Pasi në banesën e saj u vra një person me armë zjarri dhe u plagos një tjetër, Marsida Qatja nga Kavaja duket se vijon jetën normale të saj.
Së fundmi, ajo ka publikuar një foto të bashkëshortit që ndodhet i dënuar në Gjermani për lëndë narkotike.
Qatja pretendon se është më e dashuruar se kurrë, ndërsa foton e bashkëshortit të dytë e shoqëruar me disa zemra.
Ngjarja e rëndë ku mbeti i vrarë Dritan Haxholli ndodhi në orët e vona të natës së 11 tetorit në banesën e Qatjas. Në banesë ndodhej edhe Bledar Toçi, shef sigurie në burgun e Durrësit, i akuzuar si autor i vrasjes.
Toçi kishte premtuar se do t’i zgjidhte çështjen Marsidës dhe kishte pritur ardhjen e Haxhollit në banesë për t’u sqaruar por sipas deklarimeve të tij, viktima ishte i pajisur me kallashnikov dhe ka qëlluar brenda banesës.
Marsida ndodhej aty bashkë me djalin e saj të vogël, i ardhur në jetë nga martesa e dytë. Vetë ajo ka pranuar se ka pasur një lidhje me Haxhollin, me të cilin dëshironte t’i jepte fund.
