Policia malazeze dyshon se Dalibor Jaukovic, 43 vjeçar, është personi që mbrëmë ka hedhur bombën në oborrin e Ambasadës së Shteteve të Bashkuara të Amerikës në Podgoricë, ndërsa më vonë e ka hedhur vetën në ajër, me anë të eksplozivit.
Jaukovic, sipas “Vijesti” ka jetuar në Podgoricë ndërsa është i lindur në Kralevë të Serbisë.
Siç shkruan gazeta e Podgoricës në shpërthim nuk ka pasur viktima tjera, ndërkohë që motivi i sulmit mbetet i panjohur.
Sipas banorëve nuk ishte një por dy shpërthime të njëpasnjëshme, raporton Express.
Policia menjëherë bllokoi Bulevardin “Revolucioni”, që nga ndërtesa e Agjencisë së Sigurisë Kombëtare e deri te Ambasada e Amerikës.
Qeveria malazeze konfirmoi herët në mëngjes se një sulmues i panjohur hodhi një granatë dore në Ambasadën amerikane në Podgoricë në mesnatë dhe pastaj vrau veten duke aktivizuar një pajisje tjetër shpërthyese.
Gjysmë ore pas mesnatës përpara Ambasadës së SHBA-ve, një person bëri vetëvrasje me një mjet shpërthyes. Pak para vetëvrasjes, fytyra e Ambasadës së SHBA-së hyri në një nga pajisjet shpërthyese nga kryqëzimi në Qendrën Sportive.
Në të gjitha gjasat, sipas medieve, askush tjetër nuk u dëmtua dhe nuk u shkaktuan dëme materiale.
Me këtë rast, Departamenti i Shtetit në Uashington njoftoi se Ambasada Amerikane “po kryen aktualisht një kontroll të brendshëm për të konfirmuar sigurinë e stafit të saj”, raportoi AP. Bomba shpërtheu në ajër.
Panik në Podgoricë/ Sulmohet ambasada amerikane, autori hedh veten në erë
Një person i panjohur hodhi një pajisje shpërthyese në ndërtesën e ambasadës së Shteteve të Bashkuara në Podgoricë, konfirmoi Qeveria e Malit të Zi.
Sulmi ndodhi në orët e para të ditës së sotme, thuhet në njoftimin e postuar në Twitter.
“Një person i panjohur bëri vetëvrasje me një pajisje shpërthyese. Para kësaj, ai person hodhi një pajisje shpërthyese nga kryqëzimi pranë Qendrës së Sporteve në ambasadën e Shteteve të Bashkuara”, thuhet në njoftim.
Qeveria tha se pajisja e hedhur në ambasadë “ka shumë të ngjarë” të ketë qenë granatë dore dhe se hetimet janë në proces. Ambasada amerikane në Podgoricë po ashtu e konfirmoi sulmin për Shërbimin e Ballkanit të Radios Evropa e Lirë.
Policia tha se nuk i di motivet e sulmuesit vetëvrasës. “Ka ndodhur një incident”, tha një zyrtar i policisë për agjencinë Reuters, por nuk dha më shumë detaje. Fotografi i Reutersit në Podgoricë tha se policia ka bllokuar rrugën ku ndodhet ambasada.