Skënder Gjinushi duket se i ka mbijetuar një tentative për ta rrëzuar nga posti i kryetarit të Partisë Social Demokrate. Në mbledhjen e Këshillit Kombëtar, Gjinushi ka shkarkuar nga detyra “komplotistët”, kryetarin e degës së Tiranës dhe Sekretarin e partisë dhe nuk janë lejuar të marrin pjesë në mbledhje.
“Askush nuk është penguar të futet në godinë. Janë ndaluar të hyjnë njerëz që nuk ishin të këshillit. Këshilli është ky”, tha Gjinushi duke shtuar se mbledhja e të hënës ishte “provokacion”.
“Duke i dënuar këto veprime, pasi asnjë anëtar këshilli nuk kishte të hënën, ishte një provokacion i qartë. Masat për njerëzit që provokuan këtë, Muhamend Gaba lirohet nga detyra për veprimet e tij në kundërshtim me çdo lloj norme dhe etike. Zoti Rustemi ka ofruar një tërheqje si sekretar, funksionet e tjera…, partia i njeh kontributet e tjera. Nga posti i sekretarit është i pezulluar edhe me pëlqimin e tij”.
Kreu i PSD-së gjithashtu informoi se në mbledhje është miratuar marrëveshja me Kryeministrin dhe PS-në, është vendosur mbledhja e aktivit në qershor. “Këshilli vendosi: e para miratoi marrëveshjen me Kryeministrin dhe PS-në. E dyta ka vendosur të mbledhë aktivin diku nga qershori dhe pastaj do të caktohet edhe Kongresi”, tha Gjinushi.
NDIQE LIVE "PANORAMA TV" © Panorama.al
