Partia Demokratike ka ridepozituar në Komisionin Qendror të Zgjedhjeve listën e re të kandidatëve për deputetë në zgjedhjet e 25 prillit, ku vihen re ndryshime në renditje, apo heqja nga gara e disa personave.
NDRYSHIMET NË TIRANË
Ajo që bie në sy në qarkun e Tiranës është fakti që është hequr Gazmend Koduzi, vendin e të cilit e ka zënë Dorian Teliti që zhvendoset nga vendi i 26-të në vendin e 23-të. Në listën e re futbollisti i Tiranës Gentian Muça shkon në pozicionin e 26-të në listë.
Deputeti Korab Lita, i cili iu bashkua selisë blu, ngrihet një vend më lart në renditje, nga nr. 34 në nr. 33 të listës së kryeqytetit. Ndërkohë vendin e Litës me nr. 34 e zë Lediana Fratari. Asllan Dogjani kapërcen nga vendi i 36 në vendin 35, duke zëvendësuar Rivelino Çunin, që ishte përfaqësues i komunitetit rom me partinë për Evropianizim dhe Integrim.
NDRYSHIMET NË DURRËS
Në Durrës është hequr nga lista Riselda Kalia, ndërkohë që vendin e saj e zë Merita Dakovelli, e 15-ta listën e qarkut. Artion Bajramaj zbret nga vendi i 17-të në vendin e 19-të dhe vendin e tij e zë Armand Brahimaj.
NDRYSHIMET NË SHKODËR
Në Shkodër ka një “rrokadë” mes dy kandidatëve të FRD-së ku Astrit Kuçi i zë vendin Fatlum Nurjas, në pozicionin e 16-të. Po ashtu është shtuar një kandidat nga PDIU, Liljan Idrizaj në vendin nr.19. Po ashtu i bashkohen listës edhe dy emrat që gjendjen në vendin 20 dhe 21, Imeldi Sokoli dhe Denisa Meçi.
Kujtojmë që KQZ u ktheu gjashtë ditë më parë 6 partive politike, mes të cilave edhe Partisë Demokratike dhe Partisë Socialiste dokumentet e listës së kandidatëve për t’i korrigjuar.
TIRANA, LISTA E RE E PD
TIRANA, LISTA E VJETËR E PD
FIER, LISTA E RE E PD
SHKODËR, LISTA E RE E PD
ELBASAN, LISTA E RE E PD
DURRËS, LISTA E RE E PD
VLORË, LISTA E RE E PD
KUKËS, LISTA E RE E PD
KORÇË, LISTA E RE E PD
GJIROKASTËR, LISTA E RE E PD
BERAT, LISTA E RE E PD
NDIQE LIVE "PANORAMA TV" © Panorama.al