Një mrekulli mund të quhet ajo që i ka ndodhue kësaj nëne dhe djalit të saj, me të cilin është takuar pas më shumë se 41 vitesh, që kur asaj ia rrëmbyen disa orë pas lindjes.
Ato nuk mund të flisnin edhe sikur të donin, sepse flasin dy gjuhë të ndryshme, por gjuha e gjakut dhe e zemrës nuk i ka penguar që të rrinë për minuta të tëra të përfqafuar në takimin e tyre të parë ne jetë.
Kur ata u takuan në Aeroportin Ndërkombëtar në Santiago, të dy pa fjalë, por me sy të përlotur dhe me një dashuri të madhe që dukej në gjestet e tyre, qëndruan gjatë në krahët e njëri-tjetrir, sa vështirë se mund të kishte njeri që t’i ndante sërish.
Nelly Reyes ditën e takimit me të birin kishte pritur me orë të tëra në aeroport duke mbajtur një letër të shkruar me dorë ku lexohej: “Duke pritur me dashuri Travisin, mami Nelly dhe familja”.
Në anën tjetër të terminalit të aeroportit, Travis Tolliver ishte i shqetësuar dhe shumë nervoz deri në minutën e fundit, për shkak të gjuhës të cilën nuk e njihte.
Tolliver po derdhte lot gëzimi kur pa të ëmën e tha: “Nuk di se ç’ndjej. Është çmenduri. Kurrë nuk kam menduar se mund të ndodhë kjo”.
“Do ta përqafojë atë çdo ditë. E dua shumë”, tha e ëma.
Tolliver lindi në vitin 1973 por vetëm pas disa çastesh nëna e tij ishte gënjyer se djali i kishte vdekur, pa ia treguar trupin e tij dhe pa i dhënë kurrfarë certifikatë që vërtetonte vdekjen.
NDIQE LIVE "PANORAMA TV" © Panorama.al