Një ditë pas rrëzimit të avionit rus nga forcat turke pasi shkeli hapësirën ajrore të saj, dalin edhe fotot dhe të dhënat e dy pilotëve që u parashutuan nga avioni në rënie.
Njëri prej pilotëve u vra nga rebelët turq të Sirisë, ndërsa tjetri arriti të shpëtonte pas shumë peripecish.
Po cilët janë dy pilotët rusë? I pari, ai që arriti të mbijetonte është kapiteni Konstantin Murahtin, i cili arriti të shpëtohej pas një operacioni 12-orësh që përfundoi ditën e sotme.
Murahtin kishte rënë në dorën e rebelëve turq të Sirisë, të cilët e shohin me armiqësi angazhimin e Rusisë në luftën ndaj ISIS-it, pasi sipas tyre, aleati i Asadit bombardon edhe rebelët si kundërshtarë të regjimit.
Murahtin mbahej peng nga rebelët turq dhe u desh ndërhyrja e forcave ruse që ai të lirohej. Madje, në një tentativë të djeshme, një helikopter rus u rrëzua pikërisht nga rebelët.
Piloti tjetër, kolonel-lejtant Oleg Pershkov është konfirmuar i vdekur. Sipas burimeve ruse, ai është qëlluar rebelët turko-sirianë në afërsi të Jamadit.
Ditën e sotme, Presidenti rus, Vladimir Putin deklaroi se të dy pilotët do të nderohen me dekoratat më të larta të ushtrisë ruse, së bashku me ata që morën pjesë në operacionin e shpëtimit.
Kolonel-Lejtant Peshkovi do të dekorohet me medaljen “Hero i Rusisë”. Një tjetër ushtar rus, Aleksandër Pozinik, i cili u vra gjatë operacionit të shpëtimit do të dekorohet gjithashtu.
NDIQE LIVE "PANORAMA TV" © Panorama.al
