Osteoporoza prek edhe meshkujt

SHPËRNDAJE

Është folur gjithnjë si sëmundje e grave, por osteoporoza mund të prekë edhe meshkujt. Përveç ndryshimeve hormonale si shkak i menopauzës, faktorë të tillë si niveli i ulët i testosteronit, cilësia e ulët e jetës, konsumi i tepërt i alkoolit dhe konsumi i duhanit kontribuojnë në osteoporozë, sipas mjekëve.

“Megjithëse gratë janë më të prirura për t’u prekur nga osteoporoza, ajo mund të prekë dhe meshkujt. Zakonet e jetës që përfshijnë konsumin e duhanit, alkoolin dhe mungesën e ushtrimeve, veç të tjerash janë faktorët rriskues”, thotë Rana Chengappa, drejtor i klinikës “Sport medicine”, një qendër rehabilitimi ortopedike.osteoporoza-780x439

Një studim i kohëve të fundit në shkollën mjekësore të Harvardit zbuloi se obeziteti ose barku i madh është një tjetër faktor risku për dobësimin e kockave te meshkujt. “Është e rëndësishme që burrat të jenë të vetëdijshëm se yndyra e tepërt e akumuluar rreth belit nuk është vetëm një faktor rreziku për sëmundjet e zemrësdhe diabetit, por edhe për dobësimin e masës kockore”, thotë një nga studiuesit, Miriam Bredlla.

Osteoporoza është një sëmundje serioze, që çon në dobësimin e kockave e me shumë gjasë çon në thyerjen e tyre. Mjekët thonë se ka shumë probleme shëndetësore, të tilla si inflamacioni i zorrëve, veshkat ose mëlçia, kanceri dhe artriti reumatoid, që gjithashtu mund të rrisin riskun për osteoporozë.

Ndaj, rekomandohen së tepërmi ushtrime fizike, si vrapimi, ecja, ngjitja e shkallëve dhe joga për ruajtjen e kockave. Sakaq, në dietë duhet të përfshihen produkte si qumështi me nivel të ulët yndyre, kosi, djathi, fruta të freskëta dhe perime të gjelbra. Problematika e osteoporozës është se ajo është një sëmundje e heshtur, me të cilën personi njihet vetëm pasi të ketë thyer një masë kockore nga një shkak i parëndësishëm. Ndaj, sipas mjekëve, duhet informacion në kohë pasi osteoporoza kufizon lëvizshmërinë, por edhe mund të çojë në izolim dhe depresion afatgjatë.

 

Te lidhura

 

Artikulli paraprakTrump takon Mbretëreshën, nisin protestat masive në Londër (Video)
Artikulli tjetër“Paketat falas” të kardiokirurgjisë u kushtojnë pacientëve mijëra euro në spitalet private

S'KA KOMENTE

Comments are closed.