“Në gatishmëri për të ofruar ndihmë për Shqipërinë”- Zëdhënësi i qeverisë gjermane reagon pas tërmetit tragjik në Durrës

| 17:41
SHPËRNDAJE

Solidarizimi me Shqipërinë e tronditur nga tërmeti është i madh. Gjermania e ka ofruar ndihmën e saj për të dërguar skuadra shpëtimi.

02957b07-37d9-4932-974b-ea3ca79b6a90

Zëdhënësi i qeverisë gjermane Steffan Seibert postoi ne twitter:

“Jemi me mendje te viktimat e tërmetit të rëndë në Shqipëri dhe vendet fqinje. Gjermania ka ofruar ndihmën e saj. Një ekip i Agjencisë Federale të Ndihmës Teknike (THW) është në gatishmëri për të mbështetur Shqipërinë në kuadër të strukturës së BE-së në përgjigje të krizave”, i tha një zëdhënës i qeverisë gjermane sot Deutsche Welles.

Sipas THW-së në gatishmëri është Njësia e shpëtimit të shpejtë për jashtë (SEEBA). “Nëse SEEBA do të thirret për ndihmë, këtë e vendos Shqipëria”,  i tha  Deutsche Welles të martën një zëdhënës i THW-së.

Njësia e shpëtimit të shpejtë për jashtë (SEEBA) përbëhet nga gjithsej 70  ndihmës  që mobilizohen brenda gjashtë orësh. Njësia është e speializuar në gjetjen e personave të fshehur nën rrënoja duke vënë në përdorim qentë e zbulimit ose mjete teknike.

Ndërkohë edhe ministri gjerman i Evropës, Michael Roth, ka shprehur nëpërmjet një mesazhi në Twitter solidarizimin e tij me popullin shqiptar.  “Mendimet e mia dhe solidaritet i sinqertë me njerëzit në Shqipëri që u goditën nga një tërmet i tmerrshëm”, shkroi politikani socialdemokrat.

Kryeministri i Shqipërisë Edi Rama anuloi të martën vizitën e tij në Berlin, ku do të merrte pjesë në një konferencë të Fondacionit Körber për politikën e jashtme dhe multilateralizmin. Rama do të takohej në Berlin  edhe me presidentin e Gjermanisë Frank Walter Steinmeier.

Ndërkohë një aktivitet i përbashkët i ambasadës së Kosovës dhe ambasadës së Shqipërisë në Berlin që do të zhvillohej ditën e mërkurë, në prag të festave kombëtare të Shqipërisë, është anuluar me kërkesë të Shqipërisë.

/DW/

 

Te lidhura

Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

S'KA KOMENTE

Comments are closed.