Personi që filmoi dhe më pas bëri publike videon në të cilën duket dhuna që ushtrohet nga policia mbi të riun Tomi Misha në qytetin e Korçës, ndihet i kërcënuar pasi është identifikuar nga kamerat e një banke përballë vendit ku ai filmoi edhe skenën e dhunës.
Në një lidhjeje me “Skype” në emisionin “Me zemër të hapur” në “Neës24”, ky person ka deklaruar se në Korçë tashmë e dinë se kush është ai që e ka regjistruar dhe bërë publike videon, ndërsa thekson se dy ditë pas ngjarjes është kërcënuar.
“Njerëzit në Korçë e dinë se kush është protagonist i videos. Një njeri i ka thënë babait tim, nuk ka bërë mirë që e ka regjistruar videon dhe do ketë probleme. Dy ditë pas ngjarjes, babai im e kishte takuar rastësisht këtë personin, nuk e dinte që ishte babai im dhe unë ndihem i kërcënuar, sepse ai kishte thënë nuk bëri mirë që e regjistroi dhe do të ketë probleme për këtë që bëri. Nuk dua të dal nëpër media. Këtu pranova të flas në kushte anonimati sepse nuk ndihem i sigurt për jetën time. Dyshoj se më ka dalë emri nga filmimet e një banke përballë ku dukem me pamje ballore teksa filmoja ngjarjen. Nuk jam i sigurtë, kam një ndrojtje, frikë. Nuk kam besim tek institucionet”,- ka deklaruar i riu.
NDIQE LIVE "PANORAMA TV" © Panorama.al
