Marsela Çibukaj fitoi “Këngën Magjike”. Që prej fillimit të këtij kompeticioni artistja ishte pretendente për ta fituar dhe ashtu ndodhi.
Festën e ka nisur me të fejuarin ku nuk kanë munguar as momentet romantike mes dyshes. Ky çift është prej shumë kohësh së bashku, duke u shndërruar në një prej lidhjeve më të konsoliduara.
Janë shumë të rralla daljet e tyre publike, por duket se triumfi i partneres së tij në festivalin e rëndësishëm ka bërë që Vitmari të shfaqet në një foto romantike me partneren.
Pasi këngëtarja e fitoi çmimin e madh ai u shfaq në skenë dhe e puthi në buzë. Marsela ka zgjedhur të publikojë në llogarinë e saj në “Instagram” një video shumë romantike të tyre. Ajo ka shkëputur disa momente nga festa e datëlindjes së Vitmarit, ku shihen duke shkëmbyer puthje të ëmbla me njëri-tjetrin.
“Një mijë fjalë, një mijë puthje, nuk do mjaftonin për të të treguar sa dashni ka kjo zemra ime për ty, për ty që je gjithçka për mua Vitmar Basha. Gëzuar ditëlindjen o shpirt i bukur dhe i rrallë. Të dua pafund”, shkroi këngëtarja krahas videos.
Dyshja është njohur para tetë vitesh dhe në 2020-ën kishin planifikuar të martoheshin, por koronavirusi nuk e bëri të mundur këtë gjë. Artistja ka shprehur edhe dëshirën për t’u bërë nënë e për të sjellë në jetë një fëmijë.
