Ministri i jashtëm i Kinës ka akuzuar SHBA për përhapjen e “gënjeshtrave” në lidhje me koronavirusin, duke rritur edhe më shumë tensioneve midis dy kombeve.
“SHBA është infektuar nga një ‘virus politik’ që po detyron disa politikanë të sulmojnë vazhdimisht Kinën”, u tha gazetarëve të dielën, Wang Yi.
Ai u kërkoi SHBA-së të “ndalojnë humbjen e kohës dhe të ndalojnë humbjen e jetës së çmuar” në përgjigjen e saj ndaj shpërthimit të Covid-19.
Tensionet midis Uashingtonit dhe Pekinit janë përshkallëzuar pasi virusi COVID-19 shpërtheu.
Presidenti amerikan, Donald Trump, i cili përballet me zgjedhje këtë vit dhe është kritikuar për mënyrën e menaxhimit të situatës së pandemisë, ka fajësuar Kinën se po përpiqej të mbulonte shpërthimin.
Por të dielën, Wang përsëriti deklaratat e Kinës se ajo kishte vepruar me përgjegjësi për të mbrojtur shëndetin e publikut, që kur virusi u shfaq për herë të parë në dhjetor./ BBC
NDIQE LIVE "PANORAMA TV" © Panorama.al
