Mesazhe të dyshuara që janë shkruar nga aktori Johnny Depp përmbajnë kërcënime me vdekje për ish bashkëshorten e tij Amber Heard.
Mesazhet u zbuluan gjatë një seance gjyqësore në Gjykatën e Lartë në Londër.
Në nëntor 2013, Depp dyshohet se i dërgoi mesazh aktorit Paul Bettany duke thënë: “Le të djegim Amber”.
Gjithashtu në të njëjtën ditë i dërgoi një tjetër mesazh ku shkruhej: “Le ta mbytim atë para se ta djegim atë!!! Do ta përdhunoj kufomën e saj të djegur më pas për t’u siguruar që ka vdekur.”
Mesazhet u lexuan në seancën gjyqësore të Depp me gazetën britanike The Sun. Aktori paditi median pasi publikoi një artikull në vitin 2018 ku pretendonte se ylli i Pirateve të Karaibeve dhunoi ish bashkëshorten, Amber Heard.
Ekipi i mëparshëm i avokatëve të Depp ndau aksidentalisht një arkiv prej 70,000 mesazhesh me avokatët e The Sun.
Mesazhet u bënë publike si pjesë e mbrojtjes së gazetës ndaj Depp, i cili akuzohet se ushtroi dhunë ndaj Heard por që aktori i mohon.
Sipas pretendimeve dhuna u ushtrua gjatë një fluturimi me një avion privat në maj 2014.
NDIQE LIVE "PANORAMA TV" © Panorama.al