Pas letrës së Spartak Brahos dje për krerët e shtetit ku ai flet për një skenar të Tom Doshit dhe Dritan Priftit për të destabilizuar vendin, kreu i Kuvendit, Ilir Meta ka zhvilluar sot dy takime larg syrit të mediave.
Fillimisht ai është takuar me Presidentin Bujar Nishani me kërkesë të këtij të fundit.
Kreu i shteti ishte një prej tre zyrtarëve të lartë që është njohur paraditen e djeshme me përmbajtjen e letrës së Sparak Brahos.
Burimet nga ky takim bejne te ditur se teme diskutimi ka qene ajo per reformen ne Drejtesi.
Ndërkohë, pas takimit me Nishanin, kreu i Kuvendit, Ilir Meta ka zhvilluar një takim edhe me Shpëtim Idrizin, kryetar i PDIU-së, me katër deputetë në Kuvend.
Shpetim Idrizi ishte i pari qe pak jave me pare foli ne nje interviste per Gazeten Panorama per zgjedhje te parakohshme.
“Unë besoj e theksoj se duhet një marrëveshje e re mes të gjithëve ne shqiptarëve, qofshim qytetarë dhe politikanë. Nëse kjo marrëveshje e re kërkon emra, fytyra, stil, përmbajtje dhe frymë të re në qeverisje, atëherë pse jo? Unë jam mirëbesues se Kryeministri Edi Rama e ka të gjithë brendinë e tij politike, intelektuale, shtetërore dhe njerëzore në mbrojtje të këtij parimi madhor, pra, në dëgjimin e zërit të qytetarëve”, deklaroi Idrizi.
NDIQE LIVE "PANORAMA TV" © Panorama.al