Ylber Ramadani bëhet me skuadër të re.
Mesfushori i Kombëtares, Ylber Ramadani është transferuar tek skuadra e MTK Budapest cila militon në elitën e futbollit hungarez.
Këtë transferim e ka mundësuar dhe menaxheri i tij shqiptar, Erkan Sulejmani.
25-vjeçarit shqiptar i skadoi kontrata me klubin e Vejles në Danimarkë nga ku kaloi dhe 4 sezone dhe tani ndërmerr hapin e madh në karrierë teksa do të ketë përballë në Superligën hungareze dhe dy lojtarët e tjerë shqiptarë, Jasir Asanin dhe Myrto Uzunin.
Me skuadrën e Vejles, Ramadani gjatë sezonit që lamë pas u aktivizua në total në të gjitha kompeticionet në 32 ndeshje nga ku realizoi një gol dhe dhuroi 3 asist.
Gjithashtu vlen të theksohet se edhe klubi i tij më i ri, MTK Budapest e ka bërë zyrtare blerjen e Ylber Ramadanit.
PANORAMASPORT.AL
NDIQE LIVE "PANORAMA TV" © Panorama.al