Ministrja e Kulturës Elva Margariti ka reaguar me trishtim pas lajmit për ndarjen nga jeta të kantautorit Kujtim Prodani, i cili ishte infektuar me koronavirus dhe kishte ditë që luftonte me virusin e rrezikshëm në spitalin “Shefqet Ndroqi”.
“Nuk gjej fjalë të përshkruaj trishtimin që ndjej nga humbja e parakohshme e kantautorit Kujtim Prodani.
Djali që i këndoi Tiranës, dashurisë, jetës sot iu bashkua prindërve të tij të nderuar Anita e Agim Prodani…
Është shumë herët për t’u ndarë nga ky mik i mirë i të gjithëve.
U prehsh në paqe!”, shkruan Margariti ne rrjetet sociale.
Kujtim Prodani u nda nga jeta në moshën 57-vjeçare, pas disa ditësh betejë me koronavirusin në spitalin “Covid2”.
NDIQE LIVE "PANORAMA TV" © Panorama.al
