Nëse Bashkimi Evropian nuk i liberalizon vizat Turqisë, Parlamenti vendas do të bllokojë marrëveshjen për emigrantët.
Kështu ka paralajmëruar presidenti i Turqisë, Recep Tayyip Erdogan, raporton “Hyrriet”. Mediat thonë se Erdogan kërkon fondet që i janë premtuar Turqisë nga BE’ja por sipas tij nuk janë lëshuar ende.
BE-ja megjithatë mendon se Turqia duhet të plotësojë edhe disa kushte, përfshirë ndryshimin e ligjeve të saj kundër terrorizmit, diçka që Ankaraja ka refuzuar të bëjë.
Ka zëra se objektivi për liberalizimin e vizave për shtetasit turq, deri në fund të këtij muaji nuk do të arrihet.
Kancelarja gjermane, Angela Merkel, e cila është takuar me Erdoganin të hënën, ka thënë se mund të mos ketë kohë të mjaftueshme për arritjen e tij.
NDIQE LIVE "PANORAMA TV" © Panorama.al
