhi i Gramoz Ruçit:
Dita e Ashures është një ndër ditët që shënojnë shfaqjen e virtyteve më të mira të bektashinjve; është një sintezë e vlerave njerëzore; një simbol i bashkimit dhe përpjekjeve për të kontribuar për mirëqenien e të gjithë njerëzve. Nëpërmjet kremtimit të kësaj feste, besimtarët bektashinj u dërgojnë të gjithë kombeve e popujve një kumt miqësie dhe solidariteti; për të respektuar dallimet dhe diversitetin; për të ndarë bashkarisht gëzimet dhe dëshpërimin, të mirën dhe të keqen, përfitimet dhe përgjegjësitë, arritjet dhe mundimet, pasurinë dhe skamien, bekimet dhe vështirësitë e jetës së përditshme.
Vlerat bektashiane marrin vlera të veçanta në botën e sotme të trazuar edhe nga konfliktet etnike e fetare. Drita dhe mësimet e paqta të besimit u kundërqëndrojnë ekstremistëve, terroristëve dhe forcave të errësirës. T’i lexojmë të gjithë këto mësime të Bektashizmit! ”, shkruan në mesazhin e urimit Kryetari i Kuvendit.
NDIQE LIVE "PANORAMA TV" © Panorama.al
