Deputeti ukrainas, Valeriy Davydenko, u gjet i vdekur në banjën e zyrës së tij në Kiev, ndërsa kishte një plagë me armë zjarri në kokë.
Një armë u gjet afër trupit të deputetit, ndërsa policia e prokuroria kanë nisur hetimet, por paraprakisht dyshohet se Davydenko ëshët vetëvrarë.
Trupi i tij u gjet nga një pastrues, por policia nuk përjashton as mundësinë e vrasjes e më pas inskenimit si vetëvrasje.
Davydenko kishte marrë pjesë si kandidat i pavarur në zgjedhjet parlamentare të vitit 2019 dhe më pas i ishte bashkuar grupit parlamentar “Dovira.
Nga maji i vitit 2013 deri në mars të vitit 2014, ai kishte shërbyer si zëvendësministër i Bujqësisë.
NDIQE LIVE "PANORAMA TV" © Panorama.al
