“Kusuret tona na dalin dhe na teprojnë”- Rama mesazh ‘atyre që nuk duan të kuptojnë’: Puna nis kur fillojnë analizat, studimet, jo kur sheh fadromat në terren!

| 16:39
SHPËRNDAJE
 

Kryeministri Edi Rama ka inspektuar ditën e sotme punën në rrjetin e furnizimit me ujë të pijshëm në Berat.

Teksa Drejtori i ujësjellës kanalizimeve ka bërë të ditur se me kryebashkiakun, Ervin Demo ka finalizuar punën për zbatimin e projektit për furnizimin me ujë 24 orë dhe të zonës së Orizajt, Duhanasit dhe Lapardhasë.

Duke shfrytëzuar këtë moment, Rama ka thënë se zgjidhja e problemit të ujit të pijshëm, zotim i bërë në 2013 do të marrë përfundimisht fund në vitin 2021.

“Por për ta kuptuar të gjithë është që nuk fillon një punë kur sheh fadromat. Puna fillon kur fillojnë analizat studimet, projektet dhe të gjitha proceset e tjera dhe për më tepër ne na është dashur një punë e jashtëzakonshme, për të dalë nga gropa e borxheve të mëdha në mandatin e parë”- tha Rama, ndër të tjera.

Pjesë nga diskutimi:

Drejtori: Brenda vitit 2021 kemi finalizuar tashmë projektin me kryetarin dhe fillojmë zbatimin e projektit për furnizimin me ujë 24 orë dhe të zonës së Orizajt, Duhanasit dhe Lapardhasë.

Ervin Demo: Bashkëpunimin  e kemi pasur perfekt. Gjithë këto kodrat që shikoni matan do të kenë furnizim me ujë që nuk e kanë pasur asnjëherë.

Rama: Ky është zotimi i marrë në 2013 për të zgjidhur përfundimisht problemin me ujë të pijshëm. Ajo që është themelore për ta kuptuar ata që nuk duan ta kuptojnë, megjithëse ata që s’duan ta kuptojnë nuk kanë për ta kuptuar ndonjëherë. Por për ta kuptuar të gjithë është që nuk fillon një punë kur sheh fadromat. Puna fillon kur fillojnë analizat studimet, projektet dhe të gjitha proceset e tjera dhe për më tepër ne na është dashur një punë e jashtëzakonshme, për të dalë nga gropa e borxheve të mëdha në fazën e parë dhe sot jemi këtu për ti thënë me plotë gojën atyre që jetojnë në zonat urbane të vendit nga Malësia e Madhe deri poshtë në Sarandë e Konispol, që çështja e ujit të pijshëm 24 orë është një çështje e zgjidhur në 2021.

Tani pse kaq e aq kohë, kusuret e dekadave të tëra… sepse këtu ishte një ujësjellës i viteve ’60 ku nuk ishte investuar për 50 vite. Këto pastaj janë kusure të tjerëve para nesh, Ne përgjigjemi për kusuret tona, na dalin dhe na teprojnë, po kusuret e të tjerëve nuk kemi çfarë t’i bëjmë.

Te lidhura



Subscribe

      
             

Për t’u bërë pjesë e grupit të "Panorama" mjafton të klikoni: Join Group dhe kërkesa do t’ju aprovohet.
KOMUNITETI PANORAMA ONLINE: https://facebook.com/groups/panoramaonline/

 

S'KA KOMENTE

Comments are closed.